விஷேசத்திற்கு புடவை இந்த மாதிரி கட்டுங்க.. அதிதி ராவ் ஸ்டைலிங் டிப்ஸ்..

என்னதான் விதவிதமான உடைகள் அணிந்துக்கொண்டாலும் புடவை கட்டினால் தனி அழகு தான். எந்த ஒரு விஷேசத்திற்கும் புடவை பொருத்தமாக இருக்கும். நீங்கள் உங்க வீட்டு விஷேசத்திற்கு என்ன மாதிரி புடவை கட்டலாம் என்ற யோசனையில் இருக்கிறீர்களா? நடிகை அதிதி ராவின் புடவை ஸ்டைலிங் டிப்ஸ் இதோ.

ஆரஞ்சு நிற சில்க் புடவையில் மிகவும் அழகாக இருக்கிறார் அதிதி ராவ். புடவைக்கு ஏற்றப்படி ப்ரோகேட் பிளவுஸ் அணிந்துள்ளார். ப்ரோகேட் என்றால் மிகவும் விலையுயர்ந்த துணி என்ற பொருளாகும். ஜாக்கெட்டில் முக்கால் கை வைத்திருப்பது ரிச் லுக்கை தருகிறது.

அதிதி ராவ் இதில் வெள்ளை நிற நெட் சாரி கட்டியுள்ளார். ஃபுல் சிலீவ் பிளவுஸ் இந்த புடவைக்கு மிகவும் பொருத்தமாக உள்ளது. நீங்கள் வெள்ளை நிற புடவை மட்டுமில்லாமல் எந்த புடவைக்கும் ஃபுல் சிலீவ் பிளவுஸ் அணியலாம்.

கருப்பு நிற புடவையில் வின்டேஜ் லுக்கில் இருக்கிறார் அதிதி ராவ். ஜாக்கெட்டை பொறுத்தவரை பஃப் மாடலில் உள்ளது. வித்தியாசமாக முயற்சி செய்ய வேண்டும் என்று நினைப்பவர்கள் இந்த மாடலில் ஜாக்கெட் அணியலாம்.

பச்சை நிறத்தில் பரவசமாக்கும் அதிதி ராவ்! சிம்பிளான பச்சை நிற புடவையிலும் அவ்வளவு அழகாக ஜொலிக்கிறார் அதிதி ராவ். பச்சை நிறம் மிகவும் பிடிக்கும் என்பவர் இந்த புடவையை தாராளமாக தேர்வு செய்யலாம்.

அதிதி ராவ் ஆரஞ்சு நிற ஷிபான் புடவைக்கு மல்டி கலர் பிளவுஸை தேர்வு செய்துள்ளார். இரண்டிற்கும் மிகவும் பொருத்தமாக இருக்கிறது. உடைக்கு அழகு சேர்ப்பது என்றால் அணிகலன்கள் அணிவது தான். அதையும் சரியாக தேர்வு செய்துள்ளார். மொத்தத்தில் அதிதி ராவின் இந்த லுக் கிளாசிக்.

மஞ்சள் மற்றும் ஊதா இரண்டையும் ஒன்று சேர்த்தால் அவ்வளவு அழகாக இருக்கும்.அதை தான் அதிதி ராவும் செய்துள்ளார். மஞ்சள் நிற புடவையின் பார்டரில் ப்ளூ கலர் இருப்பதால், ஜாக்கெட்டும் ப்ளூ கலரில் அணிந்துள்ளார். மஞ்சள் நிறம் விஷேச வீடுகளில் அனைவரும் அணிய விரும்பும் நிறமாகும்.

கடல் பச்சை (sea green) என்று சொல்லப்படும் நிறத்தில் அதிதி ராவ் புடவை கட்டியுள்ளார். இந்த புடவை சிம்பிளாக இருந்தாலும் விஷேச வீடுகளில் அணிய சிறந்த சாய்ஸ்.

நீங்கள் கிராண்டாக புடவை கட்ட விரும்புவர் என்றால் இந்த புடவையை நினைவில் வைத்துக்கொள்ளுங்கள். மஞ்சள் நிற காஞ்சிபுரம் பட்டு புடவைக்கு மேட்சாக பிங்க் நிற பிளவுஸ் அணிந்துள்ளார். இந்த புடவையில் அதிதி ராவ் செம்ம அழகாக இருக்கிறார். இதில் அதிதி ராவின் ஸ்டைலிங் பிடித்திருந்தால் இதே போல் நீங்களும் ட்ரை பண்ணுங்க..