ஆரஞ்சு தோல் உங்கள் அழகைப் பராமரிக்க இத்தனை செய்யுமா..? நீங்களும் டிரை பண்ணுங்கள்...

ஆரஞ்சு பழம் இயற்கையாகவே உடலுக்கு பலவகையான நன்மைகளைக் கொண்டுள்ளது. குறிப்பாக அதன் பலமே விட்டமின் சி தான். ஆனால் அது பழத்தைக் காட்டிலும் தோலில்தான் அதிகம் இருப்பதாக கூறப்படுகிறது. ஆனால் அதன் கசப்புத் தன்மையால் சாப்பிட முடியாது. இருந்தாலும் அதை வேஸ்ட் செய்யாமல் இப்படி அழகுப் பராமரிப்பிற்கு பயன்படுத்தலாம்.

ஆரஞ்சு தோல் பொடி நன்மைகள் : ஆரஞ்சு தோலின் முன்பே சொன்னது போல் வைட்டமின் சி நிறைவாக உள்ளது. அதோடு முகத்தை பிரகாசிக்கச் செய்யும் ஆற்றலும், இளமையுடன் வைத்துக்கொள்ளும் சக்தியும் உண்டு. முகப்பரு, கீரல், பரு தடையங்கள், திட்டுக்கள் என முகத்தில் எது இருந்தாலும் நீக்கிவிடும். ஆண்டி ஆக்ஸிடண்ட் இருப்பதால் கிருமிகள், இறந்த செல்களால் சரும சேதாரத்தையும் தடுக்கும்.

எப்படி பொடி செய்ய வேண்டும் : ஆரஞ்சு தோலை அதன் ஈரப்பதம் போக காய வைத்துக்கொள்ளுங்கள். வெயில் படும்படி அல்லாமல் வீட்டிலேயே காய வையுங்கள். பின் அதை மிக்ஸியில் போட்டு மைய அரைத்து பொடியாக்கிக்கொள்ளுங்கள். பின் அதை ஒரு டப்பாவில் போட்டு தேவைப்படும்போது பயன்படுத்துங்கள்.

இன்ஸ்டட்ண்ட் பொலிவுக்கு 2 tbsp ஆரஞ்சு தோல் பொடி, 1 tbsp ஆப்பில் சிடர் வினிகர் மற்றும் தேன் சேர்த்து கலந்துகொள்ளுங்கள். பின் முகத்தில் அப்ளை செய்து 15 நிமிடங்கள் கழித்து கழுவுங்கள்.

1 tbsp ஆரஞ்சு தோல் பொடி , சிட்டிகை மஞ்சள் பொடி மற்றும் 1 tbsp தேன் சேர்த்து கலந்துகொள்ளுங்கள். பின் முகத்தில் அப்ளை செய்து காய்ந்ததும் கழுவிவிடுங்கள்.

தயிர் அல்லது பால் 2 tbsp எடுத்துக்கொள்ளுங்கள். பின் 1 tbsp ஆரஞ்சு தோல் பொடி சேர்த்து பேஸ்டாக கலந்துகொண்டு முகத்தில் அப்ளை செய்யுங்கள்.

ஆரஞ்சு தோல் பொடியை 1 tbsp எடுத்துக்கொள்ளுங்கள். அதோடு 1 tbsp முல்தானி மிட்டி மற்றும் ரோஸ் வாட்டர் சேர்த்து மிக்ஸ் செய்து அப்ளை செய்யுங்கள்.