ரெட்டினால் கெமிக்கலை இப்படி பயன்படுத்தினால் ஆபத்தா..? கட்டுக்கதைகளும்.. உண்மைகளும்..

இன்றைய நவீன உலகில் மாறி வரும் வாழ்க்கை முறை, உணவுப் பழக்கம், வேலைப் பளு போன்றவற்றின் காரணமாக பலர் சரும பிரச்சினைகளால் அவதிப்பட்டு வருகின்றனர். ஒரு சிலர் வீட்டில் கிடைக்கக்கூடிய பொருட்களைப் பயன்படுத்தி தீர்வு தேட முடிவு செய்தாலும், பலர் நேரமின்மை காரணமாக கடைகளில் விற்கப்படும் அழகு சாதன பொருட்களை நாடுகின்றனர். எல்லா விதமான சரும பிரச்சினைகளை சமாளிக்கவும் கடைகளில் ஏராளமான அழகு சாதன பொருட்கள் கிடைக்கின்றன.

அந்த வகையில் ரெட்டினால் என்பது அழகு சாதன பொருட்களில் பயன்படுத்தப்படும் ஒரு பிரபலமான மூலப்பொருள் ஆகும்.  இது சருமத்தில் ஏற்படும் மெல்லிய கோடுகள், சுருக்கங்கள், மற்றும் ஹைப்பர்பிக்மெண்டேஷன் போன்றவற்றிற்கான தீர்வாக அமைகிறது. எனினும், ரெட்டினால் பற்றிய பல கட்டுக்கதைகள் மற்றும் தவறான தகவல்கள் உள்ளன. அவற்றை இந்த பதிவின் மூலம் தெளிவுப்படுத்திக் கொள்ளலாம்.

ரெட்னால் சருமத்தை மெல்லியதாக்கும் : இது ரெட்டினால் பற்றிய ஒரு பொதுவான கட்டுக்கதை. உண்மை என்னவென்றால், ரெட்டினால் கொலாஜன் உற்பத்தியை அதிகரிப்பதன் மூலமாக சருமத்தை தடிமனாக மாற்ற உதவுகிறது.

ரெட்டினால் வயதான எதிர்ப்பு (ஆன்டி-ஏஜிங்) பண்புகளுக்காகவே பயன்படுத்தப்படுகிறது: பொதுவாக ரெட்டினால் வயதான அறிகுறிகளுக்கு எதிராக பயன்படுத்தப்பட்டாலும், அது முகப்பருவை போக்கவும் மற்றும் சருமத்தின் தொனியை மேம்படுத்தவும் பயன்படுத்தப்படலாம்.

ரெட்டினால் சருமத்தில் கடுமையாக இருப்பதோடு அதனை எரிச்சலடையவும் செய்யலாம் : ரெட்டினால் சார்ந்த பொருட்களை முதன் முதலில் பயன்படுத்தும்பொழுது ஒரு சிலருக்கு சருமத்தில் எரிச்சல் மற்றும் வறட்சி ஏற்படலாம். எனினும், ஆரம்ப காலத்தில் சிறிய அளவில் பயன்படுத்தி, காலப்போக்கில் அளவை அதிகரித்து பயன்படுத்துவதன் மூலமாக இதனை குறைக்கலாம்.

ரெட்டினால்களை பகல் நேரத்தில் பயன்படுத்தக்கூடாது : பெரும்பாலும், ரெட்டினால் சார்ந்த பொருட்களை இரவு நேரத்தில் பயன்படுத்த அறிவுறுத்தப்படுகிறது. இது சூரிய கதிர்களால் ஏற்படும் சேதத்தில் இருந்து சருமத்தை பாதுகாக்க உதவும். ஆயினும், நீங்கள் ஒரு பரந்த ஸ்பெக்ட்ரம் கொண்ட சன்ஸ்கிரீன் பயன்படுத்துகிறீர்கள் என்றால் தாராளமாக பகல் நேரத்தில் கூட நீங்கள் ரெட்னாலை பயன்படுத்தலாம்.

ரெட்டினால்களை பிற சரும பராமரிப்பு பொருட்களுடன் இணைத்து பயன்படுத்தலாம் : ரெட்டினால் சருமத்தில் சிறப்பாக செயல்பட்டாலும் அதனை அமிலங்கள் அல்லது பென்சாயில் பெராக்சைடு போன்ற பிற பொருட்களுடன் இணைத்து பயன்படுத்தும்பொழுது சரும எரிச்சல் உண்டாகலாம்.

ஆகையால், எந்த ஒரு செயலில் உள்ள பொருளை ரெட்டினாலுடன் சேர்த்து பயன்படுத்துவதற்கு முன் தோல் சிகிச்சை நிபுணரை சந்தித்து அவரது ஆலோசனையைப் பெறுவது மிகவும் அவசியம்.

இப்போது ரெட்டினால் பற்றிய ஒரு தெளிவான கண்ணோட்டத்தைப் பெற்றிருப்பீர்கள். எப்போதும் காலப்போக்கில் சொல்லப்படும் கட்டுக்கதைகளை நம்பாமல், அவற்றின் உண்மைத்தன்மையை அறிந்து கொள்வது பல விஷயங்களில் உங்களுக்கு உதவியாக இருக்கும்.