ஆண்களே உஷார்.! சோப்.. உள்ளாடை.. அந்தரங்க பகுதிக்கும் தேவை முக்கியத்துவம்!

நிச்சயமாக எல்லோருமே சிகை அலங்காரத்திற்கும், முக அலங்காரத்திற்கும் முக்கியத்துவம் கொடுப்போம் என்பதில் மாற்றுக் கருத்து இல்லை. அதிலும் ஆண்களின் முக அழகில் தாடி, மீசை ஆகியவை முக்கியத்துவம் பெறுவதால், இதற்கென தனிக்கவனம் எடுத்துக் கொள்பவர்கள் உண்டு.

முறுக்கிய மீசை, பிரெஞ்ச் பியர்ட், தாடியுடன் இணைக்கப்பட்ட மீசை என்று பல விதமான அலங்காரங்களை ஆண்கள் செய்து கொள்கின்றனர். அதே சமயம், ஆண்களின் அந்தரங்க பகுதிகளான தொடை, பின்பக்கம் போன்றவற்றின் மீது அனேக நபர்கள் கவனம் செலுத்தியிருக்க வாய்ப்பில்லை.

இந்தப் பகுதிகள் எப்போதும் வெளியே தெரியப் போவதில்லை என்ற அலட்சியம் காரணமாக இதன் மீது பலரும் கவனம் செலுத்தாமல் இருக்கலாம். அதே சமயம், உச்சி முதல் உள்ளங்கால் வரையில் உடல் முழுவதுமாக அழகாக காட்சியளிக்க வேண்டும் என்று நினைக்கின்ற ஆண்களும் உண்டு.

குறிப்பாக பாடிபில்டிங் செய்யக் கூடிய ஆண்களுக்கு முகத்தை போலவே உடலின் மற்ற பகுதிகளும் பொலிவுடன் காட்சியளிக்க வேண்டிய கட்டாயம் இருக்கிறது. தொடைப்பகுதிகள் மிகக் கருமையாக இருக்கும் பட்சத்தில் பார்ப்பவர்களுக்கு முகம் சுளிக்க வைப்பதாக அமைந்து விடும். ஆகவே, ஒரு சில ஆண்கள் தொடை அழகு, பின்பக்க அழகு மீதும் கவனம் செலுத்துகின்றார்கள் என்றாலும் கூட, அனேக நபர்களுக்கு இதில் வெற்றி கிடைப்பதில்லை. ஆக, உங்கள் அந்தரங்க அழகை மேம்படுத்துவதற்கான ரகசிய ஆலோசனைங்கள் இதோ.

நிறம் இயல்பானது தான் : பின்பக்கத்திலும், தொடைகளிலும் சருமம் சற்று கருமையாக காட்சியளிப்பது இயல்பான விஷயம் தான். சருமம் ஆரோக்கியமாக இருந்தாலே போதுமானது. இருப்பினும் தனிப்பட்ட ஆசையின் காரணமாகவோ அல்லது பாடி பில்டிங், மாடலிங் போன்ற தொழில்களில் இருப்பதாலோ அந்தரங்க அழகை மேம்படுத்த நினைப்பவர்கள் பின்வரும் ஆலோசனைகளை பின்பற்றலாம்.

சௌகரியமான உள்ளாடை : பெரும்பாலான ஆண்கள் இறுக்கமான உள்ளாடைகளை அணிகின்றனர். உள்ளாடையின் இறுக்கமாக இருப்பதால் ஏற்படும் உராய்வு காரணமாக நமது சருமத்தின் நிறம் கருமையாக மாறுகிறது. மேலும் காற்றோட்டம் இல்லாமல் இருப்பதும் ஒரு காரணமாகவும். டிரவுசர் மாடல் உள்ளாடைகளை தேர்வு செய்தால் சௌகரியமாக இருக்கும்.

ஸ்கிரப்பர் பயன்படுத்த வேண்டாம் : குளிக்கும்போது பலரும் அந்தரங்க பகுதிகளில் அழுக்கை நீக்குவதற்கு ஸ்கிரப்பர் பயன்படுத்துகின்றனர். இது உராய்வை ஏற்படுத்தும். சில சமயம் புண் வரலாம். ஆகவே கைகளால் சோப்பு அப்ளை செய்யவும். தேவைப்பட்டால் கிளீனைசர் பயன்படுத்தலாம்.

லேசர் சிகிச்சை : உங்கள் சருமம் உண்மையிலேயே மிக கருமையாக இருந்தால் மட்டும் இந்த சிகிச்சையை எடுத்துக் கொள்ளலாம். பின்பக்கம் மற்றும் தொடைகளின் சருமத்தை உடனடியாக வெள்ளையாக மாற்றக் கூடிய தொழில் நேர்த்தி மிகுந்த சிகிச்சை முறைகள் தற்போது பிரபலமாக உள்ளன. இது தவிர சருமத்தின் நிறத்தை மாற்றக் கூடிய க்ரீம் அல்லது எண்ணெய் பயன்படுத்தலாம். வாரம் ஒருமுறை பப்பாளி, ஆரஞ்சு தோல் பவுடர், தயிர் சேர்த்த மாஸ்க் அப்ளை செய்து 20 நிமிடங்கள் கழித்து குளிக்கலாம்.