என்றும் இளமையாக ஜொலிக்க இந்த உணவுகளை உண்ணுங்கள்..!

வயது மாறினாலும் இளமை மாறாமல் தோன்ற காஸ்மெடிக்ஸுகள் மட்டும் காரணமில்லை. நம்முடைய வாழ்க்கை முறையும் முக்கியப் பங்கு வகிக்கிறது. குறிப்பாக நாம் உண்ணும் உணவுகளும் சருமத்தை இளமையாக வைத்துக்கொள்ள உதவும். அவை என்னென்ன என்று பார்க்கலாம்.

மஞ்சள் : இளமை மாறாமல் இருக்க மஞ்சளை விடச் சிறந்த ஆண்டி ஏஜிங் இருக்கமுடியாது. பாதிக்கப்பட்ட செல்களை நீக்கி புதிய செல்களை உருவாக்கும்.

தயிர் : குறைந்த கலோரி அதிக புரோட்டின் நிறைந்த உணவு. இதில் உள்ள பாஸ்பரஸ், வைட்டமிண் B12 , கால்சியம் மற்றும் ரிபோஃப்ளேவின் ஆகியவை முகத்தில் உள்ள கருவளையம், சுருக்கங்கள் ஆகியவற்றை நீக்கி தெளிவாக்கும்.

ரெட் ஒயின் : சருமத்தில் உள்ள செல்களைப் புதுப்பித்து , அழுக்குகளை அடியோடு நீக்க உதவும், சிறந்த சரும ஆண்டி ஆக்ஸிடண்ட்.

தக்காளி : இதில் லைக்கோபின் 80 சதவீதத்திற்கும் அதிகமாக இருக்கிறது. மாசுபாட்டால் இறக்கும் செல்களை குறைவில்லாமல் நீக்கி சூரியக் கதிர்களிலிருந்து பாதுகாக்கும்.

நட்ஸ் : நொறுக்குத் தீனிகள் உண்ணும் பழக்கம் அதிகம் இருந்தால் இனி நட்ஸ் வகைகளுக்கு மாறுங்கள். இது உங்கள் முகத்தை பளபளவென ஜொலிக்கச் செய்யும்.

கிரீன் டீ : வயது முதிர்ச்சியை முற்றிலும் நீக்கி முகச் சுருக்கங்களை நீக்க இதில் ஆண்டி ஆக்ஸிடண்ட்ஸ் அதிக அளவில் இருக்கின்றன. எனவே உங்களுக்கு இளைப்பாறுதல் வேண்டுமெனில் கிரீன் டீ குடியுங்கள்.

பூண்டு : பூண்டு சிறந்த நச்சு நீக்கி. உடலைப் பராமரிப்பதில் பூண்டு சிறந்த மருந்து. கெட்ட கொழுப்பு, இரத்தக் கொதிப்பு ஆகியவற்றைச் சமநிலை செய்து இளமையையும் நீட்டிக்கச் செய்யும்.

டார்க் சாக்லெட் : பாதிப்பை உண்டாக்கக் கூடிய கிருமிகளிலிருந்தும், தொற்றுகளிலிருந்தும் சருமத்தைப் பாதுகாத்து சுருக்கங்கள் இன்றி காக்கும். சூரியக் கதிர்களால் ஏற்படும் பாதிப்புகளையும் சரி செய்யும்.

சருமத்தைப் பாதுகாக்கத் தேவையான முக்கிய ஊட்டச்சத்துகள் : வைட்டமின் C,E,D,A செலினியம், அமினோ ஆசிட், ஒமேகா 3 ஃபேட்டி ஆசிட் ரெஸ்வெரட்ரொல் ஆகியவை, சருமம் தோய்வில்லாமல் இருக்க உதவும் சத்துகளாகும். இவற்றைச் சரியாக எடுத்துக்கொண்டால் உங்களை முதுமை என்பதே நெருங்காது.