மாம்பழம் சாப்பிட்ட பிறகு இந்த உணவுகளை கையில் கூட தொடக்கூடாது : ஏன் தெரியுமா?

மாம்பழ பிரியர்களுக்கு கோடைக்காலம் வந்துவிட்டாலே அலாதி இன்பம்தான். தெகிட்ட தெகிட்ட மாம்பழம் சாப்பிடாமல் விடமாட்டார்கள். சீசன் சமயத்தில் மட்டும்தான் கிடைக்கும் என்ற பழ வகைகளில் மாம்பழமும் ஒன்று என்பதால் அனைவரும் கோடையில் வாங்கி சாப்பிடுவார்கள். அப்படி நீங்களும் வீட்டில் நிறைய மாம்பழம் சாப்பிடுகிறீர்கள் எனில் இதையும் ஃபாலோ பண்ணுங்க. மாம்பழம் சாப்பிட்ட உடனே இவற்றையும் சாப்பிட்டால் வயிற்றுக்குள் தவறான ரியாஷனாகிவிடுமாம். எனவே கவனமாக இருங்கள்.

தயிர் : மாம்பழம், தயிர் குளிர்ச்சி மற்றும் சூட்டை கிளப்பும் இரு வெவ்வேறு உணவுகள் என்பதால் அவற்றை ஒன்றாக சாப்பிட்டால் சரும அலர்ஜி உண்டாகலாம்.

காரமான உணவு : மாம்பழம் சாப்பிட்டதும் காரசாரமான உணவுகளை சாப்பிடாதீர்கள். வயிற்றுக்குள் ஒரு கலவரமே நிகழ்ந்துவிடும்.

குளுர்ச்சியான தண்ணீர் அல்லது ஜூஸ் : பொதுவாக மாம்பழம் இனிப்பு சுவை நிறைந்தது. எனவே மாம்பழம் சாப்பிட்ட உடனே குளுர்ச்சியான ஜூஸ் அல்லது கார்போஹைட்ரேட் பானங்கள் குடித்தால் இரத்தத்தில் சர்க்கரை அளவை அதிகரிக்கச் செய்யலாம்.

பாகற்காய் : மாம்பழம் சாப்பிட்ட உடனே பாகற்காய் சாப்பிட்டால் குமட்டல், வாந்தி அல்லது மூச்சுவிடுவதில் சிரமம் போன்றவை உண்டாகுமாம். கவனமாக இருங்கள்.

தண்ணீர் : மாம்பழம் சாப்பிட்ட கையோடு சொம்பு நிறைய தண்ணீர் குடித்துவிடாதீர்கள். அது வயிற்று வலி, வயிற்று மந்தம், அஜீரணம், அசிடிடி போன்ற தவறான பக்கவிளைவுகளை உண்டாக்கிவிடும்.