முகத்தில் எக்கச்சக்கமா முகப்பரு வருதா?.. அப்போ இந்த பழங்களை சாப்பிடுங்கள்..!

நம்மில் பலர் எதிர்கொள்ளும் இயல்பான சரும பிரச்சனைகளில் முகப்பருக்களும் ஒன்று. நமக்கு பிடித்த நடிகையின் புகைப்படத்தை பார்க்கும் போது, நாம் அனைவரும் நினைத்திருப்போம் எப்படி இவர்களின் சருமம் மட்டும் இவ்வளவு பளபளப்புடன் மென்மையாக இருக்கிறது என்று. அதற்கு நீங்கள் செய்ய வேண்டியது எல்லாம், ஒன்றே ஒன்று தான். ஆரோக்கியமான உணவுகள் மற்றும் பழங்களை எடுத்துக்கொள்வது. சருமத்தின் அதிகப்படியான எண்ணெய்ப்பசை, கிருமி தொற்று போன்ற பல காரணங்களால் முகத்தில் பருக்கள் அதிகம் தோன்றுகின்றன. இந்த பருக்களை குறைக்க உதவும் உணவு பொருட்கள் பற்றி இந்த பதிவில் நாம் காணலாம்.

ஆப்பிள் பழத்தில் அதிகளவு பெக்டின் காணப்படுகிறது. இந்த பெக்டின் சரும தடிப்புகளை குணப்படுத்துவதோடு, கிருமி தொற்றுகளால் சருமத்தில் ஏற்படும் பருக்களையும் கட்டுப்படுத்த உதவுகிறது.

முந்திரி, திராட்சை, பிஸ்தா, பாதாம் போன்ற உலர் பழங்கள், செலினியத்தின் சிறந்த மூலமாக உள்ளது. இவை, சருமத்தை பாதிக்கும் புற ஊதா கதிர்களில் இருந்து பாதுகாப்பதோடு, சரும தடிப்புகள் மற்றும் பருக்களையும் தடுக்கிறது.

வால்நட் பருப்புகளை தவறாமல் நம் உணவு வழக்கத்தில் சேர்த்துக்கொள்ள, சருமம் மென்மையடைகிறது. இந்த வால்நட் பருப்பில் காணப்படும் லினோலிக் அமிலம், சருமத்தின் சட்டமைப்பை பராமரிக்க உதவுவதோடு, சருமத்தில் உண்டாகும் பருக்களையும் தடுக்கிறது.

பாக்டீரியா எதிர்ப்பு பண்பு கொண்ட தயிர், சருமத்தில் உள்ள மாசுக்களை ஆழ்ந்து சுத்தம் செய்யும் பண்பு கொண்டது. அந்த வகையில் இந்த தயிரினை தவறாமல் எடுத்துக்கொள்ள சருத்தில் காணப்படும் அதிகப்படியான பருக்கள் குறையும்.

புளு பெர்ரி, ஸ்ட்ரா பெர்ரி உட்பட பெர்ரி வகை அனைத்தும் பைட்டோ கெமிக்கல் நிறைந்த பழங்களாக உள்ளன. சரும பாதுகாப்பிற்கு பெரிதும் உதவும் இந்த பழங்கள் சருமத்தில் காணப்படும் பருக்களையும் தடுக்கிறது.

சிவப்பு மற்றும் மஞ்சள் நிற காய்கறிகள் யாவும் சரும ஆரோக்கியத்தை காக்கும் உணவு பொருட்கள் ஆகும். அந்த வகையில் கேரட், சர்க்கரை வள்ளி கிழங்கு, சர்க்கரை பாதாமி போன்ற பழங்களை தொடர்ந்து சாப்பிட்டு வர பருக்கள் குறையும்.

சரும ஆரோக்கியத்திற்கு உதவும் வைட்டமின் ஏ, வைட்டமின் பி மற்றும் வைட்டமின் சி இந்த தர்பூசணி பழத்தில் அதிகம் காணப்படுகிறது. அந்த வகையில் இந்த பழம் சரும வறட்சி, வெடிப்புகள் மற்றும் பருக்கள் போன்ற பிரச்சனைகளை தீர்க்க உதவுகிறது.

பூசணி விதையில் குக்குர்பிடசின் எனப்படும் அமினோ அமிலம் காணப்படுகிறது. மேலும் இதில் காணப்படும் வைட்டமின் ஈ மற்றும் கரோட்டினாய்டுகள் சருமத்துளைகளில் உள்ள மாச்சுகளை அகற்றி, பருக்கள் பிரச்சனையை தடுக்கிறது.