உங்களுக்கு விரைவில் திருமணம் நடக்கவுள்ளதா..? நயன்தாராவின் வெட்டிங் மேக்அப் ட்ரை பண்ணுங்க..!

லேடி சூப்பர் ஸ்டார் என்று அழைக்கப்படும் நயன்தாராவிற்கும், இயக்குநர் விக்னேஷ் சிவனுக்கும் கடந்த ஆண்டு ஜூன் மாதம் 9ஆம் தேதி திருமணம் நடைபெற்றது. அந்த நிகழ்வு குறித்த ஃபோட்டோ, வீடியோ போன்றவை தான் சமூக வலைதளங்களில் வெகு காலத்திற்கு டிரெண்டிங்கில் இருந்தன.

ஆனால், இன்னமும் கூட ஒரு அழகான மணப்பெண் அலங்காரத்திற்கு சிறப்பான உதாரணமாக நயன்தாரா பார்க்கப்படுகிறார். அவரது இடத்தை வேறெந்த ஸ்டாரும் நிரப்ப முடியவில்லை. திருமணத்திற்கு அப்படி என்ன சிறப்பான அலங்காரத்தை நயன்தாரா செய்திருந்தார் என்பதை இந்த படத் தொகுப்பில் பார்க்கலாம்.

திகைப்பூட்டும் படம் : இயக்குநர் விக்னேஷ் சிவன், நடிகை நயன்தாராவிற்கு மங்கல நாண் கட்டுகின்ற அந்த தருணம் அவ்வளவு அழகானது. பெரிய ஸ்டாராக இருந்த போதிலும் பாரம்பரிய முறைப்படி மஞ்சள் கயிற்றில் தாலி கட்டப்பட்டது. இந்த புகைப்படத்தை பார்க்கின்ற ஒவ்வொரு தருணமும் நமக்கு திகைப்பு ஏற்படும்.

நேர்த்தியான தோற்றம் : உச்சந்தலை முதல் பாதம் வரையிலும் ஒவ்வொரு இடத்திற்கு தகுந்தாற்போல அழகான முறையில் நயன்தாரா மேக்கப் செய்திருந்தார். ஒவ்வொரு மேக்கப் காட்சியையும் ஒரு சிறுகதை புத்தகம் போல விரித்து சொல்லிக் கொண்டே போகலாம்.

பொன்னான தருணம் : மணப்பெண் அலங்காரம் மட்டுமல்ல, தன் வாழ்நாளின் அந்த அழகிய தருணத்தில் நயன்தாரா வெளிப்படுத்திய முக பாவனைகளும் கூட பேரழகாக இருந்தன. அதிலும் பாசத்தையும், நேசத்தையும் வெளிப்படுத்தும் விதமாக விக்னேஷ் சிவன் கொடுத்த முத்தத்தை கண்ணை மூடி ஏற்றுக் கொண்ட நயன்தாரா பேரழகு தான்.

ஸ்மோக்கி கண்கள் : வானத்தை நோக்கி புகைமூட்டம் கிளம்பியதை போல தன் கண்களுக்கு மிக லேசான அளவில் மேக்கப் கொடுத்திருந்தார் நயன்தாரா. ஒவ்வொரு முறையும் அவர் கண் மூடி, கண் திறக்கும்போது கேமரா லென்ஸ்களில் அந்த அழகு தவறாமல் இடம்பிடித்தது.

கண் இமை அழகு : ஸ்மோக்கி கண் அழகுக்கு ஈடாக, தெரிந்தும், தெரியாத அளவுக்கு கண் இமைக்கு மேக்கப் கொடுக்கப்பட்டிருந்தது. அவரது முகம் பேரழகாக காட்சியளிக்கு இதுவும் ஒரு காரணமாகும்.

உதட்டழகு : பொதுவாக சாதாரண பெண்களும் கூட தங்கள் மெல்லிய உதடுகளை அழகாக காட்ட தவறுவதில்லை. அதிலும் லேடி சூப்பர் ஸ்டாருக்கு சொல்ல வேண்டுமா என்ன! மேட் லுக் அடிப்படையில், சிவந்த செங்கல் நிற மேக்கப்பை அவர் தேர்வு செய்திருந்தார்.

சிறப்பூட்டும் மேக்கப் : கன்னத்து எலும்புகளை ஒட்டிய பகுதிகளில் மிக மெல்லிய அளவில் மேக்கப் செய்திருந்தார் நயன்தாரா. அது ஒவ்வொரு காட்சியிலும் அவரை பேரழகியாக காண்பித்தது. மேலும் ஒரு பிரம்மாண்ட தோற்றம் தந்தது.

நிறத்திற்கு ஏற்ற பொட்டு : இந்திய பெண்களின் அழகான முகம் பொட்டு இல்லாமல் பூர்த்தி அடையுமா என்ன! லேடி சூப்பர் ஸ்டார் நயன்தாராவும் அந்த தருணத்தை தவறவிடவில்லை. அணிந்திருந்த சேலைக்கு நிகராக அதே வண்ணத்தில் பொட்டு தேர்வு செய்திருந்தார்.

பளபளவென காட்சியளித்த மணப்பெண் : நயன்தாரா முகம் இயல்பாகவே பளபளப்பாக காட்சியளிப்பதை இந்தப் படத்தில் நீங்கள் பார்க்க முடியும். முகத்தில் ஒவ்வொரு இடத்திற்கும் தகுந்தாற்போல மிகச் சரியான மேக்கப் முறையை கையாண்டதால் இந்த தோற்றம் கிடைத்தது.