தமிழும் சரஸ்வதியும் சீரியலில் கோதை எப்படி இவ்வளவு அழகா இருக்காங்க தெரியுமா..? இதுதான் அவங்க ரகசியம்..!

தமிழும் சரஸ்வதியும் சீரியலில் கோதை என்ற முக்கியக் கதாபாத்திரத்தில் நடித்து வருபவர் நடிகை மீரா கிருஷ்ணா. கேரள மாநிலம் கோட்டயத்தை சேர்ந்த இவர், தமிழ் மற்றும் மலையாள சின்னத்திரை உலகில் மிகவும் பிரபலம். அவர் பின்பற்றும் சில பியூட்டி டிப்ஸ்களை இங்கே குறிப்பிடுகிறோம்.

இது குறித்து இணையதளம் ஒன்றில் பகிர்ந்துக் கொண்ட மீரா, ”நான் முகத்துக்கு கற்றாழை ஜெல் தான் பயன்படுத்துகிறேன். அதனுடன் மாய்ஸ்சரைசர் கட்டாயம். நான் பியூட்டி பார்லருக்கு போகும் ஆள் கிடையாது. சிறுவயதில் இருந்தே வாரத்துக்கு மூன்று முறை தலைக்கு தேங்காய் எண்ணெய் வைத்து குளிப்பேன். அதைத்தான் இப்போதும் செய்கிறேன்.

நடிகையாக இருப்பதால் தினமும் கூந்தலை அயர்னிங், டிரையிங், கர்ல்ஸ் பண்ண வேண்டியிருக்கும். அதனால் எனக்கு நிறைய முடி கொட்டியது.

ஆனால் மீண்டும் முடி வளர்வதற்குக் காரணம் எண்ணெய் தேய்த்து குளிப்பது தான். இப்போது வயதாவதால் சீரம் யூஸ் பண்ண ஆரம்பித்திருக்கிறேன்.

நேரம் கிடைக்கும் போது கற்றாழை, பால், பப்பாளி, தக்காளி, முல்தானி மட்டி போன்றவற்றை முகத்துக்கு அப்ளை செய்வேன். அதனால் முகத்தில் பருக்கள் வராமல் பொலிவாக இருக்கும்.

இரவு ஷூட்டிங் முடிந்து வரும்போது’ தவறாமல் ஃபேஸ் மசாஜ் பண்ணுவேன். தேங்காய் எண்ணெய், மாய்ஸ்சரைசர், கற்றாழை ஜெல் என ஏதாவது ஒன்றை பயன்படுத்தி ஃபேஸ் மசாஜ் செய்யலாம். சீரம் பயன்படுத்துவதால் முகத்தில் ஈரப்பதம் நீண்ட நேரம் இருக்கும்.

தேங்காய் எண்ணெயில் வெந்தயம், கறிவேப்பிலை, சின்ன வெங்காயம், செம்பருத்தி பூ-இலை, கொய்யா இலை இதையெல்லாம் போட்டு நன்கு காய்ச்சி வடிகட்டிய எண்ணெய் தான் கூந்தலுக்கு பயன்படுத்துவேன்” என்று தெரிவித்திருந்தார்.