குண்டா இருக்கவங்க ஒல்லியாக தெரிய இப்படி டிரெஸ் பண்ணுங்க.. அனிதா சம்பத் கூறும் டிப்ஸ்..!

மக்கள் மத்தியில் பிரபல செய்தி வாசிப்பாளராக வலம்வந்த அனிதா சம்பத் விஜய் டியின் பிரபல நிகழ்ச்சியான பிக் பாஸ் 4-யில் கலந்துகொண்டதன் மூலம் பட்டிதொட்டியெல்லாம் பிரபலமானார். என்னதான் வெள்ளித்திரையில் சின்ன சின்ன கதாப்பாத்திரங்களில் நடித்து வந்தாலும், 90ஸ் கிட்ஸ்களின் பேவரைட் செய்தி வாசிப்பாளராக இப்ப வரைக்கும் இருந்து வருகிறார். ஏனென்றால், இவரின் தமிழ் உச்சரிப்பு அப்படி.

அனிதாசம்பத் Vlogs என்ற டியூப் சேனலை நடத்தி வருகிறார். இதை 1.15 மில்லியன் பயனர்கள் சப்ஸ்க்ரைப் செய்துள்ளனர். அனிதா தனது வாழ்க்கையில் நடக்கு அனைத்து சம்பவங்களையும் இதில் வீடியோவாக பதிவிட்டு வருகிறார். அதுமட்டும் அல்ல, அழகு குறிப்பு, புடவை கட்டுவது, ஆடைகளுக்கான டிப்ஸ் என பல விஷயங்களை பதிவிட்டு வருகிறார். அப்படி அவர் பதிவிட்டுள்ள வீடியோவில், குண்டா இருப்பவர்கள் ஒல்லியாக தெரிய எப்படி ட்ரெஸ் செய்யலாம் என டிப்ஸ் கொடுத்துள்ளார்.

உடல் பருமனாக இருப்பவர்கள் கோடுபோட்ட ஆடைகளை உடுத்தும் போது ஒல்லியாக தெரிவார்கள். பட்டியாலா பேண்ட் உங்களின் தொடை சதையை முழுவதுமாக மறைத்து உங்களை ஒல்லியாக காட்டும். பட்டியாலா பேண்டுக்கு ஷார்ட் டாப் அல்லது நீல் லென்த் டாப்களை அணியவும்.

டார்க் கலர் உடை : அடர்த்தியான நிற ஆடைகளை அணியும் போது, இயல்பாக குண்டாக இருப்பவர்கள் ஒல்லியாக தெரிவார்களாம். பிளைன் அடர் நிற ஆடைகளை தேர்வு செய்யாமல், கழுத்து மற்றும் கைகளில் பேட்டன் இருப்பதை போல ஆடைகளை தேர்வு செய்யவும். இது, உங்கள் கைகளில் இருக்கும் சதைகளை மறைக்கும். இந்த டிரஸ்க்கு குதிரைவால் மற்றும் வளைய தோடு அணியலாம்.

அனார்கலி டாப்ஸ் : அதிக குண்டாக இருப்பவர்களுக்கு அனார்கலி வகை குர்தாஸ் கட்சிதமாக இருக்கும். இந்த வகை ஆடை இடுப்பு மற்றும் தொடை சதைகளை முழுவதுமாக மறைப்பதால், பார்ப்பதற்கு ஒல்லியாக தெரிவீர்கள். இந்த ஆடைக்கு குதிரைவால் அல்லது கொண்டாய் போடலாம். ஜிமிக்கி வகை தோடுகளை அணியலாம்.

ஷார்ட் அனார்கலி : நீங்க குண்டா குட்டையாக இருந்தால் அனார்கலியை தேர்வு செய்யவேண்டாம். உங்கள் உயரத்திற்கு ஏற்றார் போல ஷார்ட் அனார்கலியை தேர்வு செய்யவும். இது உங்களின் முட்டிக்கால் அளவுக்கு இருப்பதால், இது உங்களை ஒல்லியாக காட்டும்.

ஏ லைன் பிட்டிங் அனார்கலி : அனார்கலி அணிந்து உங்களுக்கு சலித்துவிட்டது என்றால், ஏ லைன் பிட்டிங் அனார்கலியை அணியலாம். இது, உங்களின் அதீத எடையை மறைத்து, உங்களை ஒல்லியாக காட்டும்.

ஸ்லிட் அனார்கலி : இந்த உடை அனார்கலியை போல இருந்தாலும் நார்மல் டாப்களை போல இரண்டு பக்கமும் ஸ்லிட் இருக்கும். ஆனால், மற்ற ஆடைகளை போல இது உங்களை கூடாக காட்டாது. உங்கள் இடுப்பு பகுதியில் உள்ள சதைகளை மறைத்து உங்களை ஒல்லியாக காட்டும்.

ஏ லைன் குர்த்தி : இந்த வகை குர்த்தியில் ஸ்லிட் கீழே இருப்பதால், இது உங்களை ஒல்லியாக காட்டும். பைக் ஓட்டும் போது மிகவும் சௌகரியமாக இருக்கும். இது உங்கள் வயிறு மற்றும் இடுப்பு சதையை மறைத்து உங்களை ஒல்லியாக காட்டும்.

மல்டிபில் கலர் உடை : நீங்கள் ஒரே நிற உடையை தேர்வு செய்வதற்கு பதில், 3-க்கும் மேற்பட்ட கலர் உள்ள ஆடைகளை தீவு செய்வதன் மூலம் நீங்கள் ஒல்லியாக தெரிவீர்கள். ஏனென்றால், அதிகமாக கலர் இருக்கும் ஆடைகள் உங்களை பார்ப்பவர்களின் கண்களை திசை திருப்பும்.

சிந்தடிக் வகை குர்த்தி : இது லைட் வெயிட்டாக இருப்பதால் உடலில் அணிந்திருப்பதே தெரியாது. இது உங்களின் தொப்பையை முழுமையாக மறைத்து உங்களை ஒல்லியாக காட்டும். கை முக்கால் அளவுக்கு இருப்பதால், உங்கள் கையில் உள்ள சதையையும்  மறைத்துவிடும்.

காட்டன் வகை அனார்கலி : இந்தவகை ஆடை உங்களின் வயிறு மற்றும் இடுப்பு சதையை முழுமையாக மறைத்துவிடும். இந்த ஆடையில் முழு நீளக்கை இருப்பதால் உங்களின் கையில் இருக்கும் சதைகளையும் முழுவதுமாக மறைத்து காட்டும். இது பார்ட்டி, கோவில், திருமணம் என எந்த நிகழ்ச்சியானாலும் அணிவதற்கு ஏற்றது.