அனுஷ்கா ஷர்மா குழந்தை பெற்ற பிறகும் இளமையாக இருக்க இந்த ஹெர்பல் பேக்தான் காரணமாம்..!

பாலிவுட்டில் நடிகை, தயாரிப்பாளர் என கலக்கி வருபவர் அனுஷ்கா சர்மா. கிரிக்கெட்டில் பட்டையைக் கிளப்பும் இந்திய அணியின் வீரரான விராத் கோஹ்லியை மயக்கிய பேரழகி. திருமணமாகி குழந்தை பெற்ற பிறகும் உடல் எடையை கடுமையான டயட் முறைகள் மூலமாக பராமரித்து வரும் அனுஷ்கா சர்மா, முகத்தை பிரகாசத்துடன் பராமரிக்க எப்போதும் இயற்கையான பொருட்களை மட்டுமே நம்பி இருக்கிறார்.

பெண்களே பொறாமைப்படும் பேரழகி என ரசிகர்கள் வர்ணிக்கும் அளவிற்கு பளீச் அழகுடன் வளம் வருகிறார். திரையிலும், வெளியிலும் எப்போதுமே பிரகாசமான ஜொலி ஜொலிப்புடன் வளம் வரும் அனுஷ்கா சர்மாவின் பியூட்டி சீக்ரெட், மாத இதழ் ஒன்றிற்கு அவர் அளித்த பேட்டி மூலமாக வெளிவந்துள்ளது.

அந்த பேட்டியில் அனுஷ்கா சர்மா, தான் எப்போதுமே வீட்டில் எளிமையாக கிடைக்கும் பொருட்களை கொண்டு தயாரிக்கப்படும் ஃபேஸ் பேக்கை தான் அப்ளே செய்வேன் என கூறியுள்ளார். அனுஷ்கா சர்மா போல் ஜொலி, ஜொலிக்கும் அழகை பெற விரும்பும் பெண்களுக்காக அவரது பியூட்டி சீக்ரெட்டை உங்களுடன் பகிர்ந்து கொள்ளப்போகிறோம்.

அனுஷ்கா சர்மா பயன்படுத்தும் ஃபேஸ் பேக்கை தயாரிக்க, கையளவு வேப்பிலை இலைகள் அல்லது இரண்டு ஸ்பூன் வேப்பிலை பவுடர் எடுத்துக்கொள்ளுங்கள். அத்துடன் ஒரு ஸ்பூன் தயிர் , ஒரு ஸ்பூன் ரோஸ் வாட்டர், சிறிதளவு பால் எடுத்துக்கொள்ளுங்கள்.

வேப்பிலை பவுடருக்கு பதிலாக நீங்கள் பச்சையான வேப்பிலைகளை பயன்படுத்துவதாக இருந்தால், அதனை நன்றாக அரைத்துக்கொள்ள வேண்டும். அதில் தயிர், ரோஸ் வாட்டர், பால் போன்ற மற்ற பொருட்களையும் சேர்த்து கெட்டியான பேஸ்ட் பதத்திற்கு கலந்துகொள்ளுங்கள்.

அவ்வளவு தான் அனுஷ்கா சர்மா பயன்படுத்தும் ஃபேஸ் பேக் இப்போது உங்கள் கைகளுக்கும் வந்துவிட்டது. இந்த கலவையை முகத்தில் வழக்கமாக ஃபேஸ் பேக் அப்ளே செய்வது போல் பூசிக்கொள்ளுங்கள். அரை மணி நேரம் கழித்து குளிர்ந்த நீரில் முகத்தை கழுவினால் போதும், முகத்தில் மெல்ல மெல்ல பொலிவு எட்டிப்பார்க்க ஆரம்பிப்பதை நீங்கள் கண்கூடாக பார்க்கலாம்.

இந்த கலவையை அனுஷ்கா சர்மா வாரத்திற்கு இரண்டு முறை வீதம் பூசி வருகிறாராம். இந்த ஃபேஸ் பேக்கை பயன்படுத்துவதால் முகத்தில் உள்ள அழுக்கு, பருக்கள், கரும்புள்ளிகள், திட்டுகள் ஆகியவை நீக்குகிறது. சருமத்தில் உள்ள இறந்த செல்கள் நீக்கப்பட்டு, புது செல்கள் வளர உதவுகிறது.

வேப்பிலை கிருமிநாசினியாக பயன்படக்கூடியது இது முகத்தில் ஏற்படக்கூடிய பருக்கள், தழும்புகளும், வடுக்கள், அம்மை புண்கள், வெண்புள்ளிகள் ஆகியவற்றை குணப்படுத்தும் தன்மை கொண்டது. இந்த வேப்பிலை அனைத்து சருமத்தினருக்கும் ஏற்றது, எண்ணெய் சருமம் கொண்டவர்கள் 2 டீஸ்பூன் வேப்பிலை பொடியுடன் 4 டீஸ்பூன் கெட்டித்தயிர் கலந்து பயன்படுத்தலாம். வறண்ட சருமம் கொண்டவர்கள் வேப்பிலையுடன் தேன், நெய், வெண்ணெய் ஆகியவற்றில் ஏதாவது ஒன்றை கலந்து பயன்படுத்தலாம்.