கோடை காலத்தில் முகத்தில் எண்ணெய் வழிகிறதா? உங்களுக்கான 10 ஸ்கின்கேர் டிப்ஸ்..

இளம் பெண்கள் சந்திக்கும் சரும பிரச்சனைகளில் எண்ணெய் பசை சருமம் முதன்மையானது ஆகும். உங்கள் சருமம் சற்று எண்ணெய் அல்லது அதிக எண்ணெய் பசையாக இருப்பதால் எந்த பிரச்சனையும் இல்லை. ஏனெனில் நார்மலாகவே சருமம் ஒவ்வொரு பருவநிலை மாற்றத்தின் போதும், முகப்பரு அதிகரிப்பு, தோல் துளைகள் அடைபடுவதால் கரும்புள்ளிகள் மற்றும் உங்கள் முகத்தில் க்ரீஸ் பூசுவதால் போன்ற பிரச்சனைகளுக்கு ஆளாவது இயல்பானது.

வறண்ட சருமத்துடன் ஒப்பிடும்போது எண்ணெய் அல்லது கலவையான சருமம் கொண்டவர்களின் தோலுக்கு மெதுவாக வயதாகிறது. ஏனென்றால், எண்ணெய் (செபாசியஸ்) சுரப்பிகளால் உற்பத்தி செய்யப்படும் எண்ணெய் (செபம்) சருமத்தை உயிருட்டுவதாகவும், ஊட்டமளிக்கவும், ஈரப்பதமாகவும் வைத்திருக்கவும் உதவுகிறது.

சருமத்தில் எண்ணெய் பசை அதிகரிக்க பல காரணங்கள் உள்ளன. உங்கள் சருமத்தை மென்மையாகவும் ஈரப்பதமாகவும் வைத்திருக்க செபாசியஸ் சுரப்பிகள் எண்ணெய்யை உற்பத்தி செய்கின்றன. அதிகப்படியான எண்ணெய் உற்பத்தியாகும்போது, ​​சருமம் எண்ணெய் பசையாகத் தோன்றும், மேலும் இந்த எண்ணெய் பசை சருமம் முகப்பரு மற்றும் பிற தோல் பிரச்சனைகளுக்கும் வழிவகுக்கும்.

எண்ணெய் சருமத்திற்கு ஹார்மோன்கள் மற்றும் மரபியல் காரணங்களும் முக்கிய காரணிகளாக இருக்கலாம். செபாசியஸ் சுரப்பிகள் வயதுக்கு ஏற்ப முதிர்ச்சியடையும் போது, ​​தோல் அடுக்கில் எண்ணெய் உற்பத்தி அதிகரிக்கிறது, மேலும் உடலில் ஆண்ட்ரோஜன்கள் அதிகமாக இருப்பதால், சருமத் துளைகள் வழியாக அதிக எண்ணெய் வெளியேற்றப்படுகிறது. இந்த எண்ணெய் தோல் அடுக்கின் மேற்பரப்பில் பரவி அதனை எண்ணெய் பசை மிக்கதாக மாற்றுகிறது.

சில சமயங்களில் அதிகப்படியான எண்ணெய் சரும துளைகளில் சிக்கி, இறந்த சரும செல்கள் மற்றும் பாக்டீரியாக்களுடன் இணைந்து பருக்களை உருவாக்குகிறது. உங்கள் எண்ணெய் சருமத்தை குணப்படுத்த நீங்கள் செய்யக்கூடிய பல விஷயங்கள் உள்ளன. உங்கள் சருமத்தில் சீரற்ற கெமிக்கல் தயாரிப்புகளை பயன்படுத்துவதை தவிர்க்கவும், இது உங்கள் சரும பிரச்சனைகளை மேலும் மோசமாக்கலாம் மற்றும் எண்ணெய் சருமத்திற்கான நன்கு சோதிக்கப்பட்ட நம்பிக்கையான தயாரிப்புகளை பயன்படுத்தவும்.எண்ணெய் பிசுபிசுப்பால் பொலிவிழக்கும் சருமத்தை மீட்பதற்கான சில குறிப்புகள் கீழே கொடுக்கப்பட்டுள்ளன.

1. சருமத்தில் உள்ள அதிகப்படியான எண்ணெயைக் கட்டுப்படுத்த, அதனை எப்போதும் சுத்தமாக வைத்திருக்க வேண்டும். உங்கள் முகத்தை தினமும் இரண்டு அல்லது மூன்று முறை சுத்தம் செய்யவும், இதனால் தேங்கியிருக்கும் அழுக்குகள் மற்றும் எண்ணெய் தேங்கியிருக்கும் துளைகள், முகப்பரு போன்ற பிரச்சனைகள் குறையும்.

