Skin Care Tips : குளிர்காலத்தில் ஏற்படும் வறண்ட சருமத்தை பாதுகாக்க சில டிப்ஸ்..
Skin Care Tips For Winter Season : குளிர்காலத்தில் உங்கள் சருமத்தை பாதுகாக்க இப்படி செய்யுங்கள்..
கோடை காலத்தை விட, குளிர் காலத்தில் சருமம் மிகவும் வறண்டு போகும் சாத்தியம் உள்ளது. ஈரப்பதமின்மை, சருமம் உலர்ந்து போதல், வெடிப்பு, ஆகிய சரும பாதிப்புகள் குளிர் காலத்தில் பரவலாகக் காணப்படும். குளிர் காலத்தில் கொஞ்சம் கூடுதலான சருமப் பராமரிப்பை மேற்கொள்ள வேண்டிய சூழல் ஏற்படும். உங்களுக்கு குளிர் காலத்தில் சருமப்பிரச்சனைகள் ஏற்பட்டால், வீட்டில் இருக்கும் பொருட்களையே பயன்படுத்தி உங்கள் சரும ஆரோக்கியத்தை பாதுகாக்கலாம். கிளினிக் டெர்மாடெக்கில் ஆலோசகராக மருத்துவர் கீத்திகா கோயல் பகிர்ந்த வீட்டிலேயே செய்யக்கூடிய எளிமையான சருமப்பராமரிப்பு டிப்ஸ் இங்கே.
முகத்தில் உள்ள அழுக்குகளை சுத்தம் செய்தல் - கிளென்சர் :கிளென்சர் என்பது உங்கள் முகத்தில் உள்ள தூசு, அழுக்கை சுத்தம் செய்வதைக் குறைக்கிறது. உங்கள் வீட்டிலேயே கிடைக்கும் மிகச்சிறந்த கிளென்சர், வெதுவெதுப்பான சூட்டில் இருக்கும் பால். பஞ்சை பாலில் நனைத்து, தினமும் இரவு உங்கள் முகத்தில் பூசி வரவும். சில நிமிடங்கள் கழித்து சாதாரண நீரில் முகத்தைக் கழுவவும். பால் முகத்தின் மேற்பரப்பில் இருக்கும் அழுக்கு, தூசு, ஆகியவற்றை சுத்தம் செய்து பொலிவாக்கி, வறண்டு போகாமல் தடுக்கிறது.
சருமத்தின் அடைப்புகளை நீக்கி மென்மையாக்குதல் - டோனர்: பொதுவாக, வறண்ட சருமம் இருக்கும் போது டோனர் பயன்படுத்துவதைத் தவிர்க்கவே நினைப்பார்கள். ஆனால், குளிர் காலத்தில் உங்கள் சருமத்தின் pH லெவல் சரியான நிலையில் இருக்க வேண்டும். எனவே, டோனர் பயன்படுத்துவது அவசியம். டோனர் என்றவுடன் விலையுயர்ந்த ஸ்கின்கேர் தயாரிப்புகள் நினைவுக்கு வரலாம்! ஆனால், உங்கள் வீட்டிலேயே மிகச்சிறந்த டோனர் உள்ளது. ரோஜா பூக்களில் இருந்து தயாரிக்கப்படும் ரோஸ் வாட்டர் எனப்படும் பன்னீர் தான். ரோஸ் வாட்டர் உங்கள் சருமத்தை மென்மையாக்கி, சருமத்தில் இருக்கு சிறுசிறு கண்ணுக்குத் தெரியாத துளைகளின் அடைப்பை (clogged pores) நீக்கி, வறட்சி ஆவதைத் தவிர்க்கிறது.
சருமத்துக்கு ஈரப்பதம் அளித்தல் - மாய்ஸ்சுரைசர்: குளிர்காலத்தில் அதிகமாக தாகம் எடுக்காது. எனவே, வழக்கமாகக் குடிக்கும் அளவை விட குறைந்த அளவிலேயே நீர் அல்லது திரவங்களை குடிப்போம். இது உடலில் உள்ள நீர்ச்சத்தைக் குறைத்து, சருமத்தையும் வறண்டு போகச் செய்கிறது. எனவே, வெளிப்புற சருமத்துக்கு கூடுதல் ஈரப்பதம் தேவை. சருமத்தை மாய்ஸ்சுரைசர் செய்ய தேங்காய் எண்ணெய், ஆலிவ் எண்ணெய் ஆகியவற்றை தினமும் பயன்படுத்தலாம்.
இரவு நேரத்தில் சருமத்தை மேம்படுத்த ஓவர் நைட் சீரம் : வறண்ட சருமம் உங்களை சோர்வாக காட்சி அளிக்க வைக்கும். பகல் நேரத்தில் வேலை பளு அதிகமாக இருந்தால், இரவில் நீங்கள் ஓவர்நைட் சீரம் பயன்படுத்தி உங்கள் சருமத்தை மேம்படுத்தலாம். கோல்டு-பிரஸ்டு வால்நட் எண்ணெயில் ஆன்டி-ஏஜிங் பண்புகள் உள்ளன, இது உங்கள் சருமத்துக்கு புத்துணர்ச்சியூட்டி, சுருக்கம், ஃபைன்லைன்ஸ், திட்டுக்கள், உலர்வான சருமம் ஆகியவற்ஹை சீர் செய்கிறது. தினமும் இரவு இந்த எண்ணையை உங்கள் முகம், மற்றும் கழுத்து பகுதிகளில் நன்றாகத் தடவி மசாஜ் செய்து வரவும்.
வறண்ட சருமத்துக்கான ஃபேஸ் மாஸ்க்: வறண்ட சருமத்துக்கு உடனடியாக பொலிவூட்ட, சருமத்துக்கு ஈரப்பதம் அளிக்க, இந்த இன்ஸ்டன்ட் ஃபேஸ் மாஸ்க்கை பயன்படுத்துங்கள். 1 தேக்கரண்டி ஓட்ஸ், 2 தேக்கரண்டி பால் மற்றும் ½ தேக்கரண்டி நெய் ஆகியவற்றை ஒன்றாகக் கலந்து உங்கள் முகத்தில் தடவி, 15 முதல் 20 நிமிடங்கள் வரை ஓய்வெடுக்கவும். பின்பு, வெதுவெதுப்பான நீரில் முகத்தைக் கழுவுங்கள். பட்டு போன்ற, ஈரப்பதம் நிறைந்த சருமத்தை உணர்வீர்கள்.
