வேல்ஸ் இளவரசி கேட் மிடில்டன் அழகிற்கு இதுதான் காரணமா..? உங்களுக்காக அந்த இரகசியம்

ஒரு சிலருக்கு வயதே ஆகாத அளவுக்கு என்றென்றும் இளமையாக, அழகாக, பிரமிப்பாக காட்சியளிப்பார்கள். பிரபலங்களின், நடிகைகளின் அழகு ரகசியம் பற்றி தெரிந்து கொள்ள எந்த அளவுக்கு விரும்புகிறார்களோ, அதே அளவுக்கு அரசிகள், இளவரசிகள் வாழ்க்கை முறை, அவர்கள் அழகின் ரகசியம் என்ன என்பதை தெரிந்து கொள்ள ஆர்வம் அதிகம். பண்டைய காலத்து அரசிகள் பற்றிய குறிப்புகள் தெரிய வரும் போது வியப்பாக இருக்கும்.

உதாரணமாக, உலகின் தலை சிறந்த அழகியான கிளியோபட்ராவின் அழகு ரகசியம் கழுதைப்பாலில் குளிப்பது தான் என்று கூறப்பட்டு வருகிறது. சமீபத்தில், உலகெங்கும் தலைப்பு செய்திகளில், இங்கிலாந்து ராணி எலிசபத்தின் இறப்பு செய்தி மட்டுமல்லாமல், இங்கிலாந்து அரச குடும்பத்தின் செய்திகள் வெளியாகி வருகின்றன.

மறைந்த முன்னாள் இளவரசி டயானாவுக்கு அடுத்த படியாக, பெரிதாக கவனம் ஈர்த்தது கேட் மிடில்டன். இங்கிலாந்து அரசராக பதவியேற்க இருக்கும் மன்னர் சார்லஸ் மற்றும் டயானாவின் மூத்த மகன் வில்லியம், மனைவியான கேட் மிடில்டன் பற்றிய செய்திக்கு குறைவே இல்லை. கண்களுக்கு உறுத்தாத மேக்கப், அழகான நேர்த்தியான ஆடைத் தேர்வுகள், டயானா போலவே விதவிதமான தொப்பிகள் என்று கேட் மிடில்டன் எப்போதும் கண்களுக்கு விருந்தாக காட்சியளிப்பார். கேட் மிடில்டன் அழகின் ரகசியம் பற்றி தெரிந்து கொள்ளுங்கள்.

எக்ஸ்ஃபோலியேஷன் தவறாமல் செய்ய வேண்டும் : எவ்வளவு மேக்கப் போட்டுக் கொண்டாலும், சருமம் இயற்கையாக பொலிவாக இருக்க வேண்டும். சருமத்தில் உள்ள இறந்த செல்களை நீக்கும் பிராசஸ் பெயர் தான் எக்ஸ்ஃபோலியேஷன். இறந்த செல்கள் நீங்கும் போது, சருமத்தில் ஆரோக்கியமான செல்கள் வளர்ந்து, ரத்த ஓட்டம் அதிகரித்து இயற்கையான பொலிவைத் தரும்.

சருமத்தின் ஈரப்பதத்தை தக்க வைக்க ஹையலுரோனிக் ஆசிட் : சருமம் வறண்டு போகாமல் இருக்க மாயஸ்ச்சரைசர் பயன்படுத்துவது அவசியம். கேட் மிட்டில்டன், சருமம் ஈரப்பதமாகவும், பட்டு போன்றும், இளமையாகவும் வைத்திருக்க ஹையலூரோனிக் ஆசிட் பயன்படுத்துகிறார்.

ஆரோக்கியமான உணவுகள் மட்டுமே : நாம் என்ன சாப்பிடுகிறோமோ அது சருமத்தில் வெளிப்படும். இவருடைய உணவுகளில் பழங்கள், பழ ஸ்மூத்தீஸ் ஆகியவை அதிகமாக இடம்பெறும். அதே போல, இந்திய உணவுகள் என்றாலே வேல்ஸ் இளவரசி விரும்பி சாப்பிடுவாராம்.

ரோஸ்ஹிப் ஆயில் : சருமத்தில் உள்ள மாசு மங்குகளை நீக்க, வயதாகும் அறிகுறிகளை தடுக்க, பல்வேறு நறுமண எண்ணெய்கள் உள்ளன. அதில் கேட் மிடில்டன் பயன்படுத்துவது, ரோஸ் ஹிப் ஆயில். இது முகத்தில் சுருக்கங்களை நீக்கி, இளமையாக வைக்க உதவுகிறது.

மினிமலிசம் : அரச குடும்பத்தின் அங்கமாக இருந்தாலும், அவ்வப்போது அந்த ‘ராயல்டியின் டச்’ தெரிந்தாலும், பெரும்பாலும் எளிமையாகவும், மினிமலிஸ்ட்டாகவும் தான் காட்சியளிப்பார் கேட். மேக்கப் கூட, கண்களுக்கு மஸ்காரா மற்றும் உறுத்தாத அளவுக்கு லிப் க்ளாஸ் மட்டுமே பயன்படுத்துவாராம்.