உதட்டில் உண்டாகும் சுருக்கங்களை நீக்க வேண்டுமா..? தினமும் இதை செய்யுங்கள்..!

உதடுகளில் கோடுகள் இருப்பது இயல்பான விஷயம். ஆனால், சிலரின் உதடுகளில் அளவுக்கு அதிகமான கொடுக்கல் அல்லது சுருக்கங்கள் காணப்படும். அவை, பார்ப்பதற்கு விசித்திரமாக காணப்படும். அவற்றை மறைக்க நாம் சில சமயங்களில் புது புது லிப்ஸ்டிக்-களை முயற்சிப்போம். ஆனால், இனி அவற்றை மறைக்க வேண்டாம். வீட்டில் இயல்பாக இருக்கும் சில பொருட்களை வைத்து, உதட்டில் உள்ள மென்கோடுகள் மற்றும் சுருக்கங்களை போக்கி மிருதுவான மற்றும் மென்மையான உதடுகள் பெற உதவும் சில எண்ணெய்கள் பற்றி இந்த பதிவில் பார்க்கலாம்.

தினமும் நீங்கள் குளித்த பின்னர், சிறிதளவு ஆலிவ் எண்ணெய் பயன்படுத்தி உங்கள் உதடுகளுக்கு தவறாது மசாஜ் செய்து வர உதடுகளில் காணப்படும் சுருக்கங்கள் மறையும். ஆலிவ் எண்ணெயில் உள்ள அமிலக்கூறுகள் உதட்டில் உள்ள சுருக்கங்களை குறைக்க பெரிதும் உதவும்.

அழற்சி மற்றும் பாக்டீரியா எதிர்ப்பு பண்பு கொண்ட தேங்காய் எண்ணெயினை உங்கள் உதட்டுக்கு (நாள் ஒன்றுக்கு 3 முறை) தடவி மிதமாக மசாஜ் செய்து வந்தால், உங்கள் உதடுகள் UV கதிர்களில் இருந்து பாதுகாக்கப்படுவதோடு மிருதுவகவும் பொலிவாகவும் காணப்படும்.

ஆமணக்கு எண்ணெய் உண்மையில் ஒரு இயற்கை மாஸ்சரைஸர். அந்த வகையில், ஆமணக்கு எண்ணெயினை உங்கள் உதடுகளுக்கு தவறாமல் (மேற்பூச்சாக) பயன்படுத்தி வர உதடுகளின் மீதுள்ள மென் கோடுகள் மறையும்.

சரும ஆரோக்கியம் தொடர்பான பல பிரச்சனைகளுக்கு தீர்வு அளிக்கும் ஒரு இயற்கை மருந்தாக கற்றாழை உள்ளது. அந்த வகையில் இந்த கற்றாழை ஜெல்லினை எடுத்து உதடுகளுக்கு அவ்வப்போது மசாஜ் செய்து வர நல்ல பலன் கிடைக்கும்.

திராட்சை சாற்றில் போதுமான அளவு வைட்டமின் ஈ காணப்படுகிறது. அந்த வைட்டமின் ஆனது சரும அழற்சியை தடுப்பதோடு சருமத்தில் காணப்படும் சுருக்கங்கள் மற்றும் மென் கோடுகளையும் மறைக்கிறது.

ஒரு டீஸ்பூன் இலவங்கப்பட்டை பொடியை பாதாம் அல்லது ஜோஜோபா எண்ணெயில் கலக்கி ஒரு பாட்டிலில் சேமித்துவைக்கவும். இந்த எண்ணெய்-யை தினமும் இரவு தூங்க செல்லும் போது உதட்டில் உபயோகித்து வந்தால் நல்ல மாற்றம் தெரியும். உதடும் மென்மையாக மாறும்.

சருமத்தில் காணப்படும் இறந்த செல்களை முழுவதுமாக அகற்றும் பண்பு சர்க்கரைக்கு உள்ளது. அந்த வகையில் போதுமான அளவு சர்க்கரையுடன் ஆலிவ் எண்ணெய் சிறிதளவு சேர்த்து ஸ்க்ரப் போல் தயார் செய்து உதடுகளுக்கு பயன்படுத்த நல்ல பலன் கிடைக்கும்.

சிட்ரஸ் பழமான எலுமிச்சையில் போதுமான அளவு வைட்டமின் சி காணப்படுகிறது. இந்த வைட்டமின் ஆனது, சருமத்துளைகளில் அடைந்திருக்கும் இறந்த செல்களை வெளியேற்றி பொலிவான, மிருதவான உதடுகள் பெற உதவுகிறது.

அன்னாசி பழ சாற்றில் வைட்டமின் சி மற்றும் ப்ரோமெலைன் காணப்படுகிறது. இவை இரண்டும் இறந்த திசுக்களை அகற்றி, புதிய திசுக்களின் உருவாக்கத்திற்கு உதவுகிறது. அந்த வகையில் உதடுகளின் சுருக்கங்களை மறைக்க இது உதவுகிறது.