வீட்டில் இருக்கும் இந்த பொருட்களை வைத்து ஒரு மணி நேரத்தில் உங்கள் நரை முடியை கருப்பாக மாற்றலாம்..!

தற்போதைய இளைஞர்கள் மத்தியில் அதிகரிக்கும் பிரச்சனைகளில் ஒன்று இளநரை. அதை மறைக்க, நாம் ஹேர் டை பயன்படுத்துவோம். ஆனால், அதில் உள்ள கெமிக்கல் உடலுக்கு பல்வேறு தீமைகளை விளைவிக்கும் என்றாலும், வேறு வழி இல்லாமல் நாம் அதை உபயோகிக்கத்தான் செய்கிறோம். ஆனால், டைக்கு மாற்றாய் சில இயற்கையான பொருட்களை கொண்டு உங்கள் நரை முடியை வெள்ளையாக மாற்றலாம் என்பது உங்களுக்கு தெரியுமா?. வீட்டிலேயே எப்படி இயற்கையான பொருட்களை கொண்டு டை தயாரிக்கலாம் என பார்க்கலாம்.

நெல்லிக்காய் - மருதாணி : ஒரு கோப்பையில் 3 ஸ்பூன் நெல்லிக்காய் பொடி, அரை கப் மருதாணி பொடி, ஒரு ஸ்பூன் காபி பொடி ஆகியவற்றை சிறிதளவு தண்ணீருடன் சேர்த்து பேஸ்ட் போல் குழைத்து தலைக்கு தடவி 1 மணி நேரம் உலர விடவும். பின்னர் குளிர்ந்த நீரில் குளித்துவிட வெள்ளை முடிகள் மறையும்.

தேயிலை ஹேர் பேக் : ஒரு பாத்திரத்தில் ஒரு கப் தண்ணீருடன் 2 ஸ்பூன் தேயிலை சேர்த்து நன்கு கொதிக்க வைக்கவும். பின்னர் இந்த சேர்மத்தில் இருந்து தண்ணீரை வடிகட்டி தழைகளின் திப்பைகளை மட்டும் எடுத்து கூந்தலுக்கு தடவி 30 நிமிடங்கள் ஊற வைத்து பின்னர் தலைக்கு குளித்துவிட நல்ல மாற்றம் தெரியும்.

கறிவேப்பிலை ஹேர் மாஸ்க் : ஒரு கைப்பிடி கறிவேப்பிலையினை ஒரு மிக்ஸி ஜாரில் சேர்த்து பொடியாக அரைக்கவும். பின்னர் இதனுடன் 3 ஸ்பூன் தேங்காய் எண்ணெய் சேர்த்து கூந்தலுக்கு தடவி 1 மணி நேரம் ஊற வைத்து பின்னர் குளித்துவிட நல்ல மாற்றம் தெரியும்.

மருதாணி பேஸ்ட் : ஒரு கோப்பையில் சிறிதளவு தண்ணீருடன் 4 ஸ்பூன் மருதாணி பொடி சேர்த்து 8 மணி நேரத்திற்கு ஊற வைக்கவும். பின்னர் இதனுடன் 2 ஸ்பூன் தேயிலை பொடி, ஒரு ஸ்பூன் எலுமிச்சை சாறு, ஒரு ஸ்பூன் நெல்லிக்காய் பொடி சேர்த்து கலந்து கூந்தலுக்கு பயன்படுத்த நல்ல மாற்றம் தெரியும்.

உருளைக்கிழங்கு தோல் : ஒரு பாத்திரத்தில் 2 கப் தண்ணீருடன் 6 உருளைக்கிழங்கின் தோல் சேர்த்து கொதிக்க வைக்கவும். பின்னர் இதில் இருந்து தண்ணீரை மட்டும் வடிகட்டி தனியே சேமித்து வைத்துக்கொள்ளவும். பின்னர் குளிக்கும் போது தலைக்கு இந்த தண்ணீர் கொண்டு அலச நல்ல மாற்றம் தெரியும்.

தயிர் - மிளகு பேக் : ஒரு மிக்ஸி ஜாரில் ஒரு கப் தயிர் மற்றும் 2கிராம் அளவு கருப்பு மிளகு சேர்த்து நன்கு பேஸ்ட் போல் அரைக்கவும். பின்னர் இந்த சேர்மத்தை கூந்தலுக்கு பயன்படுத்தி மசாஜ் செய்து பின்னர் 1 மணி நேரம் கழித்து குளித்து விட நல்ல மாற்றம் தெரியும்.

வெந்தய விதைகள் : கால் கப் வெந்தய விதைகளுடன் அரை கப் தேங்காய் எண்ணெய் சேர்த்து பேஸ்ட் போல் அரைக்கவும். தொடர்ந்து இந்த பேஸ்டினை கூந்தலுக்கு தடவி மசாஜ் செய்து சுமார் 8 மணி நேரம் ஊற வைக்கவும். பின்னர் குளிர்ந்த நீரில் தலைக்கு குளித்துவிட நல்ல மாற்றம் தெரியும்.

காபி பவுடர் ஹேர் மாஸ்க் : அரை கப் ப்ரூ காபியுடன், ஒரு கப் கண்டிஷனர் சேர்த்து நன்றாக கலக்கி கொள்ளவும். தலைக்கு குளிப்பதற்கு ஒரு மணி நேரத்திற்கு முன் இந்த கலவையை உங்கள் தலையில் அப்ளை செய்து ஷவர் கேப் பயன்படுத்தி உங்கள் தலையை மூடி வைக்கவும். பின்னர், வெது வெதுப்பான நீரால் உங்கள் தலை முடியை சுத்தம் செய்தால் நல்ல மாற்றத்தை காணலாம்.