சருமத்தில் படிந்துள்ள அழுக்கை வேரோடு நீக்க உதவும் கடலை மாவு ஸ்கிரப் : எப்படி தயாரிப்பது..?

கெமிக்கல் பொருட்களை காட்டிலும் இயற்கை முறையிலான அழகுப் பராமரிப்புதான் என்றுமே பாதுகாப்பானது. பக்கவிளைவுகள் இல்லாதது. அந்த வகையில் கடலை மாவு ஸ்கிரப் பல வகைகளில் நன்மை தரக்கூடியது.

அதாவது கடலை எண்ணெய் திட்டு திட்டாக இருக்கும் கருமையை நீக்க உதவும். சருமத்தின் சுருக்கங்களை இறுகச் செய்து ஆரோக்கியமாக வைத்துக்கொள்ளும்.

முகப்பருக்கள், இறந்த செல்கள், எண்ணெய் பிசுக்கு போன்றவற்றை வேரோடு நீக்க உதவும். சரி இதில் ஸ்கிரப் எப்படி செய்வது என்று பார்க்கலாம்.

கடலை மாவு , ஓட்ஸ் பொடி, தேன் மற்றும் எலுமிச்சை சாறு ஆகியவற்றை கெட்டியான பதத்தில் கலந்துகொள்ளுங்கள். பின் முகத்தில் சோப்பு போட்டு தேய்ப்பதுபோல் தேய்த்து கழுவுங்கள்.

பால், கடலை மாவு மற்றும் ஓட்ஸ் கலந்து முகத்தில் தேய்த்து கழுவுங்கள்.

மஞ்சள் மற்றும் கடலை மாவை தண்ணீரில் குழைத்து முகத்தில் தேய்த்து ஸ்கிரப் செய்ய முகம் பளிச்சிடும்..