மிஸ் இந்தியா 2020 பட்டம் வென்றார் தெலுங்கானாவைச் சேர்ந்த மானசா..!

தெலுங்கானாவைச் சேர்ந்த 23 வயதான மானசா வாரணாசி மிஸ் இந்தியா 2020 பட்டத்தை வென்றுள்ளார்.

விஎல்சிசி ஃபெமினா நடத்தும் இந்த நிகழ்ச்சி ஒவ்வொரு ஆண்டும் நடைபெறும். அந்த வகையில் கடந்து ஆண்டிற்கான அறிவிப்பு நேற்று வெளியாகியுள்ளது.

மானசாவை அடுத்து ஹரியானாவைச் சேர்ந்த மனிகா சிஷோகந்த்

உத்திர பிரதேசத்தைச் சேர்ந்த மன்யா சிங் ஆகிய இருவரும் ரன்னராக தேர்வு செய்யப்பட்டுள்ளனர்.

23 வயதான மானசா தெலுங்கானா ஹைதராபாத்தில் வசித்து வருகிறார். இவர் பொறியியல் பட்டம் பெற்ற மாணவி. அதோடு டிசம்பர் மாதம் நடக்கவிருக்கும் 2021 ஆண்டிற்கான உலக அழகிப் போட்டிக்கு இந்தியாவைப் பிரதிநித்துவப்படுத்தி பங்கேற்கவுள்ளார். மானசா தற்போது நிதி தகவல் பரிமாற்ற ஆய்வாளராக ( financial information exchange analyst ) பணியாற்றி வருகிறார்.

இந்த தேர்வுக் குழுவில் நேஹா தூபியா, சித்ரங்காடா சிங் , புல்கிட் சாம்ராட் மற்றும் வடிவமைப்பாளர்கள் ஃபால்குனி மற்ற்ய்ம் ஷேன் பீக்காக் ஆகியோர் பங்கேற்றனர்.

நிகழ்ச்சியை 2019 ஆண்டின் மிஸ் ஏசியா சுமன் ராவோ தொடக்கி வைத்தார். அதோடு அவரே மிஸ் இந்தியா பட்டத்தையும் வழங்கி கிரீடம் அணிவித்தார். இந்நிகழ்ச்சியின் முழுத் தொகுப்பு பிப்பிரவரி 28 ஆம் தேதி கலர்ஸ் தொலைக்காட்சியில் ஒளிபரப்பாகும்.