2. நீங்கள் பல்வேறு தோல் பிரச்சனைகளை சமாளிக்க விரும்பினால் மட்டுமே சீரம் பயன்படுத்தவும். உங்கள் சருமம் நீரிழப்புடன் இருப்பதாக உணர்ந்தால், ஸ்கின் கேர் வழக்கத்தில் ஹைட்ரேட்டிங் சீரம் பயன்படுத்தவும்; பிரகாசமான மற்றும் வயதான தோற்றத்தை தவிர்க்க பிரகாசமான மற்றும் எனிஜிங் எதிர்ப்பு பண்புகள் கொண்ட சீரத்தை பயன்படுத்தவும்.

3. எண்ணெய் பசை சருமத்தை வாரத்திற்கு ஒரு முறை அல்லது இரண்டு முறை எக்ஸ்போலியேட் செய்யயும். இதன் மூலம் தோல் அடுக்கில் உற்பத்தியாகும் அதிகப்படியான சருமம், மேற்பரப்பில் உள்ள இறந்த சரும செல்கள் அகற்றப்படும். இதனால் பருக்கள், முகப்பரு, வெள்ளை புள்ளிகள் மற்றும் கரும்புள்ளிகள் ஏற்படுவது தடுக்கப்படுகிறது.

4. எண்ணெய் சருமத்திற்கு நல்ல ஈரப்பதம் மற்றும் நீரேற்றம் தேவை. சருமத்திற்கு ஈரப்பதம் தேவைப்படும் போது, செபாசியஸ் சுரப்பிகளை ஈடுசெய்ய அதிக எண்ணெயை உற்பத்தி செய்ய ஊக்குவிக்கும். எனவே எண்ணெய் இல்லாத, காமெடோஜெனிக் அல்லாத, நீர் சார்ந்த மாய்ஸ்சரைசரை உங்கள் சருமத்தில் தவறாமல் தடவவும்.

5. மேக்கப் செய்யும் போது, ​​எப்போதும் ப்ரைமரைப் பயன்படுத்துங்கள், இது சருமத்தில் எண்ணெய் பசையை கட்டுக்குள் வைத்திருக்க உதவுகிறது. இது உங்கள் மேக்கப்பை அதிக நேரம் வைத்திருக்கும்.

6. கிட்டத்தட்ட தினந்தோறும் ஆல்கஹால் இல்லாத டோனரைப் பயன்படுத்தலாம். தினமும் ஒரு டோனரைப் பயன்படுத்துவது அதிகப்படியான எண்ணெய்யை அகற்றவும், உங்கள் சருமத்தில் உள்ள அழுக்குகளை வெளியேற்றவும் உதவும்.

7. வாரத்திற்கு ஒருமுறையாவது பேஸ் மாஸ்க் அல்லது பேஷியல் போன்றவற்றை முயற்சிக்கவும். எண்ணெய் பசை சருமத்திற்கு சார்கோல் (கரி) அல்லது மொராக்கோ களிமண் பேஸ் பேக் சிறந்தது ஆகும்.

8. பகல் நேரத்தில் வெளியே செல்லும் போது சன்ஸ்கிரீன் போட்டுக்கொள்வது வெயிலால் சருமம் எண்ணெய் பசையாவதை தடுக்க உதவுகிறது. தோலில் இருந்து எண்ணெய்யை உறிஞ்சும் துத்தநாகம் அல்லது டைட்டானியம் டை ஆக்சைடு அடிப்படையாக கொண்ட தயாரிப்பை எப்போதும் பயன்படுத்தவும்.

9. ஒருபோதும் மேக்கப்பை போட்டுக்கொண்டு தூங்காதீர்கள். இது சருமத்தின் துளைகளை அடைத்து உங்கள் மற்ற சரும பிரச்சனைகளை அதிகரிக்கும்.

10. சருமத்தை எக்ஸ்பாலியேஷன் செய்த பிறகு கட்டாயம் பேஸ் மாஸ்க் அணியவும். வாரத்திற்கு இரண்டு அல்லது மூன்று முறையாவது இதனை செய்ய வேண்டும். கயோலின் மற்றும் பெண்டோனைட் களிமண், சந்தனம் மற்றும் முல்தானி மெட்டி ஆகியவற்றைக் கொண்ட பேஸ் மாஸ்க் அணிவது சிறந்தது. இது சருமத்தில் உள்ள அதிகப்படியான எண்ணெய்யை உறிஞ்ச உதவுகிறது.