தீபாவளிக்கு மேக்அப் போட பிளான் வைத்திருக்கிறீர்களா..? அதற்கு முன் இதை படியுங்கள்

நாளை தீபாவளியைக் கொண்டாட நாடே காத்துக்கொண்டிருக்கிறது. குறிப்பாக இந்த தீபாவளிக்கு வீட்டை அலங்கரிப்பதே அங்கும் இங்குமாக சுற்றி வரும் பெண்கள்தான். அவர்களின் அழகு நிறைந்த முகம், மலர்ந்த புன்னகை என பாசிடிவிட்டியை நிரப்புவார்கள். இப்படி பெண்கள் தங்களை அலங்கரித்துக்கொள்ள மேக்அப் எப்படி அப்ளை செய்வது என்று பார்க்கலாம்.

மென்மையான முகத்திற்கு பிரைமர் : மேக்அப் அப்ளை செய்வதற்கான பேஸ் பிரைமர்தான். இதை முகம் முழுவதும் சீராக அப்ளை செய்வதால் அதன்பிறகு அப்ளை செய்யும் மேக்அப் பர்ஃபெக்டாக இருக்கும். எனவே பிரைமர் அப்ளை செய்யுங்கள்.

பொலிவு தரும் ஃபவுண்டேஷன் : பிரைமர் அப்ளை செய்தவுடன் முகத்திற்கு பளிச் பொலிவு தரும் ஃபவுண்டேஷன் அப்ளை செய்ய வேண்டும். உங்கள் சரும நிறத்திற்கு ஏற்ற ஃபவுண்டேஷன் வாங்கி அதில் பொட்டு அளவிற்கு ஃபவுண்டேஷன் எடுத்துக்கொண்டு முகம் முழுவதும் புள்ளிபோல் வைத்து பின் ஃபவுண்டேஷன் பிரஷ் அல்லது ஸ்பாஞ் கொண்டு ஒட்டி எடுங்கள். இதனால் சருமத்தில் சீராக பிளெண்டாகும். திட்டுகள் இல்லாமல் தடவுங்கள்.

ஜொலிக்கும் ஐ ஷாடோ : ஃபெஸ்டிவல் லுக் என்றாலே ஐஷாடோக்கள்தான் பிரதானம். அதன் மின்னும் கிளட்டரி தோற்றம்தான் ஃபெஸ்ட்வல் மூடை தரும். எனவே அணியும் உடைக்கு ஏற்ற அல்லது எதிர் நிறத்தில் ஐ ஷாடோ தேர்வு செய்யுங்கள். ஐ லைனர், மஸ்காரா, காஜல் போன்றவற்றை அப்ளை செய்யுங்கள்.

பேசும் புருவங்களுக்கு ஐப்ரோ : மேக்அப் அப்ளை செய்வதில் மற்றொரு சிறப்பு இந்த ஐப்ரோ மேக்அப்தான். புருவமே இல்லை என்றாலும் செயற்கையாக வரைந்து புருவங்களை போல்டாக காட்ட முடியும்.

நம்பிக்கை தரும் லிப்ஸ்டிக் : முகத்திற்கு தன்னம்பிக்கை தோற்றத்தை அளிப்பது லிப்ஸ்டிக்குகள்தான். எனவே பிரைட் நிறங்களில் அதாவது சிவப்பு, பிங்க் போன்ற நிறங்களை தேர்வு செய்து அப்ளை செய்யுங்கள்.

சிவக்கும் கண்ணங்களுக்கு பிளஷ் : கண்ணங்கள் சிவந்த மாதிரியான தோற்றத்தை அளிக்கக் கூடிய பிளஷ் அப்ளை செய்வது தற்போது மேக்அப் டிரெண்ட். எனவே புன்னகைக்கும்போது விரியும் கண்ணங்களில் பிளஷ் அப்ளை செய்யுங்கள்.