உங்களுக்கான சரியான ப்ரா சைஸ் எப்படி தேர்வு செய்வது..? வனிதா விஜயகுமார் கொடுக்கும் டிப்ஸ்.!

சரியான தோற்றத்தை பெற மேலாடைகள் மட்டும் முக்கியம் அல்ல, உள்ளாடைகளும் முக்கியம். நாம் அணையும் உள்ளாடைதான் நமக்கு கன கச்சிதமான தோற்றத்தை கொடுக்கும். ஒவ்வொரு பெண்ணும் சிரமப்படும் விஷயங்களில் ஒன்று, தங்களுக்கான சரியான ப்ராவை எவ்வாறு தேர்வு செய்வது என்பது தான். ப்ரா தேர்வு செய்வதில் இன்னும் உங்களுக்கு குழப்பம் தீரவில்லை என்றால் இந்த தொகுப்பு உங்களுக்கானது. உங்களுக்கான சரியான சைஸ் ப்ராவை எவ்வாறு தேர்வு செய்வது என வனிதா விஜயகுமார் கொடுக்கும் டிப்ஸ் பற்றி இங்கே பார்க்கலாம்.

நடிகை வனிதா விஜயகுமார் நம் அனைவருக்கு தெரிந்த நடிகை. இவர் நடிப்பில் புகழ்பெற்ற விஜயகுமார் மற்றும் மஞ்சுளாவின் மகள் என்பது நமக்கு தெரியும். இவர் பிரபல பிக்பாஸ் சீசன் 3-யில் கலந்து கொண்டு மிகவும் பிரபலமானார்.

இதையடுத்து, குக் வித் கோமாளி சீசன் 4-யில் கலந்து கொண்டு டைட்டில் வென்றார். இதை தொடர்ந்து, இவர் ஒரு யூ-டியூப் சேனல் ஆரமித்தார். அதில் நிறைய சமையல் ரெசிபி மற்றும் சமையல் குறிப்புகளை பகிர்ந்து வருகிறார்.

வனிதா விஜயகுமார் யூடியூப் சேனலை சுமார் 777 ஆயிரம் பேர் சப்ஸ்கிரைப் செய்துள்ளனர். மேலும், இதில், சமையல் குறிப்பு மட்டும் அல்லாமல், பேஷன் டிப்ஸ், மேக்கப் டிப்ஸ் என பெண்களுக்கான அனைத்து விஷயங்களையும் பகிர்ந்து வருகிறார். அந்தவகையில், ஒரு வீடியோவில் பெண்கள் தங்களுக்கு பொருத்தமான சரியான சைஸ் ப்ராவை எப்படி தேர்வு செய்வது என்ற உதவிக்குறிப்பை வழங்கி உள்ளார்.

அந்த வீடியோவில் அவர், பெண்கள் தங்களுக்கு பொருத்தமான ப்ராவை அணிவது அவசியம் என்றும், 10-யில் 8 பெண்கள் சரியான சைஸ் ப்ராவை தேர்வு செய்வதில் மிகவும் குழப்பம் அடைவதாகவும் கூறியுள்ளார்.

மேலும், அந்த வீடியோவில் சரியான சைஸ் ப்ரா அணியாததால் பல பெண்கள் முதுகு வலி பிரச்சனையை சந்திப்பதாகவும், நடக்கும் போது நேராகவும் நடக்க முடியாது என தெரிவித்துள்ளார். சரியான ப்ரா அணியாவிட்டால், கான்ஃபிடண்ட் லெவல் குறையுமாம்.

சரியான சைஸ்யை எப்படி கண்டறிவது? : உங்களுக்கான சரியான ப்ரா சைஸ் தெரியவில்லை என்றால், தயவு செய்து ஒரு கடைக்கு சென்று சரியான அளவை தெரிந்து கொள்ளுங்கள். இல்லையெனில், கடைகளில் சென்று ட்ரையல் செய்யலாம். அப்போது, உங்களுக்கு எது ஃபிட்டாக உள்ளது என தெரியும். அத்துடன் உங்களின் அளவும் உங்களுக்கு தெரியும்.

நான் மாடர்ன் உடைகள் அணியமாட்டேன், எப்பவும் சேலை, சுடிதார் தான் அணிவேன் என்றால் நார்மலான பிராக்களை தேர்வு செய்யலாம். வி நெக் ஆடைகளை அணியும் போது நீங்கள் நார்மலான ப்ராக்களை தேர்வு செய்வது நல்லது.

உங்களுக்கு மார்பளவு அதிகமாக இருந்தால், நீங்கள் Full கவர் ப்ராவை தேர்வு செய்யலாம். ஒருவேளை உங்கள் மார்பக அளவு பெரியதாக தெரிய வேண்டாம் சரியான அளவில் தெரிய வேண்டும் என்றால் மினிமைசர் ப்ராவை தேர்வு செய்யலாம்.

நீங்கள் லோ நெக் ஆடைகளை அணியும் போது, deep neck plunge bra-வை தேர்வு செய்யலாம். லோ நெக் ஆடைகளை அணியும் போது ப்ரா அணிந்திருப்பது வெளியில் தெரியாது.

அதே போல உங்கள் மார்பகம் பெரியதாக இருந்தால் புஸ்அப் பிராக்களை தேர்வு செய்யலாம். அதே போல உங்கள் ஆடைக்கு ஏற்றார் போல ப்ராகாலரை தேர்வு செய்ய வேண்டியதும் அவசியம். டீ சர்ட் அணியும் போது போடுவதற்காகவே சந்தைகளில் டீ சர்ட் ப்ராக்கள் உள்ளது அவற்றை தேர்வு செய்யலாம்.