முகத்தில் உள்ள தேவையற்ற முடிகளை நிரந்தரமாக அகற்ற 8 வகை ஃபேஸ் பேக்!!

சருமத்தில் உள்ள தேவையற்ற முடிகளை அகற்றுவது என்பது பலருக்கும் இருக்கும் மிகப்பெரிய பிரச்சனைகளில் ஒன்று. அதற்காக நாம் செய்யாத காரியங்கள் இல்லை. ஆனாலும், அதற்கான நிரந்தர தீர்வு நமக்கு கிடைப்பதில்லை. தேவையற்ற முடிகள் என்றால், பெண்களின் கை - கால்கள், முகத்தில் உள்ள முடிகளை தேவையற்ற முடிகள் என அழைக்கிறோம். இந்த தேவையற்ற முடிகளை நிரந்தரமாக அகற்ற உதவும் சரும ஃபேஸ் பேக்குகள் சிலவற்றை பற்றி இந்த பதிவில் காணலாம்.

கொண்டைக்கடலை பேக் : 2 ஸ்பூன் கொண்டைக்கடலை பொடியுடன், 2 ஸ்பூன் மஞ்சள் மற்றும் போதுமான அளவு பால் சேர்த்து பேஸ்ட் போல் தயார் செய்யவும். பின் அதை தேவையற்ற முடிகளின் மீது அப்ளை செய்து 20 நிமிடங்களுக்கு உலர விட்டு பின்னர் சுத்தம் செய்யவும். வாரம் 2 முறை இவ்வாறு செய்ய நல்ல பலன் கிடைக்கும்.

பப்பாளியுடன் மஞ்சள் : நன்கு பழுத்த பப்பாளி பழ திப்பையுடன் (2 ஸ்பூன்) 1/2 ஸ்பூன் மஞ்சள் பொடி மற்றும் 5 ஸ்பூன் கற்றாழை ஜெல் சேர்த்து பேஸ்ட் போல் தயார் செய்து, தேவையற்ற முடிகளின் மீது தடவி 20 நிமிடங்களுக்கு உலர விடவும். பின் முடி வளரும் திசைக்கு எதிர் திசையில் இருந்து இந்த பேக்கினை தேய்த்து எடுக்கவும்.

தேனுடன் எலுமிச்சை : ஒரு முழு எலுமிச்சை பழத்தின் சாறுடன் ஒரு ஸ்பூன் சேர்த்து பேஸ்ட் போல் தயார் செய்து, தேவையாற்ற முடிகளின் மீது தடவி நன்கு உலர விட்டு, பின்னர், சுத்தம் செய்துவிடவும். வாரம் 2 முறை இவ்வாறு செய்து வர நல்ல மாற்றம் தெரியும்.

கடலை மாவு : 3 ஸ்பூன் கடலை மாவுடன், ஒரு ஸ்பூன் ரோஸ் வாட்டர் மற்றும் அரை ஸ்பூன் எலுமிச்சை சாறு சேர்த்து பேஸ்ட் போல் தயார் செய்து, தேவையற்ற முடிகளின் மீது தடவி 30 நிமிடங்களுக்கு உலர விடவும். பின் முடி வளரும் திசைக்கு எதிர் திசையில் இருந்து பேக்கை சுத்தம் செய்துவிட நல்ல பலன் கிடைக்கும்.

வாழைப்பழம் பேக் : நன்கு பழுத்த வாழைப்பழ திப்பையுடன் சம அளவு ஓட்ஸ் பொடி சேர்த்து பேஸ்ட் போல் தயார் செய்யவும். பின் இந்த சேர்மத்தை தேவையற்ற முடிகளின் மீது தடவி, 25 நிமிடங்களுக்கு உலர விட்டு பின்னர் சுத்தம் செய்துவிட நல்ல பலன் கிடைக்கும்.

அரிசி மாவு பேக் : 3 ஸ்பூன் அரிசி மாவுடன் 2 ஸ்பூன் பால் மற்றும் ஒரு ஸ்பூன் மஞ்சள் சேர்த்து கரைத்து, தேவையற்ற முடிகளின் மீது பயன்படுத்தி வரவும். வாரம் 3 முறை இவ்வாறு செய்து வர நல்ல பலன் கிடைக்கும்.

முட்டை மாஸ்க் : 2 ஸ்பூன் சர்க்கரையுடன் ஒரு ஸ்பூன் சோள மாவு மற்றும் ஒரு முட்டை கருவை சேர்த்து பேஸ்ட் போல் கரைத்து, தேவையற்ற முடிகளின் மீது தடவி 15 - 20 நிமிடங்களுக்கு உலர வைக்கவும். பின்னர் தண்ணீர் பயன்படுத்தாமல் இந்த பேக்கினை முழுவதுமாக அகற்றவும். வாரம் 2 முறை இவ்வாறு செய்ய நல்ல மாற்றம் தெரியும்.

லாவண்டர் எண்ணெய் : இரண்டு ஸ்பூன் லாவண்டர் எண்ணெயுடன் 8 சொட்டு டீ ட்ரீ எண்ணெய் சேர்த்து கலந்து, தேவையற்ற முடிகளின் மீது தினமும் இரண்டு வேளை பயன்படுத்தி வர, நல்ல மாற்றம் தெரியும்.