மேக்கப் போடுவதில்லை... பீஸ்ட் நாயகி பூஜா ஹெக்டே அழகின் ரகசியம் இதுதானாம்..!

இந்தியாவின் முன்னணி நடிகைகளில் ஒருவராக அவதாரம் எடுத்துள்ளார் பூஜா ஹெக்டே. முக்கியமாக இந்த ஆண்டு வெளியான பீஸ்ட் திரைப்படத்தின் கதாநாயகியாக நடித்ததின் மூலம் தென்னிந்தியாவின் மிகவும் பேசப்படும் கதாநாயகிகளுள் ஒருவராக பூஜா ஹெக்டேவும் இடம் பெற்றுள்ளார். பார்ப்பதற்கு தேவதை போல் இருப்பதாகவும் ரசிகர்கள் பலர் பூஜா ஹெக்டேவை வர்ணித்து வருகின்றனர். இப்படி தேவதை போல் அழகாக இருக்கும் பூஜாவின் அழகிற்கான காரணங்கள் பற்றி பலருக்கும் தெரிந்திருக்க வாய்ப்புகள் இல்லை.

சரும பாதுகாப்பில் கவனம் : பூஜா ஹெக்டே இயற்கையாகவே அழகாக இருந்தாலும், தன்னுடைய சரும ஆரோக்கியத்தின் மீது அதிக கவனம் செலுத்தி வருகிறார். இதைத் தவிர உடலையும் கட்டுக்கோப்பாக வைத்துக் கொள்வதில் சிறப்பு கவனம் செலுத்துகிறார். இதன் காரணமாகவே பல கோடி ரசிகர்களை தனது அழகினால் கவர்ந்திழுத்துள்ளார்.

வீட்டில் தயாரித்த ஃபேஸ் பாக்குகள் : பூஜா ஹெக்டே தனது வீட்டிலேயே மஞ்சள் மற்றும் கிரீம் கொண்டு தயாரிக்கப்பட்ட ஃபேஸ் பேக்கை தினம் தோறும் பயன்படுத்தி வருகிறார். இதன் மூலம் அவரது சருமம் இயற்கையாகவே பொலிவுடன் காணப்படுகிறது. மேலும் வேதிப்பொருட்களை பயன்படுத்தாமல் இயற்கை பொருட்களை பயன்படுத்துவதன் மூலம் பக்க விளைவுகள் ஏற்படாமலும் பார்த்துக் கொள்கிறார்.

நெய் மற்றும் கார்போஹைட்ரேட்ஸ் : பூஜாவை பொறுத்தவரை எப்போதும் தனது உணவில் கார்போஹைட்ரேடுகள் மற்றும் நெய்யை சேர்த்துக் கொள்வார். இவை இரண்டும் தான் அவரது முகம் பளபளப்பாக இருப்பதற்கு காரணம் என்று கூறுகிறார்.

காலை நேர அழகின் ரகசியம் : தினந்தோறும் காலையில் தனது முகத்தை குளிர்ந்த நீரில் கழுவி, அதன் பிறகு தரமான மாய்சரைசர்களை பயன்படுத்துகிறார். இதன் மூலம சருமம்ஆரோக்கியமாக இருப்பதுடன், மென்மையாகவும் பிறந்த குழந்தையின் சருமத்தை போல் காட்சியளிக்கும்.

சன் ஸ்கிரீன் பயன்படுத்த தவறவில்லை : பூஜா ஹெக்டே எப்போதுமே வெளியே செல்லும்போது சன் ஸ்கிரீன் பயன்படுத்தாமல் சென்றதே கிடையாது. இதன் காரணமாக சூரியனின் புற ஊதாக் கதிர்களில் இருந்து சருமம் பாதிப்படைவது தடுக்கப்படுகிறது. மேலும் இயற்கையான நிறத்தில் சருமம் பளபளப்பாகவும் இருக்கிறது.

மேக்கப் போடுவதில்லை : பூஜா ஹெக்டே தனது சினிமா சூட்டிங் நேரங்களை தவிர மற்ற நேரங்களில் மேக்கப் போடுவது இல்லையாம். மேக்கப் போடும்போது அதில் உள்ள வேதிப்பொருட்களின் காரணமாக சருமம் வெகுவாக பாதிப்படையும் என்பது அனைவருக்கும் தெரிந்தது. இதன் காரணமாகவே பெரும்பாலான நேரங்களில் தனது இயற்கையான சரும பராமரிப்பு முறைகளை மட்டுமே அவர் மேற்கொண்டு வருகிறார்.

உணவு கட்டுப்பாடு : அசைவ பிரியராக இருந்தாலும் தனது உணவில் மிக அதிக அளவிலான காய்கறிகளை சேர்த்துக் கொள்கிறார். இதனால் சருமத்தின் ஆரோக்கியம் அதிகரிப்பதோடு மிக எளிதான செரிமானத்திற்கும் உதவுகிறது. இதைத் தவிர வைட்டமின்கள் அதிகம் நிறைந்துள்ள கடல் உணவு வகைகளை விரும்பி உட்கொள்கிறார்.