என்ன செய்தாலும் பொடுகு தொல்லை சரியாகலையா..? 7 நாட்களில் சரி செய்ய இதை ட்ரை பண்ணுங்க!

இன்றைய இளைஞர்கள் அனைவரும் எதிர்கொள்ளும் சில பிரச்சனைகளில் ஒன்று பொடுகு. பொடுகை ஒழிக்க நாம் முயற்சி செய்யாத மருந்தே இருக்காது. ஆனால், தீர்வு மட்டும் நமக்கு கிடைத்திருக்காது. பொடுகுக்கு தீர்வு காண விரும்பினால், ஊட்டச்சத்து நிறைந்த வெங்காயச் சாற்றினை கூந்தலுக்கு எப்படி முறையாக பயன்படுத்துவது? என பார்க்கலாம்.

வெங்காயச்சாற்றினை கூந்தலுக்கு நேரடியாக அல்லது மற்ற கூந்தல் பராமரிப்பு பொருட்களுடன் சேர்த்து நாம் பயன்படுத்தலாம். அந்த வகையில் இந்த வெங்காய சாற்றினை தலைக்கு பயன்படுத்தும் ஷாம்புவுடன் சேர்த்து கூந்தலை அலச நல்ல பலன் கிடைக்கும்.

பதமாக அவித்த பீட்ரூட் துண்டுகளை ஒரு மிக்ஸி ஜாரில் 1 தேக்கரண்டி அளவு வெங்காய சாறுடன் சேர்த்து பேஸ்ட் போல் அரைத்து கூந்தலுக்கு மாஸ்க்காக பயன்படுத்தவும். 3 - 4 மணிநேரங்கள் அப்படியே விட்டு பின் சுத்தம் செய்துவிட நல்ல பலன் கிடைக்கும்.

10 சின்னவெங்காயத்தை தோலுரித்து எடுத்துக்கொள்ளவும். அதை மிக்சி ஜாரில் போட்டு, 5 ஸ்பூன் அரிசி கழுவிய தண்ணீரை சேர்த்து மைபோல அரைக்கவும். இப்போது, ஒரு வெள்ளை துணி அல்லது ஜல்லடையை எடுக்கவும். அதில் அரைத்த வெங்காயத்தை சேர்த்து வடிகட்டவும். கடிகட்டிய தண்ணீரை, குளிப்பதற்கு 30 நிமிடங்களுக்கு முன் தலையில் தேய்த்து ஊறவைத்து குளித்தால் பொடுகு தொல்லை நீங்கும்.

ஒரு ஸ்பூன் வெங்காய சாறுடன் ஒரு ஸ்பூன் எலுமிச்சை சாறு சேர்த்து கலந்து கூந்தலுக்கு மசாஜ் செய்யவும். பின் 20 நிமிடங்கள் கழித்து இந்த பேக்கினை சுத்தம் செய்துவிட நல்ல பலன் கிடைக்கும்.

3 ஸ்பூன் வெங்காய சாறுடன் 2 ஸ்பூன் தேங்காய் எண்ணெய் மற்றும் ஒரு ஸ்பூன் எலுமிச்சை சாறு சேர்த்து கலந்து கூந்தலுக்கு மசாஜ் செய்யவும். 20 - 30 நிமிடங்கள் வரை இந்த பேக்கினை நன்கு ஊறவிட்டு பின் குளிர்ந்த நீரில் சுத்தம் செய்துவிட நல்ல பலன் காணலாம்.

ஒரு ஸ்பூன் வெங்காய சாறுக்கு 3 ஸ்பூன் கற்றாழை ஜெல் சேர்த்து கலந்து உச்சந்தலைக்கு தடவி மசாஜ் செய்யவும். பின் 15 - 20 நிமிடங்கள் விட்டு இந்த பேக்கினை சுத்தம் செய்துவிட நல்ல பலன் கிடைக்கும்.