ப்ரோக்கோலி.. செரிமான பிரச்சனை உள்ளவர்களுக்கு உடனே ரிசல்ட் தெரியும் - ஆய்வில் உறுதி..!

ப்ரோக்கோலி என்ற பச்சை பூக்கோசு சிறுகுடலை பாதுகாப்பதன் மூலமாக நோய்களை எவ்வாறு விரட்டுகிறது என்பது குறித்த ஆய்வை எலிகளில் ஆராய்ச்சியாளர்கள் மேற்கொண்டுள்ளனர்.

அமெரிக்காவைச் சேர்ந்த பெனிசில்வேனியா பல்கலைக் கழகத்தில் மேற்கொள்ளப்பட்ட ஆய்வில் பிராக்கோலி, முட்டைக்கோஸ் மற்றும் முளைக்கட்டிய பிரூசல்ஸ் போன்றவற்றை நம் அன்றாட உணவின் ஒரு பகுதியாக ஏன் சேர்க்க வேண்டும் என்பதை ஆராய்ச்சியாளர்கள் கண்டுபிடித்துள்ளனர்.

அமெரிக்காவைச் சேர்ந்த பெனிசில்வேனியா பல்கலைக் கழகத்தில் மேற்கொள்ளப்பட்ட ஆய்வில் புரொக்கோலி, முட்டைக்கோஸ் மற்றும் முளைக்கட்டிய பிரூசல்ஸ் போன்றவற்றை நம் அன்றாட உணவின் ஒரு பகுதியாக ஏன் சேர்க்க வேண்டும் என்பதை ஆராய்ச்சியாளர்கள் கண்டுபிடித்துள்ளனர்.

இந்த கண்டுபிடிப்புகள் லெபாரட்டரி இன்வஸ்டிகேஷன் என்ற பத்திரிக்கையில் வெளியானது. குடலின் சுவரில் உள்ள குறிப்பிட்ட சில செல்கள் நன்மை நிறைந்த தண்ணீர் மற்றும் ஊட்டச்சத்துக்கள் உடலில் நுழைவதற்கு உதவியாக அமைகிறது. அதே நேரத்தில், கெட்ட உணவுப் பொருட்கள் மற்றும் பாக்டீரியா உடலில் நுழையாமல் பாதுகாக்கிறது.

தண்ணீர் மற்றும் ஊட்டச்சத்துக்களை உறிஞ்சும் என்டரோசைட்ஸ், மியூக்கஸ் என்ற பாதுகாப்பு அடுக்கை உருவாக்கும் காப்லெட் செல்கள், செரிமான நொதிகளைக் கொண்டுள்ள லைசோசோம்களை உற்பத்தி செய்யும் பானத் செல்கள் போன்றவை இதில் அடங்கும்.

இந்த ஆய்வில் பயன்படுத்தப்பட்ட எலிகளுக்கு 15 சதவீதம் ப்ரோக்கோலி உடனான உணவு வழங்கப்பட்டது. இது மனிதர்கள் சாப்பிடும் 3.5 கிண்ணத்திற்கு சமம். மேலும் வேறொரு ஒரு எலிகள் குழுவிற்கு பிராக்கோலி அல்லாத உணவு வழங்கப்பட்டது. பின்னர் ஏஎச்ஆர் ஆக்டிவேஷன் எந்த அளவிற்கு நடைப்பெற்றுள்ளது என்பதை அறிய எலிகளின் திசுக்களை ஆய்வு செய்வதனர். ப்ரோக்கோலி வழங்கப்படாத எலிகள் ஏஎச்ஆர் செயல்பாடு இல்லாதது இதன் மூலம் கண்டுபிடிக்கப்பட்டது.

இதன் காரணமாக செரிமானத்தில் ஒரு வித தோய்வு காணப்பட்டது. "பிராக்கோலி உண்ணாத எலிகளின் குறைவான செரிமான திறன் காரணமாக அவை செரிமான நோய்களுக்கு உட்படுத்தப்பட்டனர், " என்று ஆய்வாளர் பெர்டியூ கூறினார்.

"பிராக்கோலி மற்றும் பிற உணவுகள் ஏஎச்ஆர் லிகாண்டுகளின் இயற்கை ஆதாரங்களாக பயன்படுத்தப்படலாம் என்பதை எங்களது ஆய்வு பரிந்துரை செய்கிறது. மேலும் இந்த லிகாண்டுகள் நிறைந்த உணவுகளை சாப்பிடுவது சிறு குடலை ஆரோக்கியமாக வைத்துக்கொள்ள உதவும்," என்றும் அவர் கூறினார்.

பிராக்கோலி வைத்து செய்யக்கூடிய ஏராளமான ரெசிபிகள் உள்ளன. ஆகவே, உங்கள் அன்றாட உணவில் பிராக்கோலி சேர்ப்பதன் மூலமாக செரிமான பிரச்சினைகளில் இருந்து நீங்கள் விலகி இருக்கலாம். நீங்கள் ஏற்கனவே மலச்சிக்கல், நெஞ்செரிச்சல் போன்ற செரிமான கோளாறுகளால் அவதிப்பட்டு வருகிறீர்கள் என்றால், பிராக்கோலியை உங்கள் உணவில் அடிக்கடி சேர்த்து சாப்பிடுவது நல்ல பலன் தரும்.