வெயில் காலம் என்பதால் உதடுகள் கருத்து காய்ந்து போகுதா..? இந்த டிப்ஸை ஃபாலோ பண்ணுங்க..!

கோடை காலம் என்றாலே விடுமுறையும், வெயிலும் தான் நம் நினைவிற்கு வரும். விடுமுறை நமக்கு கொண்டாட்டமாக இருந்தாலும், சுட்டெரிக்கும் கோடை வெயில் பல பிரச்சனைகளை தன்னுடன் கொண்டு வருகிறது. அந்த மாதிரியான ஒரு பிரச்சனை தான் உதடுகளில் ஏற்படும் வறட்சி. பொதுவாக கோடை காலத்தில் உள்ள அதிகப்படியான வெப்பம் மற்றும் சூரிய கதிர்கள் காரணமாக உதடுகள் வறண்டு, விரிசல் விட ஆரம்பிக்கும். இது பல அசௌகரியங்களை ஏற்படுத்தும். கோடை வெயிலில் இருந்து உங்கள் உதடுகளை பாதுகாக்க உதவும் ஒரு சில வழிகள் குறித்து இந்த பதிவில் பார்ப்போம்.

லிப் பாம் பயன்படுத்துங்கள் : உங்கள் உதடுகளை மாய்ஸ்ச்சரைஸ் செய்யக்கூடிய எஸ்பிஎஃப் கொண்ட லிப் பாம்களை நாள் முழுவதும் பயன்படுத்துவதன் மூலம் உதடுகளில் ஏற்படும் வறட்சியை நீங்கள் தடுக்கலாம்.

முடிந்த வரை, பீஸ்வேக்ஸ், ஷியா வெண்ணெய், அல்லது தேங்காய் எண்ணெய் போன்ற பொருட்களால் ஆன லிப் பாம்களை பயன்படுத்துங்கள். ஏனெனில், இவை உங்கள் உதடுகளுக்கு போதுமான நீரேற்றம் வழங்க உதவும். நீங்கள் விருப்பப்பட்டால் வீட்டிலே இயற்கையான முறையில் எளிதில் கிடைக்கஓடிய பொருட்களைப் பயன்படுத்தி லிப் பாம்களை செய்து பயன்படுத்தலாம்.

போதுமான அளவு தண்ணீர் பருகவும் : தினமும் போதுமான அளவு தண்ணீர் குடிப்பது உங்கள் உதடுகளை மட்டும் அல்லாமல் உங்கள் ஒட்டுமொத்த ஆரோக்கியத்தையும் மேம்படுத்த உதவும். நீர்ச்சத்து குறைபாடு வறட்சியை உண்டாக்கும். இது விரிசல் நிறைந்த உதடுகளுக்கு வழிவகுக்கும்.

நாக்கால் உதடுகளை ஈரமாக்குவதை நிறுத்துங்கள் : இவ்வாறு செய்வது உதடுகளை ஈரப்பதத்துடன் வைத்துக் கொள்ளும் என பலர் நினைக்கலாம். ஆனால் உண்மையில் இது உதடுகளை வறண்டு போகச் செய்யும்.

வீட்டை விட்டு வெளியே செல்லும் போது தொப்பி அணியவும் : எப்போதும் வீட்டில் இருந்து வெளியே கிளம்பும் போது, உங்கள் முகம் மற்றும் உதடுகளின் பாதுகாப்பு கருதி தொப்பி அணிய மறக்காதீர்கள்.

ஒரு சில உணவுகளை தவிர்க்க வேண்டிய நேரம் இது : காரசாரமான அல்லது அமிலத்தன்மை நிறைந்த உணவுகளை சாப்பிடுவது உங்கள் உதடுகளில் எரிச்சலை ஏற்படுத்தும். இதன் காரணமாக உதடுகளில் விரிசல் ஏற்படும். ஆகவே, இது போன்ற உணவுகளை முடிந்த வரை அவாய்டு செய்து விடுங்கள்.

ஹியுமிடிஃபையர் பயன்படுத்தவும் : நீங்கள் நீண்ட நேரம் ஏசி-யைப் போட்டுக் கொண்டு ஒரு அறைக்குள் நேரத்தை செலவிடும் நபர் என்றால், அறையில் உள்ள காற்றில் ஈரப்பதத்தை சேர்க்க ஹியுமிடிஃபையர் பயன்படுத்தவும். இது வறட்சியை போக்க உதவும்.

மேலே கூறப்பட்ட விஷயங்களை பின்பற்றுவதன் மூலமாக உங்கள் உதடுகளை ஈரப்பதத்தோடு வைத்துக் கொள்வது மட்டும் அல்லாமல், கோடை வெயிலில் இருந்தும் அவற்றை பாதுகாக்கலாம். கோடையை மகிழ்ச்சியுடன் அனுபவிக்கும் அதே நேரத்தில் பாதுகாப்பாகவும் இருங்கள்!!