Anti-Aging: உங்கள் சருமத்தில் வயதாகும் அறிகுறிகள் தோன்றுவதைத் தவிர்க்க உதவும் டிப்ஸ்!

இளமைத் தோற்றம் தரும் தோலுக்கான ஃபார்முலா சரியான தோல் பராமரிப்பு பொருட்களைப் பயன்படுத்துவதில் அடங்கி இருக்கிறது. சரியான தேர்வுகளை பயன்படுத்துவது உங்கள் நிறத்தில் பெரிய மாற்றத்தை ஏற்படுத்தும். மேலும் தோல் சுருக்கங்கள் உள்ளிட்ட பல வயதான தோற்ற அறிகுறிகளை தவிர்க்க உதவும்.

நமது சுற்றுச்சூழலும் வாழ்க்கை முறை தேர்வுகளும் நம் சருமத்தை வெகுவாக பாதித்து வயதான தோற்றத்தை ஏற்படுத்துகின்றன. சில தடுப்பு நடவடிக்கைகள் மற்றும் ஆரோக்கிய நடவடிக்கைகளை மேற்கொள்வதன் மூலம் நம் தோலில் ஏற்படும் வயது முதிர்ச்சி தோற்ற பாதிப்புகளை குறைக்கலாம்.

இயற்கையான சன்ஸ்கிரீன்: சாக்லேட், கேரட் மற்றும் க்ரீன் டீ போன்ற உணவுகள் சருமத்தின் சொந்த சன் ப்ரொட்டக்ஷன் ஃபேக்டரான (Sun Protection Factor) லைகோபீனை (lycopene) அதிகரிக்க செய்யும். எனவே இது போன்ற ஆரோக்கிய உணவுகளை உங்கள் டயட்டில் தவறாமல் சேர்த்து கொள்ளுங்கள்.

உடற்பயிற்சி: உடற்பயிற்சிகள் செய்வது சரும ஆரோக்கியத்திற்கு சிறந்த பலனை தருகிறது. ஏனெனில் இது சரும ஆரோக்கியத்தை மேம்படுத்தும் கலவையை வெளியிடுகிறது. சரியான உடற்பயிற்சிகள் ஒரு நபரை நீண்ட காலம் இளமையாக வைத்திருக்கும் என்பதற்கு பல அறிவியல் சான்றுகள் உள்ளன. நீங்கள் வீட்டிற்கு வெளியில் உடற்பயிற்சி செய்கிறீர்கள் என்றால், உங்கள் சருமத்தை சூரிய ஒளியில் இருந்து பாதுகாக்க தகுந்த நடவடிக்கை எடுக்க வேண்டியது அவசியம்.

மசாஜ்: மசாஜ் சருமத்தில் இருக்கும் டென்ஷனை ரிலீஸ் செய்து தசைகளை ரிலாக்ஸ் செய்கிறது. இதன் மூலம் சுருக்கங்கள் ஏற்படுவது குறையும். மாசாஜ் மூலம் சருமத்திற்கு கிடைக்கும் அதிகரித்த ரத்த ஓட்டம் செல் மீளுருவாக்கம் செய்ய உதவுகிறது. அடிக்கடி ஃபேஸ் மசாஜ் செய்வது சருமத்தை மென்மையாக மற்றும் இளமையாக வைக்கிறது.

ஜூஸ்: வெள்ளரி மற்றும் கீரை ஜூஸ், கேரட் மற்றும் பீட்ரூட் ஜூஸ், தக்காளி மற்றும் கேரட் ஜூஸ், பப்பாளி ஜூஸ், புதினா மற்றும் வெள்ளரி ஜூஸ், ப்ரோக்கோலி ஜூஸ், எலுமிச்சை மற்றும் இஞ்சி ஜூஸ் உள்ளிட்ட பல ஜூஸ்கள் சரும ஆரோக்கியத்திற்கு எடுத்து கொள்ளலாம். எனினும் சருமத்திற்கு புத்துணர்ச்சி அளிக்கும் இது போன்ற கிரீன் ஜூஸ்களுக்கு சர்க்கரை சேர்க்காமல் தவிர்ப்பது நல்லது.

தண்ணீர்: நாளொன்றுக்கு 3 முதல் 4 லிட்டர் தண்ணீர் குடிப்பது அவசியம். தினசரி போதுமான அளவு தண்ணீர் குடித்தாலே இயற்கையாகவே வயதான சரும தோற்றம் ஏற்படுவதை தாமதப்படுத்தலாம்.

எக்ஸ்ஃபோலியேட் (Exfoliation): உங்கள் தோலின் வெளிப்புற அடுக்கில் இருந்து இறந்த சரும செல்களை அகற்றும் செயல்முறை தோலின் தோற்றத்தை மேம்படுத்துகிறது. இந்த நடைமுறையை வழக்கமாக்கி கொள்வது சருமத்திற்கு இயற்கையான பளபளப்பை வழங்குகிறது.

ஃபேஸ் யோகா: தசைகள், தோல் மற்றும் நிணநீர் மண்டலத்தைத் தூண்டும் மசாஜ் மற்றும் உடற்பயிற்சிகளை உள்ளடக்கியது Face yoga. மிருதுவான தோலுக்கு இதை முயற்சிக்கலாம்.

மேக்கப்: அவசியம் ஏற்பட்டால் தவிர மேக்கப்பை நீண்ட நேரம் கலைக்காமல் இருக்காதீர்கள். ஏனென்றால் நீண்ட நேரம் முகத்தில் மேக்கப்பை கலைக்காமல் அப்படியே விடுவது பல சரும பாதிப்புகளுக்கு காரணமாகும். எனவே ஒவ்வொரு நாளும் உங்கள் மேக்கப்பை கலைக்க மறக்காதீர்கள்.

தூக்கம்: ஒவ்வொரு இரவும் 8 மணிநேரம் தூங்குவது மன அழுத்தத்தை குறைக்கிறது. ஒரே இரவில் புதிய செல் வளர்ச்சியுடன் உங்கள் சருமத்தை சரி செய்கிறது.