Brain Food | குழந்தைகளின் மூளை மற்றும் உடல் வளர்ச்சிக்கு உதவும் உணவுகள்

மீன்கள், காய்கறிகள், பழங்கள், நட்ஸ் போன்ற ஊட்டச்சத்துள்ள உணவுகளை குழந்தைகளுக்கு கொடுக்கும் போது அவர்களின் மூளை மற்றும் உடல் வளர்ச்சி பெறும் என ஊட்டச்சத்து நிபுணர்கள் தெரிவிக்கின்றனர். குழந்தைகளின் உடல்நலத்தில் அக்கறையோடு செயல்படாமல் இருக்கும் போது தான் வயதிற்கேற்ற உடல் வளர்ச்சி இல்லாமல் போய்விடுகிறது. எனவே பெற்றோர்கள் முதலில் குழந்தைகளின் வளர்ச்சிக்கு என்ன கொடுக்க வேண்டும்? எப்படி கொடுக்க வேண்டும்? என்பது குறித்து அறிந்துக்கொள்ள வேண்டும். இந்நேரத்தில் நம்முடைய குழந்தைகளுக்குத் தேவையான மற்றும் ஊட்டச்சத்துள்ள உணவுகள் குறித்து இங்கே அறிந்து கொள்வோம்.. குழந்தைகளுக்கு ஏற்ற ஊட்டச்சத்துள்ள உணவுகளின் லிஸ்ட்:

முட்டை: புரதம் மற்றும் ஊட்டச்சத்துக்கள் நிறைந்த முட்டையை தினமும் குழந்தைகளுக்கு கொடுக்கும் போது அவர்களின் மூளை செயல்பாடு அதிகரிக்கிறது. மேலும் நாள் முழுவதும் மகிழ்ச்சியாகவும், உற்சாகத்துடன் இருப்பதற்குத் தேவையான செரடோனின் என்ற மகிழ்ச்சியளிக்கும் ஹர்மோனை உருவாக்கவும் முட்டை உதவுகிறது.

மீன்: மூளை செயல்பாட்டிற்கு தேவையான ஓமேகா 3 கொழுப்புகள், அயோடின் மற்றும் துத்தநாகம் போன்றவை மீனில் அதிகளவில் உள்ளது. இதனை குழந்தைகளின் உணவில் சேர்த்துக்கொள்ளும் போது அவர்களின் மனநிலையை ஒழுங்குப்படுத்த முடிவதோடு நினைவாற்றலையும் அதிகரிக்கிறது. எனவே வாரம் ஒரு முறை குழந்தைகளுக்கு மீன் சாப்பிட கொடுத்து அவர்களுக்கு ஏற்படும் மன சோர்வைக் குறைக்கலாம். இதோடு குழந்தைகளுக்கு ஏற்படும் நீரழிவு நோயை குணப்படுத்தவும் உதவியாக உள்ளது.

பச்சை மற்றும் இலை காய்கறிகள்: பச்சை மற்றும் இலை காய்கறிகளில் வைட்டமின் ஈ மற்றும் கே1 போன்ற சத்துக்கள் அதிகளவில் இருப்பதால், இதனை உட்கொள்ளும் குழந்தைகளுக்கு நினைவாற்றல் அதிகரிக்கிறது. மேலும் கீரையில் உள்ள நார்ச்சத்துக்கள் குழந்தைகளின் உடலுக்கு ஆரோக்கியத்தை அளிக்கிறது.

ஆரஞ்சு: குழந்தைகளுக்கு நாட்டுப்பழங்களை அதிகளவில் கொடுக்கலாம் இது குழந்தைகளின் நோய் எதிர்ப்பு சக்தியை அதிகரிக்கிறது. இதோடு மட்டுமின்றி வைட்டமின் சி அதிகம் நிறைந்த ஆரஞ்சு பழங்களை கொடுக்கும் போது குழந்தைகளின் செயல்திறன் மேம்பாடு, கவனம் செலுத்துவதில் முன்னேற்றம், நினைவாற்றல் போன்றவை அதிகரிக்கிறது.

பெர்ரி: பெர்ரியில் ஆந்தோசயினின்கள் எனப்படும் சேர்மங்கள் இருப்பது மூளையின் ஆரோக்கியத்திற்கு நல்லது. மேலும் குழந்தைகள் இதனை உட்கொள்ளும் போது மூளைக்கு ரத்த ஓட்டத்தை அதிகரிக்கிறது. அழற்சி எதிர்ப்பு மற்றும் புதிய நரம்பு செல்களின் உற்பத்திற்கு உதவுகிறது.

தயிர்: தயிரில் உள்ள அயோடின் சத்துக்கள் மூளையின் செயல்பாட்டை அதிகரிக்க உதவுகிறது. இதில் உள்ள புரதம், துத்தநாகம், பி12 மற்றும் செலினியம் ஆகியவை மூளை வளர்ச்சிக்கு முக்கியமான ஊட்டச்சத்துக்களாக உள்ளது. எனவே பழங்கள் மற்றும் நட்ஸ் உடன் இனிப்பு சேர்க்காத தயிரை உங்கள் குழந்தைகளுக்கு வழங்குங்கள்.

நட்ஸ் வகைகள்: நட்ஸ் வகைகளில் அதிகளவு வைட்டமின் ஈ, துத்தநாகம், போலேட், இரும்பு மற்றும் புரதம் அதிகளவில் உள்ளதால், குழந்தைகளின் செயல்திறன் மற்றும் அறிவாற்றல் செயல்பாட்டை மேம்படுத்த உதவுகிறது. மேலும் மகிழ்ச்சியான ஹார்மோன்களான செரோடோனியும் சுரப்பதாக கூறப்படுதால் எப்போதும் குழந்தைகள் மகிழ்வோடும், உடல் ஆரோக்கியத்தோடும் இருக்க உதவியாக உள்ளது. எனவே மேற்கண்ட உணவுமுறைகளை உங்களுடைய குழந்தைகளுக்கு கொடுத்து அவர்கள் ஆரோக்கியமான உடல் நலத்துடன் இருப்பதை உறுதி செய்து கொள்ளுங்கள். இனி மறக்காமல் குழந்தைகளின் ஆரோக்கியத்திற்கான உணவுகளை கொடுத்துவிடுங்கள்..