உங்கள் உணவில் நெய் சேர்த்துக் கொண்டால் என்னென்ன பலன்கள் கிடைக்கும் தெரியுமா?

உணவுக்கு சுவையும், மனமும் வழங்குவதில் நெய் அற்புதமான பொருள் என்றே குறிப்பிடலாம்.தினசரி ஒரு ஸ்பூன் அளவு நெய் சேர்த்துக் கொண்டால் போதுமானது. நமது உடல் ஆரோக்கியமாக இருக்கும். ஆனால், உடல் எடையை குறைக்க வேண்டும் என்று நினைக்கும் பலர் நெய் சாப்பிடுவதை தவிர்க்கின்றனர். இந்த நம்பிக்கை தவறானது. நெய் சேர்த்துக் கொள்வதால் நமக்கு என்னென்ன பலன்கள் கிடைக்கும் என்பதை இப்போது பார்க்கலாம்.

நெய் சாப்பிடுவதால் கிடைக்கும் பலன்கள் : நெய்யில் மினரல்கள் மற்றும் சேச்சுரேடட் ஃபேட் மிக அதிகமாக உள்ளன. இது நமது நரம்பு மண்டல செயல்பாடுகளை ஆரோக்கியமாக வைத்துக் கொள்ள உதவும். எலும்புகளை வலுவாக வைத்திருக்கவும், மூளையின் ஆரோக்கியத்தை மேம்படுத்தவும் நெய் உதவிகரமாக இருக்கிறது.

நெய் சாப்பிடுவதால் நீண்ட நேரத்திற்கு பசி எடுக்காது. மெடபாலிச நடவடிக்கைகளை தூண்டும். அதே சமயம், சப்பாத்தியுடன் நெய் சேர்த்து சாப்பிடும்போது அதில் உள்ள க்ளூடென் மற்றும் நார்ச்சத்து செரிமானம் அடைய நெய் உதவிகரமாக இருக்கிறது.

நெய்யில் பிடூரிக் ஆசிட் மிகுதியாக உள்ளது. உடலில் நோய்களை எதிர்த்து போராடக் கூடிய வைட்டமின் டி செல்களின் உற்பத்தியை இந்த பிடூரிக் ஆசிட் ஊக்குவிக்கிறது. உடலுக்கு தேவையான ஃபேட்டி ஆசிட் மற்றும் கரையத் தகுந்த விட்டமின்களான ஏ, டி, இ மற்றும் கே போன்றவை நெய்யில் உள்ளன.

நம் உடலில் செரிமான நடவடிக்கைகளை ஊக்குவிக்க நெய் உதவிகரமாக இருக்கிறது. இது செரிமானத்திற்கு தேவையான ஆசிட் உற்பத்தியை பெருக்குகிறது. இது மட்டுமல்லாமல் தேவையற்ற நச்சுக்களை வெளியேற்றுவதன் மூலமாக குடல் ஆரோக்கியத்தை மேம்படுத்துகிறது.

அல்சர் மற்றும் இதர வயிறு சார்ந்த பிரச்சினைகளுக்கு தீர்வு தருகிறது. அல்சர் பிரச்சினை இருப்பவர்கள் தொடர்ந்து உணவுக்கு முன்பு ஒரு ஸ்பூன் அளவு நெய் சாப்பிட்டு வந்தால் விரைவில் நல்ல பலன்கள் கிடைக்கும்.

சருமத்தில் நீர்ச்சத்தை தக்க வைத்துக் கொள்ளவும், சருமத்தில் செல்களை சீர்படுத்தவும் நெய் உதவிகரமாக இருக்கிறது. இது மட்டுமல்லாமல் சருமத்தை மென்மையானதாகவும் மற்றும் பளபளப்பானதாகவும் மாற்றுகிறது.