கீரையை அளவுக்கு அதிகமாக சாப்பிட்டால் இந்த 10 பிரச்சனைகள் வருமாம்..!

கீரை வாரத்தில் ஒரு முறையேனும் உட்கொள்வது நல்லது என ஊட்டச்சத்து நிபுணர்கள் பரிந்துரைக்கிறார்கள். அதில் உள்ள இரும்புச் சத்து உடலுக்கு தேவையான ஹீமோகுளோபினை உற்பத்தி செய்ய உதவுவதால் கர்ப்பிணிகள் அவசியம் எடுத்திக்கொள்ள பரிந்துரைக்கப்படுகிறார்கள். என்னதான் ஆரோக்கியம் நிறைந்தது என்றாலும் அளவுக்கு அதிகமாக உட்கொள்ளும்போது ஆபத்துதான். அந்த வகையில் கீரையை அளவுக்கு அதிகமாக உட்கொள்வதால் வரும் 10 பிரச்சனைகளை பற்றி இங்கே தெரிந்துக்கொள்வோம்.

சிறுநீரக கற்களை உருவாக்கும் : பொதுவாக தவரங்களில் ஆக்சலேட்டு அமிலம் இருக்கும். ஆக்சலிக் அமிலம் உப்பான அயனி கொண்டது. எனவே கீரையை அளவுக்கு அதிகமாக உட்கொண்டால் கிட்னி ஸ்டோன் உருவாகும் அபாயம் உள்ளது.

ஊட்டச்சத்து உறிஞ்சலை தடுக்கும் : கீரை அளவுக்கு அதிகமாக உட்கொள்வதால் உடல் ஊட்டச்சத்து உறிஞ்சலை தடுக்கிறது. இதனால் உடலுக்கு தேவையான அத்தியாவசிய தாதுக்கள் கிடைக்காமல் போகிறது.

செரிமானமின்மை : அளவுக்கு அதிகமான கீரை நுகர்வு செரிமானத்தை பாதிக்கிறது. எனவே வயிறு வலி, மந்தமான உணர்வு, நெஞ்சு எரிச்சல் போன்ற உபாதைகளை அனுபவிக்கலாம். ஏற்கெனவே செரிமான பிரச்சனை இருப்பவர்கள் கீரையை அளவுக்கு அதிகமாக உட்கொள்வதை தவிர்ப்பது நல்லது.

வயிற்று வலி : கீரையை அளவுக்கு மீறி சாப்பிட்டால் வயிறு பிடித்துக்கொண்டு கடுமையான வலியை உண்டாக்கும்.

உடல் நல பாதிப்பு : குழந்தைகளுக்கு உடல் நல பாதிப்புகளை உண்டாக்கலாம். எனவே குழந்தைகளுக்கு அளவாக கொடுப்பது நல்லது.

ஒவ்வாமை : லாடெக்ஸ் உணர்திறன் இருப்பவர்கள் கீரையை அதிகமாக உட்கொண்டால் ஒவ்வாமையை ஏற்படுத்தும்.

இரத்த அடர்த்தியை குறைக்கும் : இரத்தத்தின் அடர்த்தியை குறைக்கும் ஆற்றல் கீரைக்கு உண்டு என்பதால் அளவாக உட்கொள்வது நல்லது.

வயிறு மந்தம் : அதிகமான கீரை உட்கொண்டால் வயிறு மந்தமான உணர்வை தரும். வயிற்று போக்கை கூட ஏற்படுத்தும்.

கால்சியம் உறிஞ்சல் : கீரை அதிகமாக சாப்பிட்டல் கால்சியம் உறிஞ்சலை குறைக்கிறது.

நார்ச்சத்து ஆபத்து : உடலுக்கு நார்ச்சத்து அவசியம்தான் என்றாலும் அளவுக்கு அதிகமானால் ஆபத்து. அந்தவகையில் கீரை நார்ச்சத்து நிறைந்தது என்பதால் அளவாக சாப்பிடுவதே ஆரோக்கியத்திற்கு நல்லது.