கோடைகால சுற்றுலாவுக்கு எப்படி உடை அணியலாம் என்பதில் குழப்பமா? பூஜா ஹெக்டே ஸ்டைலிங் டிப்ஸ் இதோ..

கோடைகால விடுமுறை ஏற்கனவே வந்துவிட்டது. இந்த சமயத்தில் சுற்றுலா செல்ல வேண்டும் என்பது பயண ஆர்வலர்களின் கனவாக இருக்கும். குறிப்பாக, அழகான, ரம்மியமான இடங்களில் ஃபோட்டோ எடுத்துக் கொள்ள வேண்டும் என்பது இவர்களது ஆசையாக இருக்கும்.

இந்த கோடைகால சுற்றுலா பயணத்திற்கு நீங்கள் திட்டமிடும்போது, உங்களை அழகாக படம் பிடித்துக் கொள்ள தவறாதீர்கள். அதே சமயம், என்ன மாதிரியான உடை அணிந்து கொண்டு போஸ் கொடுத்தால் அழகாக இருக்கும் என்று குழப்பமாக இருக்கிறதா? அப்படியானால் நடிகை பூஜா ஹெக்டேவை பின்பற்ற முயற்சி செய்யுங்கள். சுற்றுலாவுக்கான பிரத்யேக ஆடைகளுடன் பல போஸ்களை கொடுத்துள்ளார் அவர்.

பூஜா ஹெக்டேவின் இன்ஸ்டாகிராம் பக்கத்தில் இந்தப் படங்கள் அனைத்தும் இடம்பெற்றுள்ளன. இவற்றை பார்த்து ரசிப்பதோடு மட்டுமல்லாமல், நீங்களும் அத்தகைய உடைகளை அணிந்து அழகிய ஃபோட்டோ எடுத்துக் கொள்ள முயற்சிக்கலாம்.

மேட்ச் அண்டு மேட்ச் : உங்கள் தோற்றத்தை நலினமாக காண்பிக்கும் உடையணிந்து அழகாக போஸ் கொடுப்பதைக் காட்டிலும் சிறந்த ஆப்சன் வேறெதுவும் இருக்க முடியுமா? இந்த ஃபோட்டோவில் ஆரஞ்சு மற்றும் வெள்ளை நிற கோடுகள் பிரிண்ட் செய்யப்பட்ட ஆடைகளை அணிந்திருக்கிறார் பூஜா ஹெக்டே. மேலாடை மற்றும் ஸ்கர்ட் ஆகிய அனைத்தும் ஒரே டிசைனில், ஒரே கலரில் பார்க்கவே அழகாக இருக்கின்றன.

கடல் நீருக்கு பொருத்தமாக : மாலத்தீவு சுற்றுலா சென்றபோது இந்த போஸில் ஃபோட்டோ எடுத்திருக்கிறார் பூஜா ஹெக்டே. நீல வானம், நீல வண்ணக் கடல் ஆகியவற்றுக்கு பொருத்தமாக உடையணிந்து காட்சியளிக்கிறார் அவர். வெள்ளை நிற மேலாடை, இந்த வண்ணங்களுக்கு பொருத்தமாக இருக்கிறது.

குளிருக்கு இதமாக : நீங்கள் குளிர் பிரதேசங்களுக்கு செல்கிறீர்கள் என்றால் இதுபோல உடை அணியலாம். பர்ப்பிள் கலர் ஸ்வொட்டர் மற்றும் ஸ்கின்னி பிளாக் பேண்ட் மற்றும் விண்டர் பூட்ஸ் ஆகியவை உங்கள் உடலுக்கு இதமான சூட்டைக் கொடுக்கும். குளிரை எதிர்கொள்ள உதவும்.

தேவதையை போல : வாரணாசியில் உள்ள காசி விஸ்வநாதர் கோவிலுக்கு முன்பாக இந்த ஃபோட்டோவை எடுத்திருக்கிறார். பெரிய அளவுக்கு டிசைன்கள் இல்லாமல், பார்டரில் மட்டும் எம்பிராயட்ரி கொண்ட பிளேன் ஸ்கை ப்ளூ குர்தா உடையில் பார்ப்பதற்கு தேவதை போல காட்சியளிக்கிறார்.

நைட் டின்னருக்கு : சுற்றுலா சென்ற இடத்தில் ஒரு ரொமாண்டிக்கான இரவு டின்னருக்கு நீங்கள் தயாராக இருக்கும்போது இத்தகைய உடையை அணியலாம். பேக்ரவுண்ட் முதல் உடை, மேட்ரஸ் உள்பட அனைத்தும் வெள்ளை நிறத்தில் காட்சியளிக்கும்போது காதல் உணர்வு மேலோங்கும்.

வசந்தகால உடை : ஒரு வசந்த காலத்தில், பாரீஸ் நகரில் இந்த போஸ் கொடுத்திருக்கிறார் பூஜா ஹெக்டே. வெள்ளை நிற டாப் மற்றும் ஜீன்ஸ் ஆகியவற்றுடன், சிவப்பு நிற பிளேசர் அணிந்து நிற்கும்போது சுற்றியுள்ள மலர்கள் பூத்திருப்பதைப் போலவே காட்சியளிக்கிறது.

வாட்டர் பேபி : பார்ப்பதற்கு சற்று கவர்ச்சியாக இருக்க வேண்டுமெனில் இந்த உடை பொருத்தமானதாக இருக்கும். மேட்ச் அண்டு மேட்ச் அடிப்படையில் நீச்சல் உடையும், அதை அலங்கரித்ததைப் போல வெள்ளை நிற சட்டையும் பார்த்தவுடன் கிரங்கச் செய்வதாக அமையும்.

டிரெண்டியான லுக் : காஃபி அல்லது சாக்கலேட் நிற மேலாடை, அதற்கு மேட்ச்சாக அதே நிறம் கலந்த வெள்ளை நிற பேண்ட் என ஒரு டிரெண்டி லுக் தருவதாக அமைந்துள்ளது இந்த ஃபோட்டோ. கையில் பிடித்துள்ள ஜூட் பேக் மற்றும் முகத்தில் அணிந்துள்ள கூலிங் கிளாஸ் ஆகியவை அழகுக்கு, அழகூட்டுவதாக அமைந்துள்ளன.

பீச் டிரெஸ் : கடற்கரையில் அழகான பிகினி உடையில் இருக்கும்போது, கொஞ்சம் பெரியதான முழு நீள சட்டையை அணிந்து போஸ் கொஞ்சம் ரொமான்ஸ், கொஞ்சம் கவர்ச்சி கலந்து காட்சியளிக்கிறார் பூஜா ஹெக்டே.