கொரோனா தொற்றுநோய்க்கு மத்தியில் பாதுகாப்பாக தீபாவளியை கொண்டாட சில டிப்ஸ்..

தீபாவளி என்றாலே உற்சாகம் தான். பட்டாசுகள், புத்தாடைகள், இனிப்புகள், விருந்தோம்பல் என அந்த நாள் மகிழ்ச்சி உற்சாகத்தில் களைகட்டும். தீபாவளி என்பது இந்தியாவில் மிகவும் எதிர்பார்க்கப்பட்ட பண்டிகைகளில் ஒன்றாகும். இது இருளின் மீது ஒளியின் வெற்றியைக் பிரதிபலிப்பதற்காக கொண்டாடப்படுகிறது.

ஒவ்வொரு ஆண்டும், இந்த பருவத்தில் மக்கள் பிஸியாக ஷாப்பிங் செய்வார்கள். வீடுகளை அலங்கரிப்பது, பலகாரங்கள் செய்வது என தீபாவளி வருகைக்காக ஆயத்தம் ஆவார்கள். இருப்பினும், கொரோனா தொற்றுநோய் இந்த ஆண்டு இந்த பண்டிகையை கொண்டாடும் மக்களின் உற்சாகத்தை ஓரளவு குறைத்துள்ளது. இருப்பினும் பல மாதங்களாக முடங்கி இருந்த வணிகம் சமீபத்தில் மீண்டும் தொடங்க ஆரம்பித்துள்ளது.

இந்த நிலையில் திருவிழாவிற்கான ஏற்பாடுகள் முழுவீச்சில் நடைபெற்று வருவதால், அரசாங்கத்தின் விதிமுறைகளின்படி வைரஸ் பரவுவதைத் தடுக்க பல பெரிய நிகழ்வுகள் மற்றும் கூட்டங்களுக்கு தடை விதிக்கப்பட்டுள்ளது. பல சுகாதார வல்லுநர்கள் மக்களை வீட்டுக்குள்ளேயே தங்கி விழாவைக் கொண்டாடுமாறு அறிவுறுத்தியுள்ளனர். எனவே, ஒளியின் பண்டிகையை பாதுகாப்போடு கொண்டாட சில குறிப்புகள் குறித்து காண்போம்.

1. முகக்கவசங்களை அணியுங்கள்: நீங்கள் வெளியே செல்லும்போதும் அல்லது நண்பர்களை வீட்டிற்கு அழைக்கும் போதும் முகக்கவசங்களை அணிய மறக்காதீர்கள்.

2. விளக்குகளை ஏற்றுவதற்கு முன் சானிடைசர் பயன்படுத்த வேண்டாம்: அசம்பாவித சம்பவங்களைத் தவிர்க்க எப்போதும் எச்சரிக்கையாக இருங்கள். விளக்கு, மெழுகுவர்த்திகளை ஒளிரச் செய்வதற்கு முன் மற்றும் பட்டாசுகளுடன் விளையாடுவதற்கு முன்பு சானிடைசர்களைப் பயன்படுத்த வேண்டாம். அவற்றில் ஆல்கஹால் இருப்பதால் எளிதில் தீ பிடிக்கலாம். எனவே, சுத்திகரிப்பாளர்களை தீ அல்லது விளக்குகளிலிருந்து விலக்கி வைப்பது நல்லது.

3. பரிசுகளை பரிமாறிக்கொள்வதற்கு முன்னும் பின்னும் சானிடைசரைப் பயன்படுத்துங்கள்: உங்கள் சானிட்டைசரை உங்கள் பைகளில் அல்லது பாதுகாப்பான இடத்தில் வைத்து பரிசுகளை பரிமாறிக்கொள்வதற்கு முன்பும் பின்பும் அதைப் பயன்படுத்தவும்.

4. சானிட்டைசருக்குப் பதிலாக தண்ணீர் மற்றும் சோப்புகளைப் பயன்படுத்துங்கள்: தேவையற்ற சம்பவத்தைத் தவிர்ப்பதற்கு நீங்கள் சானிடைசர்களுக்கு பதிலாக தண்ணீர் மற்றும் சோப்புகளைக் கொண்டு கைகளை கழுவலாம்.

5. பட்டாசுகளை எரிப்பதைத் தவிர்க்கவும்: உங்களுக்கும் உங்கள் குடும்பத்தினருக்கும் அடிப்படை உடல்நிலை இருந்தால், பட்டாசுகளை எரிப்பதைத் தவிர்த்து, பாதுகாப்பான திருவிழாவைக் கொண்டாடுங்கள்.

6. குழந்தைகள் மற்றும் பெரியவர்களை வீட்டுக்குள்ளேயே இருக்கச் செய்யுங்கள்: குழந்தைகளுக்கும், பெரியவர்களுக்கும் தொற்றுநோய் ஏற்பட அதிக ஆபத்து இருப்பதால், அவர்களுடன் வீட்டுக்குள்ளேயே தீபாவளியை கொண்டாடுங்கள். விர்ச்சுவல்  வியூமூலம் உங்கள் நண்பர்கள் மற்றும் குடும்பத்தினரை சந்திக்க முயற்சிக்கவும்.

7. விர்ச்சுவல் மூலம் சந்திக்கவும்: இந்த ஆண்டு திருவிழாவை உங்கள் அன்புக்குரியவர்களுடன் ஒரு விர்ச்சுவல் ஊடகம் மூலம் கொண்டாடுங்கள். உங்கள் அன்புக்குரியவர்களுடன் இணைக்க வீடியோ அழைப்பு ஆதரவு பயன்பாடுகளைப் பயன்படுத்தவும்.

8. வெளியில் சாப்பிடுவதைத் தவிர்க்கவும்: இந்த ஆண்டு வீட்டில் சமைத்த உணவை உண்ணுங்கள். உங்கள் குடும்பத்தினருடன் சேர்ந்து சிறப்பு உணவுகளை நீங்கள் செய்யலாம்.

9. வைட்டமின் சி நிறைந்த உணவுகளை உட்கொள்ளுங்கள்: உங்கள் உடலின் நோய் எதிர்ப்பு சக்தியை அதிகரிக்க வைட்டமின் சி, ஒமேகா கொழுப்பு அமிலங்கள் மற்றும் பிற உயர் ஊட்டச்சத்து உணவுகளைக் கொண்ட நிறைய உணவை நீங்கள் சாப்பிடுவதை உறுதிப்படுத்திக் கொள்ளுங்கள்.

10. வாழ்த்துகளை சொல்ல அரவணைப்பு மற்றும் கைகுலுக்கலைத் தவிர்க்கவும்: கோவிட் -19 ஐப் பரப்புவதைத் தவிர்ப்பதற்கு வாழ்த்துச் சொல்லும் சிறந்த வழி கைகூப்பி ‘வணக்கம்’ சொல்லுவது.

11. சமூக விலகலை கடைபிடிக்கவும்: இந்த ஆண்டு வீட்டிலேயே தீபாவளியை கொண்டாட அறிவுறுத்தப்பட்டிருந்தாலும் நீங்கள் உங்கள் உறவினரை சந்திக்கிறீர்கள் என்றால், ஒருவருக்கொருவர் சரியான இடைவெளி பராமரிக்கப்படுவதை உறுதிப்படுத்திக் கொள்ளுங்கள்