காலணிகள்தான் நம் ஒட்டுமொத்த ஒப்பணைகளுக்கும் முற்றுப்புள்ளி எனலாம். காலணிகள் சரியாக இருந்தால்தான் அதன் ஒட்டுமொத்த தோற்றமும் நிறைவு பெறும். இல்லையெனில் அது அத்தனை அழகாக இருக்காது.
அப்படி தீபிகா படுகோன் தன்னுடைய ஆடைகளுக்காக தேர்வு செய்யும் காலணிகள் ஒவ்வொன்றும் ஒவ்வொரு ரகம். அவரிடம் இல்லாத காலணி வகைகள் , நிறங்களே இல்லை எனலாம். குறிப்பாக பூட்ஸ், ஸ்னீக்கர்ஸ் , ஸ்டெலட்டோஸ்கள் மீது தீபிகாவிற்கு இருக்கும் ஈர்ப்பை அவரின் நேர்த்தியான நடையே காட்டிக் கொடுத்துவிடும். அதேபோல் ஏர்போட் ஸ்டைல்களில் தீபிகாவிற்கு நிகரான ஸ்டைலை யாரும் கொண்டிருக்க முடியாது. ஜீன்ஸ் பேண்ட் முதல் சுடிதார் வரை கல்லூரி பெண்கள், அலுவலகப் பெண்கள் என அனைவருக்குமான ஸ்டைலிங் முன்னுதாரனமாக இருக்கிறார்.
ஆங்கில் லெந்த் ஜீன்ஸ் பேண்ட் , ஷார்ட் குர்த்தா என சிம்பிளாக இருந்தாலும் ஆடைக்கு பொருந்துமாறு சில்வர் நிற ஜீட்ஸ் அணிந்திருப்பது எளிமையுடன் கலந்த மிகைப்புத் தோற்றத்தை வெளிப்படுத்துகிறது. இது கல்லூரி செல்லும் பெண்களுக்கு பொருத்தமாக இருக்கும்.
தற்போது இளம் பெண்களிடையே ஜம்சூட் ஆடைகள் பிரபலமாகி வருகின்றன. அவர்கள் இதற்கு பொருத்தமாக ஸ்னீக்கரை மட்டுமே அணிவது சளிப்பூட்டும் ஸ்டைலாகிவிட்டது. அவர்கள் சற்று வித்யாசமாக இப்படி ஃப்ளாட் காலணிகளை அணிவதும் அழகாக இருக்கும்.
ஆடைக்கு ஏற்ற நிறத்தில்தான் காலணிகள் அணிய வேண்டுமா என்ன ?இப்படியும் ஆடை நிறத்திற்கு எதிர் நிறத்திலும் அணியலாம். அதற்கு தீபிகாவின் ஸ்டைலே சாட்சி. ஃபங்கியான ஸ்டைலுக்கு இது பொருத்தமாக இருக்கும்.
ஜீன்ஸ் அணிவதில் என்னவொரு சிறப்பு எனில் எந்த ஆடை , அணிகலன்கள் அணிந்தாலும் அதை நேர்த்தியாக கையாண்டால் அழகுதான். அந்த விதத்தில் ஜீன்ஸ் டாப் காம்பினேஷனிற்கு தீபிகாவைப் போல் சில்வர் நிற லோஃபர் ஷூ அணியலாம். ஷாப்பிங், நண்பர்களுடனான அவுட்டிங் போன்றவற்றிற்கு அணிந்து அசத்தலாம்.
லாங் சுடிதார், டிரெடிஷ்னல் ஒர்க்குகள் கொண்ட லாங் கவுன் அணியும்போது இப்படி எம்பராய்டரி டிசைன்கள் அடங்கிய ஜூடீஸ் அணிவது கச்சிதமாக இருக்கும்.
ஸ்னீக்கர் அணிவது இன்றைய டிரெண்ட். ஜீன்ஸ் ஆடைகளுக்கு கச்சிதமாகப் பொருந்தும் இந்தக் காலணிகளை தீபிகாவைப் போல் ஸ்டைலிங் செய்து அணிந்தால் நீங்கள் டிரெண்டியாக இருப்பீர்கள்.
ஆங்கில் லெந்த் பூட்ஸ் வகைகள் விண்டர் காலத்திற்கு பொருத்தமானது. இதை நீங்கள் விண்டர் ஆடைகளுக்கு அணிந்தால் சரியாக இருக்கும்.
ஜீன்ஸிற்கு ஸ்னீக்கர்ஸ், ஷூ மட்டும்தான் அணிய வேண்டும் என்றில்லை இப்படி தீபிகாவைப் போல் ஃப்ளாட் காலணிகளும் அணியலாம். நீங்களே பாருங்கள்.. எத்தனை பொருத்தமாக இருக்கிறது.
தீபிகா பெண்களுக்கான ஷுவை மட்டுமல்ல ஆண்களுக்கான ஃபார்மல் ஷூவையும் இப்படி கேசுவல் ஜீன்ஸ் பேண்டிற்கு டிரெண்டியாக அணியும் ஸ்டைல் அவருக்கு மட்டுமே சாத்தியம். உங்களுக்கும் பிடித்திருந்தால் முயற்சித்துப் பாருங்கள்.
ஜிம் போகும் போது அணியும் ஆடைகளில் கூட இன்றைய பெண்கள் கவனமுடன் இருக்கிறார்கள். அதற்கும் பொருத்தமான ஷூ, அணிகலன்கள் என அணிந்து கொண்டுதான் உடற்பயிற்சி செய்கிறார்கள். அவர்களுக்காக தீபிகா தரும் ஸ்டைலிங்தான் இந்த ஒர்க் அவுட் ஷூ.
