வீட்டிலிருந்தே உங்கள் சருமத்தை பளபளப்பாக்க சிம்பிள் டிப்ஸ்..

உங்கள் சருமத்தின் கருமை நிறத்தை போக்கி பளபளப்பான, ஆரோக்கியமான, இயற்கையான சருமத்தை பெற விரும்புகிறீர்களா வீட்டிலேயே சில இயற்கை முறைகளை பயன்படுத்தி எவ்வாறு சரும பராமரிப்பை மேற்கொள்வது என்பதை பற்றிய குறிப்புகளை கொடுக்கிறார் அழகியல் நிபுணரான ஷநாஸ் ஹுசைன்.

தோலின் கருமையை நீக்குவது எப்படி?:
அதிக நேரம் வெயிலில் செல்வதை முடிந்த அளவு தவிர்க்க வேண்டும். அவ்வாறு தவிர்க்க முடியாத பட்சத்தில் சன்ஸ்கிரீன் உபயோகப்படுத்தலாம். நீண்ட நேரம் நீங்கள் வெயிலில் இருக்கும்படி நேர்ந்தால் இரண்டு மணி நேரத்திற்கு ஒரு தடவை சன்ஸ்கிரீன் அப்ளை செய்ய வேண்டும்.

இயற்கையாக செய்யப்பட்ட பொடிகளை பயன்படுத்தி சருமத்தை தேய்த்து சுத்தம் செய்யலாம். அவற்றை மெதுவாக சருமத்தில் முழுதுமாக தேய்த்து அதன் பின் தண்ணீரைக் கொண்டு கழுவி விட வேண்டும். முகப்பருக்கள், கட்டி அல்லது வேறு ஏதேனும் சருமம் சம்பந்தப்பட்ட பிரச்சனைகள் இருந்தால் இதனை தவிர்க்க வேண்டும்.

எள்ளை நன்றாக அரைத்து அதனோடு சிறிது தண்ணீர் கலகலக்க வேண்டும். இப்போது வெண்மை நிற திரவம் போல உருவாகி இருக்கும். அதனை முகத்தில் தினசரி தடவிக் கொண்டு வர வேண்டும். இது வெயிலினால் சருமத்திற்கு உண்டான பாதிப்புகளை சரி செய்வதோடு அதனால் மேலும் பாதிப்புகள் வராமல் பாதுகாக்கிறது.

இயற்கையாக கிடைத்த தயிரை முகத்தில் தடவலாம். 20 நிமிடங்கள் வரை காய வைத்து விட்டு அதன் பின்னர் கழுவி விட வேண்டும். இதனால் சருமம் பளபளப்பாக இருப்பதுடன் இறந்த செல்களை நீக்குவதற்கும் உதவுகிறது. தயிருக்கு பதிலாக பாலையும் முகத்தில் பயன்படுத்தலாம்.

உங்களுடைய சருமம் எண்ணெய் பிசிபிசுப்பு பேசும் உள்ளதாக இருந்தால், முட்டையின் வெள்ளை பகுதியோடு எலுமிச்சை சாறு சம அளவில் கலந்து, அதனை முகத்தில் தடவ வேண்டும் 20 நிமிடங்கள் காய விட்ட பிறகு அதனை தண்ணீரைக் கொண்டு கழுவி விடலாம். கடலை மாவு மற்றும் தயிர் ஆகியவற்றை கலந்து ஒரு பேஸ்ட்டை போல உருவாக்கி அதனுடன் சிறிதளவு மஞ்சள் சேர்க்க வேண்டும். இதனை சோப்பிற்கு பதிலாக உடலுக்கு தேய்த்து குளிப்பதற்கு பயன்படுத்தலாம்.

வறண்ட சருமம்:பருவ நிலையில் ஏற்படும் மாற்றத்தினால் உங்களது சருமம் வறட்சியாக காணப்படலாம். இதுபோன்ற சமயங்களில் முகத்தில் சோப்பை பயன்படுத்துவதை தவிர்க்க வேண்டும். அதற்கு பதிலாக ஏதேனும் தரமான ஜெல்லை பயன்படுத்தலாம். பருத்தி துணியை பாலில் நனைத்து அதனை கொண்டு முகத்தை துடைக்கலாம்.

வெயில் நேரத்தில் வெளியே செல்லும்போது சன் ஸ்கிரீன் பயன்படுத்தலாம். இரவு நேரத்தில் கிரீமை பயன்படுத்தி சருமத்தை மூன்று நிமிடங்கள் வரை தேய்க்க வேண்டும். அதன் பிறகு பருத்தி துணியை கொண்டு துடைத்து விடலாம்.இரவு நேரங்களில் உங்களது சருமம் மிகவும் வறண்டு இருந்தால் ஈரப்பதத்தை அதிகரிக்கும் வகையிலான கிரீமை முகத்தில் தேய்க்க வேண்டும். தேனானது வறண்ட சருமத்திற்கு மிகவும் உதவியாக இருக்கும்.

வாழைப்பழத்தை நன்றாக பிசைந்து ஒரு பேஸ்ட்டை போல மாற்றி அதனை முகத்தில் தடவி வர முகம் பிறந்த குழந்தையை போல மென்மையாக காட்சியளிக்கும். முட்டையின் வெள்ளை பகுதியையும் முகத்தில் தேய்த்து 20 நிமிடங்கள் வரை காய வைத்து அதன் பின்னர் கழுவி விட வேண்டும். கேரட்டை நன்றாக துருவி அதனை சருமத்தில் ஒரு மாஸ்கை போல தேய்த்து வர சருமம் ஆரோக்கியமாக இருக்கும். ஏனெனில் கேரட்டில் வைட்டமின் ஏ அதிக அளவில் உள்ளது.

முட்டைகோசை நீரினுள் நன்றாக கொதிக்க வைத்து பின்னர் அந்த திரவத்தை எடுத்து ஆற வைக்க வேண்டும். இதன் மூலம் முகத்தை கழுவும் போது சருமம் ஆரோக்கியமாகவும் மென்மையாகவும் இருக்கும். இரண்டிலிருந்து மூன்று டேபிள் ஸ்பூன் அளவு பாலை மிதமான அளவில் சூடு படுத்தி அதனோடு இரண்டு துளி வெஜிடபிள் ஆயில் சேர்த்து நன்றாக கலக்க வேண்டும். பருத்தித் துணியை அதில் முக்கிய எடுத்து சருமத்தை சுத்தம் செய்ய பயன்படுத்தலாம்