குளிர் காலம் வந்தாச்சு..! செர்ரி பழம் தரும் 6 சூப்பர் நன்மைகள்..

மலைப்பிரதேசங்களுக்கு செல்ல வேண்டும் என்ற ஆசை போய், இப்போது நம்முடைய வசிப்பிடமே ஒரு மலைப்பிரதேசம் போல காட்சியளிக்கிறது.குதூகலமான இந்த யை நாம் அனுபவித்து தீர்க்கும் அதேவேளையில், இந்த பருவத்தில் அதிகம் கிடைக்க கூடிய ப்ளம்ஸ் மற்றும் செர்ரி பழங்களை தவற விடக் கூடாது. இனிப்பும், கொஞ்சம் புளிப்பும் சேர்ந்த சுவை கொண்ட இந்த பழங்கள் நம் எல்லோருக்கும் பிடித்தமானவையாக இருக்கும். ஊட்டச்சத்துகள், விட்டமின்கள், மினரல்கள், நார்ச்சத்து போன்றவை நிரம்பியுள்ளன. நம் நாவில் எச்சில் ஊற வைக்கும் கேக், ஊறுகாய், ஜாம் போன்றவற்றில் ப்ளம்ஸ் பழம் பயன்படுத்தப்படுகிறது.

இதய நலனை மேம்படுத்தும் : இயல்பாகவே நம் ரத்தத்தை சுத்தரிகரித்து மேம்படுத்தக் கூடிய ஆற்றல் ப்ளம்ஸ் பழங்களுக்கு உண்டு. அது மட்டுமல்லாமல் இதில் நிறைவாக இருக்கக் கூடிய ஆண்டிஆக்ஸிடண்ட் நமக்கு இதய நோய் மற்றும் ஸ்டிரோக் போன்ற பாதிப்பு ஏற்படுவதை தடுக்கிறது.

கொலஸ்ட்ரால் அளவுகள் குறையும் : ப்ளம்ஸ் பழங்களில் கரையும் தன்மை கொண்ட நார்ச்சத்து மிகுதியாக உள்ளது. கல்லீரலில் கொலஸ்ட்ரால் சுரப்பதை இது தடுப்பதால் நம் உடலில் கொலஸ்ட்ரால் அளவுகள் குறைகின்றன. கொலஸ்ட்ராலை உற்பத்தி செய்யக் கூடிய பைல் திரவத்தை இந்த நார்ச்சத்து உறிஞ்சிக் கொள்ளும்.

எலும்புகளுக்கு நல்லது : ப்ளம்ஸ் பழங்களில் உள்ள போரோன் என்னும் சத்து நம் எலும்புகளை பலப்படுத்தும் மற்றும் அடர்த்தியை அதிகரிக்கும். இதுமட்டுமல்லாமல் எலும்பு தேய்மானத்தை தடுக்கக் கூடிய பண்புகளும் இந்தப் பழத்தில் உள்ளன. குறிப்பாக, வயதானவர்களுக்கு நல்ல பலனை தரும்.

நோய் எதிர்ப்பு சக்தியை மேம்படுத்தும் : ப்ளம்ஸ் பழங்களை சாப்பிடுவதால் சளி, காய்ச்சலுக்கு எதிரான நோய் எதிர்ப்பு சக்தி பலப்படுகிறது. நம் உடலில் திசுக்கள் ஆரோக்கியமாக வளர்ச்சி அடைவதையும் இது ஊக்குவிக்கிறது.

முடி வளர்ச்சி மற்றும் சரும பாதுகாப்பு : அட்ரினல் சுரப்பி சோர்வடைவதை ப்ளம்ஸ் பழங்கள் தடுக்கின்றன. இதனால் முடி உதிர்வு தடுக்கப்படுகிறது. ரத்த சுத்தி அதிகரிப்பதன் காரணமாக முடி வளர்ச்சி அதிகமாக இருக்கும். ப்ளம்ஸ் பழங்களை தொடர்ந்து சாப்பிட்டு வந்தால், சருமத்திற்கு இளமையான தோற்றம் கிடைக்கும்.

மலச்சிக்கல் தீருகிறது : ப்ளம்ஸ் பழங்களில் இசாடின் மற்றும் சார்பிடோல் என்னும் சத்துக்கள் உள்ளன. இது செரிமானத்தை மேம்படுத்தி, மலச்சிக்கலுக்கு தீர்வு தருகிறது. உலர் ப்ளம்ஸ் பழங்களை சாப்பிட்டு வந்தால் குடல் நலன் மேம்படும். குடல் சார்ந்த நாள்பட்ட பிரச்சினை உடையவர்கள் இதனை தவறாமல் சாப்பிடலாம்.