இன்னும் உங்களுக்கு சரியான பர்ஃபியூம் செலக்ட் பண்ண தெரியலையா..? உங்களுக்கான டிப்ஸ்..!

இன்று பர்ஃபியூம் போட்டுக் கொள்ளாமல் எவருமே வீட்டை விட்டு வெளியே வருவதே இல்லை. அந்த அளவுக்கு சென்ட் மற்றும் பர்ஃபியூம்களின் பயன்பாடு அதிகரித்துவிட்டது.

ஆனாலும் தனக்கான சரியான பர்ஃபியூமை தேர்வு செய்வதில்லை. நல்ல பர்ஃபியூமை தேர்ந்தெடுப்பது எப்படி என்பது குறித்த ஒரு சில டிப்ஸ்களை இப்போது பார்க்கலாம்.

என்ன மாதிரியான ஃபிராக்ரன்ஸ் உங்களுக்கு பிடிக்கும் என்பதை புரிந்து கொள்ளுங்கள் : ரோஸ், வெண்ணிலா, பெர்ரி, சாண்டல்வுட், சிட்ரஸ், மஸ்க் என பர்ஃபியூம்களில் பல வகைகள் உள்ளன. இதில் எந்த வாசனை கொண்ட பர்ஃபியூம்கள் உங்களுக்கு பிடிக்கிறது என்பதை தெரிந்துகொள்ளுங்கள். சரியான வாசனையை தேர்வு செய்ய கடைக்காரரின் உதவியையும் கேட்கலாம்.

எந்த காரணத்திற்காக வாங்குகிறீர்கள் என்பதை கருத்தில் கொள்ளுங்கள்: அலுவலகம் செல்லும்போது ஒரு நறுமணம் , திருமணநாள், பிறந்தநாள் அல்லது வேறு ஏதேனும் சிறப்பு நாட்கள் போன்றவற்றிற்கு ஏற்ற நறுமணங்களிலும் பர்ஃபியூம்கள் கிடைக்கின்றன. எனவே அதற்கு ஏற்றவாறு பர்ஃபியூம்களை தேர்வு செய்யவும். கேசுவல் அக்கேஷன்களுக்கு பாடி மிஸ்ட் போதுமானது.

வாழ்க்கை முறையை கவனத்தில் கொள்ளுங்கள் : உங்கள் வாழ்க்கை முறைக்கு ஏற்ற மாதிரியான பர்ஃபியூம் தேர்வு செய்வதும் அவசியம். அதாவது  அலுவலகங்களில் பணிபுரிகிறீர்கள் எனில் ஸ்ட்ராங்கான, நீண்ட நேரம் நீடிக்க கூடிய ஃப்ராகரன்ஸிகள் தேவைப்படாது. எனவே மைல்டான மற்றும் பிரஷ்ஷான சென்ட்களை வாங்குவது சிறந்தது.

சீசனிற்கு ஏற்றவாறு தேர்வு செய்யலாம்... பருவ நிலைகளுக்கு ஏற்ப பர்ஃபியூம்களை தேர்வு செய்வதும் அவசியம். கோடை காலத்திற்கு லைட்டான மற்றும் ஃபிரஷான வாசனை தேவைப்படும். அதுவே குளிர்காலத்தில் ஸ்பைசியான சென்ட்ஸ்களை வாங்கலாம்.

நீங்கள் ஒருவருக்கு பர்ஃபியூமை கிஃப்டாக கொடுக்க நினைத்தால்.. ஃபர்ஃபியூம்களுடன் சேர்த்து பாடி லோஷன், ஷவர் ஜெல் போன்ற போன்றவற்றை செட்டாக வாங்கிக் கொடுப்பது உங்கள் பரிசை இன்னும் ஆடம்பரமாக காட்டும் அல்லது பல வகையான பர்ஃபியூம்களைக் கொண்ட டிஸ்கவரி செட் போன்றவற்றையும் நீங்கள் பரிசாக கொடுக்கலாம்.

பிராண்ட் தேர்வு : சிறந்த மற்றும் தரமான பிராண்டுகளை சேர்ந்த பரஃபியூம்களை வாங்குவதும் அவசியம். இது உங்கள் வாசனையை தனித்துவமாக காட்ட உதவும்.

வாசனை மூலமாக நினைவுகளுக்கு உயிர் கொடுங்கள் : அற்புதமான நினைவுகள் மற்றும் உணர்வுகளை நினைவுப்படுத்தக்கூடிய தனித்துவமான திறன் சென்ட்களுக்கு உண்டு. ஆகவே உங்கள் பர்ஃப்யூம் தேர்வை ஏனோ தானோ என்று செய்யாமல் கவனமாக தேர்வு செய்யுங்கள்.