உங்களுக்கு ஜாக்கி ஜான் போல் சிக்ஸ் பேக் வேண்டுமா..? அவர் செய்யும் இந்த ஃபிட்னஸ் பழக்கங்களை ஃபாலோ பண்ணுங்க.!

உலக புகழ்பெற்ற தற்காப்பு கலை ஐகானாக இருந்து வருகிறார் நடிகர் ஜாக்கி சான். தற்காப்பு கலைஞர் மற்றும் தேர்ந்த நடிகர் என்பதோடு மட்டுமின்றி இவர் வெற்றிகரமான இயக்குனர், தயாரிப்பாளர், ஆக்ஷன் கொரியோகிராஃபர் மற்றும் சிறந்த ஸ்டண்ட்மேன் என சினிமாவின் பல துறைகளில் வெற்றி பெற்றுள்ளார்.

ஜாக்கி சான் ஒரு நடிகராக தனது வாழ்க்கையில் சுமார் 200 படங்களுக்கு மேல் நடித்துள்ளார். சைனீஸ் ஸ்டாரான ஜாக்கி சான் உலகம் முழுவதும் உள்ள இளம் ரசிகர்களை கூட ஈர்த்துள்ளதற்கு முக்கிய காரணம் அவரது தற்காப்பு கலை நுட்பங்கள் மற்றும் ஃபிட்னஸ் உள்ளிட்ட விஷயங்களே. ஜாக்கி சானுக்கு தற்போது சுமார் 70 வயதாகிறது. ஆனாலும் தற்போதும் இவர் பராமரித்து வரும் ஸ்ட்ரென்த் மற்றும் ஃபிலெக்சிபிலிட்டி நம்மை வியப்பில் ஆழ்த்துகிறது.

ஜாக்கி சானிடம் இருந்து நாம் கற்று கொள்ள வேண்டிய ஃபிட்னஸ் பாடங்கள் நிறைய இருக்கின்றன. அவற்றுள் சில முக்கிய சீக்ரெட்ஸ்களை இங்கே பார்க்கலாம்.

சிறு வயதிலேயே... தற்காப்பு கலையில் சூப்பர் ஹீரோவாக திகழும் ஜாக்கி சான், தனது 6 வயதிலேயே தனது தற்காப்புக் கலை வாழ்க்கையை தொடங்கி விட்டார்.

நெகிழ்வுத்தன்மை : ஜாக்கி சானுக்கு மிக நன்றாக உடலை வளைக்கும் அற்புதமான ஃபிளக்சிபிலிட்டி தன்மை இருக்கிறது. எனவே மிகவும் சிக்கலான சண்டை காட்சிகளில் கூட நேர்த்தியாக நடிக்க கூடிய தன்மையை கொண்டிருக்கிறார்.

ரன்னிங் : ஒரு கட்டத்தில் ஜாக்கியின் தீவிர பயிற்சியானது தினசரி 45 நிமிட ரன்னிங் டைமை உள்ளடக்கியது.

வெயிட் ட்ரெயினிங் : கார்டியோ பயிற்சிகள் காயங்கள் ஏற்பட வழிவகுத்த நிலையில், ஜாக்கி தனது ஒர்கவுட் ரொட்டீனில் வெயிட் ட்ரெயினிங் மற்றும் தீவிரம் குறைந்த கார்டியோ பயிற்சிகள் மீது தனது கவனத்தை மாற்றினார்.

ஜிம்னாஸ்டிக்ஸ் : தனது வலிமையை அதிகரிக்கவும் மற்றும் ஒருங்கிணைப்பை மேம்படுத்த ஜிம்னாஸ்டிக்ஸை கையில் எடுத்தார் ஜாக்கி சான்.

டயட் : ஜாக்கி தனது டயட்டில் பெரும்பாலும் கொழுப்பு, கார்போஹைட்ரேட் மற்றும் சோடியம் குறைவாக உள்ள உணவுகளை அதிகம் சேர்த்து கொள்வார்.

ப்ரோட்டீன் நுகர்வை அதிகரிக்கவும் : தசைகளை சரி செய்து கட்டமைக்க உதவும் புரதச்சத்து நிறைந்த உணவுகளை ஜாக்கி தனது டயட்டில் சேர்த்து கொள்கிறார்.

சீட் டேஸ் : டயட்டை பின்பற்றும் ஒருவர் தான் உண்ணக்கூடிய உணவின் அளவு அல்லது வகைகளின் மீதான கட்டுப்பாடுகளை கருத்தில் கொள்ளாமல் இருக்கும் நாட்கள் cheat days என குறிப்பிடப்படுகிறது. ஜாக்கி வாரத்திற்கு 2 முறை விரும்பியதை சாப்பிட்டாலும் இந்த நாட்களில் எடுத்து கொண்ட அதிகப்படியான கலோரிகளை எரிக்க ஒர்கவுட்டில் ஈடுபடும் போது 20 நிமிடங்கள் அதிகமாக பயிற்சி செய்வார்.