நட்சத்திர பழம் சாப்பிடுவதால் இவ்வளவு பலன் கிடைக்குமா..? இனி இதை தேடிப்பிடித்து சாப்பிடுவீர்கள்.!

ஸ்டார் ஃப்ரூட் என்னும் நட்சத்திரப் பழத்தை பலர் அறிந்திருக்க வாய்ப்பு இல்லை. இது சமவெளியில் விளையக் கூடிய பழம். மலைப்பிரதேசங்களில் விளையக் கூடிய பழம். தமிழில் விளிம்பிப்பழம் என்றும் அழைக்கப்படுகிறது. பொதுவாக நாம் செல்லக் கூடிய பழக் கடைகளுக்கு இவை பெரும்பாலும் விற்பனைக்கு வருவதில்லை.

ஆனால், கொடைக்கானல், ஊட்டி போன்ற மலைப்பிரதேசங்களுக்கு சுற்றுலா சென்ற மக்கள் கட்டாயம் இதை ருசித்து பார்த்திருப்பீர்கள். அதிக நீர்ச்சத்து கொண்ட பழம் தான். கலோரி சத்து மிக, மிக குறைவு. அதேபோல கொழுப்புச்சத்து குறைவாகவே உள்ளது. விட்டமின் பி, விட்டமின் சி, பொட்டாசியம், இரும்புச்சத்து, எண்ணற்ற ஆண்டிஆக்சிடண்டுகள் நிறைந்த இந்த பழத்தை இனி கடைகளில் கேட்டு வாங்கி சாப்பிடுங்கள். ஒருவேளை நீங்கள் செல்லும் கடைகளில் இல்லை என்றாலும், எங்கு கிடைக்கும் என்று விசாரித்து வாங்கி விடவும்.

நார்ச்சத்து கொண்டது: எண்ணற்ற ஊட்டச்சத்துக்களை கொண்டது இந்த ஸ்டார் பழம். குறிப்பாக நார்ச்சத்து இதில் சற்று அதிகம். நார்ச்சத்து அதிகமிருப்பதால் நம் உடலில் செரிமான சக்தியை மேம்படுத்துகிறது. மலச்சிக்கல் பிரச்சனை தீருவதற்கு உதவியாக இருக்கும். நன்மை தரக் கூடிய நிறைய நுண்ணுயிர்கள் வளர வகை செய்யும்.

கொலஸ்ட்ரால் கட்டுப்படும்: உயர் ரத்த அழுத்தம், அதிக கொழுப்பு போன்ற பிரச்சினைகள் தான் இதய நோய்களுக்கான அடிப்படை ஆகும். நட்சத்திரப் பழத்தில் உள்ள கரையும் தன்மை கொண்ட நார்ச்சத்தானது நம் உடலின் கொழுப்புகளையும் கரைக்கக் கூடியது. குறிப்பாக, கொலஸ்ட்ரால் அளவுகள் குறைவதால் நமது இதய நலனும் மேம்படும்.

உடல் எடை குறைக்க உதவும்: மிக குறைவான கலோரி மற்றும் நார்ச்சத்து கொண்டிருப்பதால் இவை வயிறு நிரம்பிய உணர்வை தரும். இதன் காரணமாக உடல் எடை கட்டுக்குள் இருக்கும். ஆகவே, உடல் எடையை குறைக்க விரும்புபவர்கள் நட்சத்திர பழங்களை வாங்கி சாப்பிடலாம். உங்கள் பசி உணர்வை கட்டுப்படுத்திடும்.

இதயநலனுக்கு சிறந்தது: நம் உடலுக்கு தேவையான தாது உப்புக்கள் மற்றும் பொட்டாசியம் போன்ற சத்துக்கள் நட்சத்திர பழத்தில் உள்ளன. நம் ரத்தத்தில் செல்லக் கூடிய கெட்ட கொழுப்பு துகள்களை கட்டுப்படுத்தக் கூடியது இந்தப் பழம். இதய நோய் சம்பந்தப்பட்டவர்கள் கட்டாயம் இந்த பழத்தை வாங்கி சாப்பிடலாம்.

செல்களின் அழிவை தடுக்கும்: நம் உடலுக்கு வயதான தோற்றத்தை ஏற்படுத்துவதில் செல்களின் அழிவு முக்கிய பங்கு வகிக்கிறது. ஆனால், நீங்கள் நட்சத்திர பழங்களை சாப்பிட்டு வந்தால் செல்களின் அழிவு தடுக்கப்படும். இதில் உள்ள வைட்டமின் சி, பி கரோடினீன், ஆண்டி ஆக்ஸிடண்ட் ஆகியவை இருப்பதால் செல்களின் அழிவை தடுக்கிறது.

நோய் எதிர்ப்பு சக்தியை வலுப்படுத்துகிறது: மெக்சீனிசியம், இரும்புச்சத்து, ஜிங்க், மேங்கனீஸ், பொட்டாசியம் மற்றும் பாஸ்பரஸ் போன்ற சத்துக்கள் நிரம்பியுள்ள நட்சத்திர பழங்கள் நம் நோய் எதிர்ப்பு சக்தியை வலுப்படுத்தும். அடிக்கடி ஏதேனும் உடல்நலப் பிரச்சினைகளால் பாதிக்கப்படுவர்கள், மீண்டும் உடலுக்கு புத்துணர்ச்சி அளிக்க இந்த பழத்தை சாப்பிடலாம்.