உதட்டி ஓரங்களில் உண்டாகும் கருமை முக அழகை கெடுக்கிறதா..? உங்களுக்கான வீட்டுக்குறிப்புகள்..!

பிங்க் நிற உதடுகளைப் பெறுவது என்பது பல பெண்களின் விருப்பமாக இருக்கும். கருமையை மறைக்க லிப்ஸ்டிக் இருந்தாலும் அது நிரந்தர தீர்வாக இருக்காது. சரி உதட்டைக் கூட லிப்ஸ்டிக் வைத்து மறைத்துவிடலாம் என்றாலும் உதட்டில் ஓரங்களை சுற்றிலும் உண்டாகும் கருமையை மறைக்க என்ன செய்வது..? கவலையை விடுங்கள்... அதற்கும் இருக்கு சில வீட்டுக்குறிப்புகள். இதோ உங்களுக்காக...

எலுமிச்சை : எலுமிச்சையை பாதியாக நறுக்கி அதன் ஒரு பாதியை கொண்டு உதட்டின் ஓரங்களை சுற்றிலும் தேய்த்து மசாஜ் செய்யுங்கள். இதை தினமும் தூங்கும் முன் செய்யுங்கள். மறுநாள் காலை எழுந்ததும் கழுவிவிடுங்கள்.

தேன் : ஒரு ஸ்பூன் தேன் மற்றும் சில துளி எலுமிச்சை சாறு கலந்து அதை உதட்டின் ஓரங்களை சுற்றிலும் தடவி மசாஜ் செய்யுங்கள். பின் ஒரு மணி நேரம் ஊற வைத்து கழுவிவிடுங்கள்.

மஞ்சள் பால் : மஞ்சளை 1 ஸ்பூன் எடுத்துக்கொள்ளுங்கள். அதே அளவில் காய்ச்சாத பால் எடுத்துக்கொள்ளுங்கள். இரண்டையும் நன்கு கலக்க பேஸ்ட் பதத்தில் வரும். அதை உதட்டின் ஓரங்களை சுற்றிலும் அப்ளை செய்து சில நிமிடங்களுக்கு மசாஜ் செய்யுங்கள். பின் கழுவிவிடுங்கள்.

ரோஸ் வாட்டர் : ரோஸ் வாட்டர் சருமப் பராமரிப்பில் இன்றியமையாததாகும். காட்டனை ரோஸ் வாட்டரில் முக்கி அதை உதட்டில் ஓரத்தில் ஒத்தி எடுங்கள். தினமும் இதை செய்து வாருங்கள்.

கற்றாழை : கற்றாழை சதையை உதட்டில் ஓரங்களில் தடவி சில நிமிடங்களுக்கு மசாஜ் செய்யுங்கள். அரை மணி நேரம் ஊறியதும் முகத்தை கழுவிவிடுங்கள்.

தேங்காய் எண்ணெய் : சில சமயங்களில் சரும வறட்சி காரணமாகவும் கருமை உருவாகலாம். எனவே இரவு தூங்கும் முன் தேங்காய் எண்ணெய் தடவி மசாஜ் செய்யுங்கள். மறுநாள் காலை கழுவிவிடுங்கள். இதை தினமும் செய்து வாருங்கள்.

வெள்ளரிக்காய் : முகக்கருமையை போக்குவதில் வெள்ளரி சிறந்தது. எனவே ஒரு துண்டு வெள்ளரியை உதட்டின் ஓரங்களில் தேய்த்து மசாஜ் செய்யுங்கள். இதனுடன் கற்றாழை ஜெல்லையும் சேர்த்து தடவ கூடுதல் பலன் கிடைக்கும்.