வறண்ட மற்றும் சிக்கு முடியை நிர்வகிக்க உதவும் 10 கிச்சன் பொருட்கள்..!

முடி தொடர்பான சிக்கல்களுக்கு தீர்வு அளிக்க ஏராளமான ஹேர் கேர் பொருட்கள் கிடைத்தாலும், நம் கிச்சனில் உள்ள சில பொருட்கள் முடி பிரச்சனைகளைகட்டுப்படுத்த உதவும். பலருக்கும் ஏற்படும் கூந்தல் பிரச்சனைகளில் ஒன்று ஃப்ரிஸ்ஸி ஹேர் (Frizzy Hair).

இது சீரற்ற மற்றும் குழப்பமான அமைப்புகளை ஏற்படுத்தும், வெவ்வேறு திசைகளில் வெளியே நீட்டி கொண்டிருக்கும் அல்லது அவ்வப்போது சுருண்டு போகும் முடி இழைகளைக் குறிக்கிறது. ஃப்ரிஸ்ஸி ஹேர் என்பதை வறண்ட மற்றும் சிக்கு முடி எனலாம். பொதுவாக கூந்தலில் சிக்கு ஏற்படுவது மற்றும் வறண்டு போவது என்பது ஈரப்பதம் இல்லாததால் ஏற்படுகிறது. சரி, இந்த ஃப்ரிஸ்ஸி ஹேர் பிரச்சனையை வீட்டில் உள்ள பொருட்களை கொண்டே எப்படி சமாளிப்பது என்று பார்க்கலாம்.

வெண்ணெய்: வறண்ட மற்றும் சிக்கு முடியை திறம்பட நிர்வகிக்க உதவுவதில் வெண்ணெய் சிறப்பாக செயல்படும் என்பது பலருக்கும் தெரியாத உண்மை. ஒரு பாத்திரத்தில் சிறிது உருகிய வெண்ணெயை எடுத்து, கூந்தலில் கீழ் நோக்கி தடவவும். 20 அல்லது 30 நிமிடங்களுக்குப் பிறகு நீங்கள் வழக்கமாக பயன்படுத்தும் ஷாம்புவுடன் தலைமுடியை வாஷ் செய்து விடுங்கள்.

தயிர்: தயிர் என்பது முடியை கண்டிஷனிங் செய்ய உதவும் சிறந்த மூலப்பொருள். 2 ஸ்பூன் நல்ல தயிர் பொடுகை எதிர்த்துப் போராட ஒரு சரியான வீட்டு மருந்து. இது வைட்டமின் D மற்றும் B5 மற்றும் பாக்டீரியா எதிர்ப்பு பண்புகளின் நன்மைகளை கொண்டுள்ளது. தயிரை நேரடியாக தலைமுடியில் தடவி 15 நிமிடம் கழித்து அலசலாம்.

வேப்பிலை: வேப்பிலைகளில் ஆன்டிபாக்டீரியல்கள், வைட்டமின்கள், கால்சியம், இரும்பு மற்றும் பாஸ்பரஸ் உள்ளிட்டவை நிறைந்து காணப்படுகின்றன. எனவே முடி வளர்ச்சிக்கு உதவி மற்றும் முடி வறண்டு போகாமலே தடுக்கின்றன. ஒரு கப் சூடான தேங்காய் எண்ணெயில் சில வேப்பிலைகள் அல்லது கறிவேப்பிலையை சேர்த்து ஒரு மணி நேரம் அப்படியே விட்டுவிடுங்கள். பின் அந்த எண்ணெயை தலைக்கு தடவி சிறிது நேரம் ஊறவைத்து விட்டு வழக்கமான ஷாம்புவை பயன்படுத்துங்கள்.

கற்றாழை: கற்றாழை சருமத்திற்கு மட்டுமல்ல கூந்தலுக்கும் ஈரப்பதமூட்டும் பொருளாக பயனப்டுகிறது. இதில் வைட்டமின் பி12, சி, ஏ மற்றும் ஈ நிறைந்துள்ளது. இது வறட்சியை நீக்க, மயிர்க்கால்களை ஆரோக்கியமாக்க உதவுகிறது. இயற்கையாக பிரித்தெடுக்கப்பட்ட கற்றாழை ஜெல்லை உங்கள் தலைமுடிக்கு தடவலாம்.

