முதியவர்கள் நாய் வளர்க்க இந்த இனங்களை தேர்வு செய்யலாம்.. வாங்கி செல்ல உதவியாக இருக்கும்..!

நாய் மனிதர்களின் மிகச்சிறந்த கம்பானியன்! செல்லப்பிராணிகள் வளர்ப்பது வெகு சிலருக்கு மட்டுமே பிடிக்காது. மனிதர்களை விட பல மடங்கு அன்பை, பாசத்தைத் தருவதோடு, பாதுகாப்பையும் நாய்கள் வழங்கும். அந்த வகையில், வயதானவர்கள், தங்களுக்கு துணையாக மட்டுமின்றி, பாதுகாப்புக்கும் நாய்களை செல்லப்பிராணிகளாக வளர்க்கிறார்கள். முதியவர்கள் நாய்கள் வளர்க்க விரும்பினால், பின்வரும் பிரீட்களில் இருந்து தேர்வு செய்யலாம்.

கவாலியர் கிங் சார்லஸ் ஸ்பானியல் (cavalier king charles spaniel): ஸ்பானியல் என்ற பிரபலமான இனத்தின் மினியேச்சர் வெர்ஷன் தான் இந்த பிரீட். இதன் அதிகபட்ச எடையே எட்டு கிலோ தான். பார்க்க கியூட்டாக குட்டியாக துறுதுறுவென்று இருக்கும் இந்த குட்டியை ஹேண்டில் செய்வது சுலபம்.

ஃபிரெஞ்சு புல்டாக் (French bulldog) : இந்த பிரீட் நாய்களுக்கு நிறைய ஆற்றல் இருக்கிறது. எனவே, தினசரி கொஞ்ச நேரம் உடற்பயிற்சி / வாக்கிங், பந்து விளையாட்டு போன்றவை செய்தால் போதுமானது. முதியவர்கள் வாக்கிங் செல்ல, விளையாட சிறந்த துணையாக இருக்கும்.

கிரேஹவுண்ட்ஸ் ( Greyhounds) : ரேசிங் செல்லும் இனத்தை முதியவர்களுக்கு பொருத்தமான நாய்கள் என்ற பட்டியலில் இடம் பெறுவதைப் பார்த்து வியப்பாக இருக்கிறதா? தவறாமல் தினசரி வாக்கிங் செல்ல இந்த இனம் நல்ல துணையாக இருப்பதோடு மட்டுமல்லாமல், சோம்பேறியாக சோபாவில் கூட நாள் முழுவதும் அமர்ந்திருக்கும்.

மால்டீஸ்(Maltese) :  புஸுபுஸுசுவென்று இருக்கும் இந்த நாய் வகை, லாப் டாக்ஸ் என்று கூறப்படும், அதிகமாக கொஞ்சும், செல்லமாக வைத்து பார்த்துக் கொள்ள வேண்டிய ஒரு வகையாகும். குட்டியாக இருக்கும் இந்த நாயின் அதிகபட்ச இடையே 5 கிலோ தான். ஈசியாக ஹேண்டில் செய்ய முடியும், நெருக்கமான செல்லப்பிராணியாக இருக்கும்.

பொமரேனியன் (pomeranian) :  பலர் வீட்டில் ஒரு குட்டி பிரின்ஸ் போல ஜாலியாக வலம் வரும் மற்றொரு நாய் தான் இந்த புஸு புஸு பொமரேனியன். 3 முதல் 4 கிலோ தான் இருக்கும் இந்த கியூட்டான நாய் இனம் பலராலும் விரும்பப்படுகிறது. அதிகமாக பாசம் காட்டும் இந்த வகை, முதியவர்கள் குழந்தை போல வளர்க்க பொருத்தமாக இருக்கும்.

பூடில் (Poodle) : 3 வெவ்வேறு அளவுகளில் காணப்படும் இந்த நாய் இனம், எளிதில் எல்லாவற்றையும் கற்றுக்கொள்ளும். தினசரி வாக்கிங் கொண்டு செல்வது அவசியம் என்பதால், முதியவர்களுக்கு நல்ல துணையாக இருக்கும்.

ஷிட்ஸு (shih tzu) : குட்டியான நாய் வகைகளில் மிகவும் பிரபலமான மற்றொரு இனம் தான் ஷிட்ஸு. இதற்கு பயிற்சி கொடுக்க கொஞ்சம் பொறுமை அவசியம், ஆனால் எளிதாக ஹேண்டில் செய்யலாம். தினசரி வாக்கிங் மட்டும் தவறக்கூடாது.

பக் (Pug)  : பக் இன நாய்களை பார்க்கும் போதே வேடிக்கையாக, சுவாரஸ்யமாக இருக்கும். தன்னுடைய எஜமானரின் எனர்ஜிக்கு ஏற்றவாறு, அட்ஜஸ்ட் செய்து கொள்ளும் திறம் கொண்டது. மிக மிக அன்பாக இருக்கும். ஆனால், ஆரோக்கியமான உணவுப் பழக்கத்தை பின்பற்ற வேண்டும்.