சுட்டெரிக்கும் வெயிலில் வெளியே செல்லும் முன் உங்கள் பையில் இதெல்லாம் இருக்கா செக் பண்ணிக்கோங்க...

வெயிலில் அதிகம் பயணிப்பவர்கள் கட்டாயம் தங்களுடைய சருமத்தைக் கூடுதலாகப் பாதுகாப்பது அவசியம். வெயிலால் ஏற்படும் சரும பாதிப்புகளைத் தவிர்க்க அவ்வப்போது பயன்படுத்துக் கொள்ள சில சருமப் பொருட்களை உங்கள் பையில் வைத்துக் கொள்ளுங்கள். அப்படி என்னென்ன பொருட்கள் இருக்க வேண்டும் எனப் பார்க்கலாம்.

சன்ஸ்கிரீன் : சன் ஸ்கிரீன் சூரியக் கதிர்களை நேரடியாகச் சருமத்தில் அண்ட விடாமல் பாதுகாக்கிறது. அதுமட்டுமல்லாமல் காற்று மாசுபாட்டால் ஏற்படும் பிரச்சினைகளைத் தவிர்க்கவும் இது உதவுகிறது. அதனால் உங்கள் சருமத்திற்கு ஏற்ப SPF தேர்வு செய்து வாங்குங்கள்.வெயிலில் வியர்வையால் சன்ஸ்கிரீன் கலைந்து விட்டாலோ ரெஃப்ரெஷிற்காக முகம் கழுவியிருந்தாலோ சன்ஸ்கிரீன் அழியும் பட்சத்தில் மீண்டும் அப்ளை செய்ய எப்போதும் உடன் வைத்துக் கொள்ளுங்கள்.

வைப்ஸ் : வைப்ஸ் க்ளென்ஸிங் போன்றது. அதே சமயம் சருமத்தை வறட்சி அடையச் செய்யாமல் ஹைட்ரேட்டாக வைத்துக் கொள்ளும். சோர்வாக உணர்ந்தால், மாசுகளால் ஏற்பட்ட தூசிகளை அகற்ற ஈரமாக இருக்கக் கூடிய வைப்ஸை எடுத்து முகம் முழுவதும் துடைத்துக் கொண்டால் முகம் புத்துணர்ச்சி அடையும். தற்போது அவை பல வாசனைகளைக் கொண்டும் வருகின்றன.

அண்டர் ஆர்ம் க்ரீம் : வெயிலில் முதலில் வியர்வை வருவது அக்குள்தான். அதன் துர்நாற்றம் மற்றவர்களை முகம் சுழிக்கச் செய்யலாம். இதுபோன்ற சங்கடங்களைத் தவிர்க அண்டர் ஆர்ம் க்ரீம்களை உடன் வைத்துக் கொள்ளுங்கள். தேவைப்படும்போது, வெளியே செல்லும்போது பயன்படுத்திக் கொள்ளுங்கள்.

டோனர் : டோனர் முகத்தில் ஏற்படும் வறட்சியைக் கட்டுப்படுத்தும். இது தற்போது ஸ்பிரே வகைகளிலும் கிடைக்கின்றன. முகத்தில் ஒரு ஸ்ப்ரே அடித்துத் துடைத்தால் போதும் முகத்தில் ஈரப்பதம் நிலைத்திருக்கும்.

லிப் பாம் : வெயில் நாட்களில் உதடுகள் எளிதில் வறட்சி அடையக் கூடும். இதனால் வெடிப்புகள் உண்டாகி ரத்தக் கசிவுகள் ஏற்படும். இவற்றைக் குறைக்க லிப் பாமை அடிக்கடி தடவிக் கொள்ளுங்கள். உதட்டில் ஈரப்பதம் எப்போதும் நிலைத்திருக்கும்.