வாழைப்பழங்கள் : வாழைப்பழத்தில் உள்ள சிலிக்கா முடி இழைகளை வலுவாகவும் ஆரோக்கியமாகவும் வைக்கிறது. மேலும் முடி வளர்ச்சியை அதிகரிக்கிறது. நீங்கள் தேவைப்பட்டால் கற்றாழையுடன் வாழைப்பழத்தை கலந்து கூட நேரடியாக உங்கள் தலைமுடியில் தடவலாம். 20 நிமிடங்கள் வரை ஊற வைத்து பின் உங்கள் வழக்கமான ஷாம்பு பயன்படுத்தி வாஷ் செய்யலாம்.

வெந்தயம்: முடி வளர்ச்சிக்குத் தேவையான புரதம் மற்றும் இரும்புச்சத்து வெந்தயத்தில் நிறைந்துள்ளது. இது பூஞ்சை எதிர்ப்பு மற்றும் பாக்டீரியா எதிர்ப்பு விளைவுகளையும் கொண்டுள்ளது. வெந்தயத்தை தண்ணீரில் அல்லது நீங்கள் விரும்பும் ஆயிலில் இரவு முழுவதும் ஊற வைக்கலாம். தண்ணீரில் ஊற வைத்திருந்தால் தலை முடியில் அதை ஸ்ப்ரே செய்யலாம். ஆயில் என்றால் தலையில் தடவி சிறிது நேரம் ஊறவைத்து ஷாம்பு போட்டு குளித்து விடுங்கள்.

முட்டைகள்: வறண்ட முடியை நிர்வகிக்க மற்றும் நீரேற்றத்தை மீட்டெடுக்க முட்டை உதவுகிறது. முட்டையின் வெள்ளைக்கருவை மட்டும் பயன்படுத்தலாம் அல்லது முழு முட்டையையும் முடியில் தடவலாம். 10 நிமிடங்களுக்கு மேல் ஊற வைக்க வேண்டாம், சில நிமிடங்களுக்குப் பிறகு, உங்கள் தலைமுடியை வழக்கமான ஷாம்புவுடன் வாஷ் செய்யலாம்.

ஆலிவ் ஆயில்: ஆலிவ் ஆயில் கூந்தல் இழைகளை மென்மையாக்குகிறது மற்றும் அவற்றை ஆரோக்கியமாக்குகிறது. ஆலிவ் ஆயிலை நேரடியாகவும் பயன்படுத்தலாம் அல்லது வெந்தயம் மற்றும் வேப்பிலைகளுடன் கலந்தும் பயன்படுத்தலாம். 30 நிமிடங்ள் ஊற வைத்த பிறகு, உங்கள் தலைமுடியை ஈரப்பதமூட்டும் ஷாம்புவுடன் வாஷ் செய்யலாம்.

கடலை மாவு: தலைமுடியை வலிமையாக்க கடலை மாவு உதவுகிறது. தயிர் அல்லது முட்டையுடன் கடலை மாவை கலப்பதால் கூந்தலுக்கான ஊட்டச்சத்து மதிப்பை பல மடங்கு அதிகரிக்கலாம். இது முடி உதிர்வை தடுக்கிறது, மேலும் கடலை மாவின் மென்மையான பேஸ்ட் எந்த கிளைமேட்டிலும் உதிர்ந்த முடியை நிர்வகிக்க உதவும்.

ஆப்பிள் சிடர் வினிகர்: ஆப்பிள் சிடர் வினிகரை நீங்கள் கற்றாழையுடன் கலக்கலாம் அல்லது வெதுவெதுப்பான நீரில் சேர்க்கலாம். இந்த கலவையை உச்சந்தலையில் வைத்து 5 அல்லது 10 நிமிடங்களுக்கு மசாஜ் செய்த பிறகு உங்கள் தலைமுடியை வாஷ் செய்வது நல்ல பலனை தரும்.