Hair Loss : தலைமுடி அளவுக்கு அதிகமாக கொட்டுகிறதா..? அப்போ உங்களுக்கு தேவை முருங்கையிலை ஹேர் பேக்..!

பெண்கள் அழகு சார்ந்து அதிகம் கவலைப்படும் விஷயங்களில் தலைமுடியும் ஒன்று. தலைமுடி உதிர்வதால் மன அழுத்தத்திற்கு கூட ஆளாவார்கள் என ஆய்வுகள் கூறுகின்றன. அந்த அளவிற்கு பார்த்து பார்த்து வளர்த்த தலைமுடி கொட்டும்போது நிச்சயம் பெண்களுக்கு வருத்தம் எழுவது எதார்த்தம்தான்.

அப்படி உதிரும் முடிகளை கட்டுப்படுத்தி போதும் போதும் என்று சொல்லும் அளவிற்கு முடி வளர்ச்சியை தூண்டும் சக்தி முருங்கை இலைகளுக்கு உண்டு. முருங்கை இலையில் இருக்கும் நோய் எதிர்ப்பு சக்தி உள்ளிட்ட ஊட்டச்சத்துகள் உட்புற உறுப்புகளை மட்டுமன்றி வெளிப்புற மேனி பாதுகாப்பிற்கும் உதவுகிறது. அந்த வகையில் முருங்கை இலையில் தலைமுடியை எப்படி எல்லாம் பராமரிக்கலாம் என்று பார்க்கலாம்.

முருங்கை இலை ஹேர் பேக் : முருங்கை இலை அரை கப், பாதாம் 2 ஸ்பூன், கற்றாழை 1 ஸ்பூன் இவை அனைத்தையும் மிக்ஸியில் போட்டு மைய அரைத்துக்கொள்ளுங்கள். பின் தலைமுடியின் வேரில் மட்டும் படும்படி தடவி மசாஜ் செய்யுங்கள். அரை மணி நேரம் கழித்து எப்போதும்போல் தலைக்கு குளித்துவிடுங்கள்.

முடிக்கு ஊட்டச்சத்து தரும் பேக் : முருங்கை கீரை அரை கப் , நெய் 2 ஸ்பூன், கற்றாழை 1 ஸ்பூன் இவை அனைத்தையும் மிஸியில் மைய அரைத்து வேரில் படும்படி தடவி ஊற வையுங்கள். அரை மணி நேரம் கழித்து குளிக்க முடிக்கு ஊட்டச்சத்து கிடைக்கும்.

வேர்கள் மற்றும் முடி சேதத்தை தடுக்கும் பேக் : முருங்கைக்கீரை அரை கப்,1 வாழைப்பழம், 1 ஸ்பூன் ஆலிவ் எண்ணெய் ஆகியவற்றை சேர்த்து மைய அரைத்துக்கொள்ளுங்கள். அதை தலையில் தேய்த்து மசாஜ் செய்து அரை மணி நேரம் கழித்து எப்போதும் போல் தலைக்கு குளித்துவிடுங்கள்.