பேரிச்சம்பழத்தில் கார்போ ஹைட்ரேட் 70 முதல் 80 சதவீதம் உள்ளது. மேலும் க்ளுகோஸ், ப்ரக்டோஸ், நார்ச்சத்து, வைட்டமின்கள், மக்னீசியம், மினரல்கள் (தாது உப்புகள்) மற்றும் பாலிபீனால்கள், பீனாலிக் அமிலம் போன்ற எண்ணற்ற சத்துக்கள் நிறைந்துள்ளன. உடலுக்கு தேவையான அத்தியாவசிய ஊட்டச்சத்துக்களை அளிப்பதன் காரணமாகவே ஒரு நாளுக்கு 2 பேரிச்சம்பழம் சாப்பிடுவது மிகவும் நல்லது என சொல்லுவார்கள்.
அதிலும் பேரிச்சம்பழத்தை பாலில் ஊறவைத்து சாப்பிடுவதால் பல பிரச்சனைகளுக்கு தீர்வு காண முடியும் என்றால் நம்பமுடிகிறதா? இதனை செய்வதால் தூக்கமில்லாத இரவுகள் உட்பட பல நோய்களைக் குணப்படுத்த முடியும் என்று கூறப்படுகிறது. மேலும், பேரிச்சம்பழத்தை பாலில் கலந்து சாப்பிடுவதால் ஏற்படும் நன்மைகள் குறித்து காண்போம்.