கொலஸ்ட்ரால் இருக்கவங்க இந்த 10 உணவுகளை கண்டிப்பா சாப்பிடாதீங்க.. மீறினால் ஆபத்து..!

கொலஸ்ட்ரால் என்பது நம் ரத்தத்தில் காணப்படும் மெழுகு போன்ற கொழுப்பு பொருளாகும். கொலஸ்ட்ராலில் HDL (High-density lipoprotein) மற்றும் LDL (Low-density lipoprotein) எனப்படும் 2 முக்கிய வகைகள் உள்ளன. இதில் HDL என்பது நல்ல கொலஸ்ட்ராலாகவும், LDL என்பது கெட்ட கொலஸ்ட்ராலாகவும் குறிப்பிடப்படுகிறது.

மேலும் Triglycerides என்பவை ரத்தத்தில் காணப்படும் மற்றொரு வகை கொழுப்பு ஆகும், இது இதய நோய் அபாயத்தை அதிகரிக்கும். தற்போது இங்கே உங்கள் கொலஸ்ட்ரால் லெவலை அதிகரிக்க கூடிய சில உணவுகளை பார்க்கலாம்.

முட்டைகள் : பொதுவாக முட்டைகள் ப்ரோட்டீன் ஹவுஸ் என குறிப்பிடப்படுகின்றன. அந்த வகையில் முட்டைகளில் அதிக அளவு புரதம் இருக்கிறது. அதே நேரம் இவற்றில் கொலஸ்ட்ரால் அதிகமாக உள்ளது. சராசரியாக ஒரு முட்டையில் சுமார் 207 மில்லி கிராம் கொலஸ்ட்ரால் உள்ளது.

சீஸ் : ஒரு ஸ்லைஸ் சீஸில் அதாவது சுமார் 22 கிராம் சீஸில், 20 மில்லி கிராம் அளவு கொலஸ்ட்ரால் உள்ளது. எனவே உங்கள் சாண்ட்விச்களில் சீஸ் பயன்படுத்துவதற்கு முன் ஒருமுறைக்கு இருமுறை யோசியுங்கள்.

மத்தி மீன்: sardines எனப்படும் மத்தி மீன் மிகவும் சுவையாக இருக்கும். ஆனால் இவற்றில் கொலஸ்ட்ரால் அளவு மிகவும் அதிகமாக உள்ளன.

எண்ணெயில் பொரிக்கும் உணவுகள் : எண்ணெயில் டீப்-ஃப்ரை செய்யும் போது உணவில் கொலஸ்ட்ரால் அளவு அதிகரிக்கிறது. எனவே நன்கு எண்ணெயில் பொரித்து எடுக்கப்படும் இறைச்சிகள், சீஸ் மற்றும் ஸ்டிக்ஸ் போன்ற வறுத்த உணவுகளில் கொலஸ்ட்ரால் அதிகம் இருப்பதால் முடிந்தவரை தவிர்க்க வேண்டும். அதிகம் வறுத்த மற்றும் பொரித்த உணவுகளை அதிகம் உட்கொள்வது இதய நோய் மற்றும் நீரிழிவுக்கான அபாயத்தை உயர்த்துகிறது.

ஆர்கன் மீட் : விலங்குகளின் மாமிசத்தை சாப்பிடும் போது அவற்றின் கல்லீரல் அல்லது சிறுநீரகத்தை சாப்பிடுவது நோயாளிகளுக்கு கொலஸ்ட்ரால் அளவை அதிகரிக்கலாம்.

யோகர்ட் : யோகர்ட் என்பது புரதம், கால்சியம், பாஸ்பரஸ், பி வைட்டமின்கள், மெக்னீசியம், துத்தநாகம் மற்றும் பொட்டாசியம் போன்ற ஊட்டச்சத்துக்களால் நிரம்பிய அதே சமயம் கொலஸ்ட்ரால் நிறைந்த உணவாகும். ஒரு கப் ஃபுல்-ஃபேட் யோகர்ட் எடுத்து கொண்டால் அதனால் உங்களுக்கு 31.8mg கொலஸ்ட்ரால் கிடைக்கும்.

ஃபாஸ்ட் ஃபுட்ஸ் : ஃபாஸ்ட் ஃபுட் உணவுகளை அடிக்கடி சாப்பிடும் நபர்களுக்கு கொலஸ்ட்ரால் லெவல் அதிகரித்து பிரச்சனை ஏற்படும் அபாயம் அதிகம். இதய நோய், நீரிழிவு, உடல்பருமன் போன்ற பல நாள்பட்ட சிக்கல்களுக்கு துரித உணவு உட்கொள்வது ஒரு முக்கிய ஆபத்து காரணி.

ஷெல்ஃபிஷ் (Shellfish) : கார்ப் (carb) அல்லது பிரான் போன்ற ஷெல்ஃபிஷ்களில் அதிக அளவு கொலஸ்ட்ரால் உள்ளது. எனவே இவற்றை மிதமாக சாப்பிட நிபுணர்கள் பரிந்துரைக்கிறார்கள்.

பதப்படுத்தப்பட்ட இறைச்சி : sausages, Hotdog, Bacon போன்ற பதப்படுத்தப்பட்ட இறைச்சிகள் அதிக கொலஸ்ட்ரால் நிறைந்த உணவுகள் ஆகும். இவற்றை தொடர்ந்து சாப்பிடுவது கொலஸ்ட்ரால் அளவை அதிகரிக்கலாம்.

டெஸர்ட்ஸ் : குக்கீஸ், கேக்ஸ், ஐஸ்கிரீம், பேஸ்ட்ரிகள் மற்றும் பிற இனிப்புகளில் கொலஸ்ட்ரால் அதிகமாக இருக்கும், அத்துடன் இவற்றில் சர்க்கரைகள், ஆரோக்கியமற்ற கொழுப்புகள் மற்றும் கலோரிகள் சேர்க்கப்படுகின்றன. இவற்றை அடிக்கடி சாப்பிடுவது கொலஸ்ட்ரால் அளவை அதிகரிப்பதோடு, ஆரோக்கியத்தை பாதிக்கும்.