மஞ்சள் நிற பற்களால் அவதிப்படுகிறீர்களா? அவற்றை பிரகாசமாக்கும் பழங்கள் குறித்து தெரிந்துகொள்ளுங்கள்!

மஞ்சள் பற்கள், தற்போது நம் அனைவருக்கும் இருக்கும் மிகவும் பொதுவான பிரச்சனையாகும். மேலும் பெரும்பாலான மக்கள் மஞ்சள் கரையை அகற்ற சில ட்ரிக்ஸ் மற்றும் வழிமுறைகளை வைத்திருக்கிறார்கள். மேலும் பெரும்பாலான மக்கள் சில எளிய வீட்டு வைத்தியங்களை செய்து பற்களை வெண்மையாக்கி கொள்கின்றனர். அதேபோல, நாம் தினசரி உண்ணும் பழங்கள் கூட நம் பற்களை வெண்மையாக்கும் என்பது உங்களுக்கு தெரியுமா? பற்களில் உள்ள மஞ்சள் நிறத்தைப் போக்க உதவும் ஐந்து பழங்களைப் பற்றி இந்த பதிவில் நாம் விரிவாக காணலாம். இந்த பழங்கள் உங்கள் பற்களை முன்னெப்போதும் இல்லாத வகையில் பளபளக்கச் செய்யும். அதேபோல, பழங்கள் சாப்பிடுவது பல ஆரோக்கிய நன்மைகளை கொடுக்கின்றன.

ப்    வாழைப்பழம் : பற்களில் உள்ள மஞ்சள் நிறத்தைப் போக்க வாழைப்பழம் உதவுகிறது. இதில் ஊட்டச்சத்துக்கள் நிறைந்துள்ளன. வாழைப்பழத்தில் மெக்னீசியம், பொட்டாசியம் மற்றும் மாங்கனீசு உள்ளது. அவை பற்களில் உள்ள அழுக்குகளை அகற்றுவதில் பயனுள்ளதாக இருக்கும். மேலும் பற்களை பளபளப்பாகவும் மாற்றுவது இதன் சிறப்புகளில் ஒன்றாகும்.

தர்பூசணி : தர்பூசணி பற்களின் பிரகாசத்தை அதிகரிக்க உதவுகிறது. இதில் மாங்கனீஸ், துத்தநாகம், பொட்டாசியம், இரும்பு, மெக்னீசியம், கால்சியம் மற்றும் அயோடின் உள்ளது. இது பற்களின் ஆரோக்கியத்திற்கு நன்மை பயக்கும். இதனை பற்களில் தேய்த்து வந்தால் மஞ்சள் படலம் நீங்கும்.

ஸ்ட்ராபெர்ரி : ஸ்ட்ராபெர்ரிகள் சுவையில் சிறந்தவை மட்டுமல்ல, ஊட்டச்சத்துக்கள் நிறைந்தவையும் கூட. ஸ்ட்ராபெரியின் ஒரு நன்மை என்னவென்றால், அது உங்கள் பற்களை பிரகாசமாக்க உதவுகின்றன. இந்த பழத்தில் மாலிக் அமிலம் உள்ளது. இது பற்களில் இருந்து பிளேக்-ஐ அகற்ற உதவுகிறது. பற்கள் பளபளப்பாக இருக்க ஸ்ட்ராபெரி பழத்தை வெட்டி அதன் மீது இரண்டு சிட்டிகை சமையல் சோடாவை வைத்து பற்களில் சில நிமிடம் தேய்த்தால் மஞ்சள் படலம் நீங்கும்.

ஆப்பிள் : ஆப்பிள் சாப்பிடுவதால் பற்களின் பிரகாசமும் அதிகரிக்கும். இந்த பழம் பற்களுக்கு ஸ்க்ரப்பராக செயல்படுகிறது. ஆப்பிளில் காணப்படும் மாலிக் அமிலம் நிறைய உமிழ்நீரை உருவாக்குகிறது. இது பற்களின் மஞ்சள் நிறத்தை அகற்ற உதவுகிறது.

ஆரஞ்சு : ஆரஞ்சு, உங்கள் ஆரோக்கியத்திற்கு நன்மை பயக்கும். அதேபோல ஈறுகள் மற்றும் பற்களுக்கு சமமாக பயனை வழங்கும். ஆரஞ்சுகளில் வைட்டமின் சி மற்றும் கால்சியம் நிறைந்துள்ளது. இது பற்களின் மஞ்சள் நிறத்தை நீக்கி அவை பிரகாசிக்க உதவுகின்றன.

பலன்களை தவிர்த்து பற்களில் உள்ள மஞ்சள் கரையை நீக்க இன்னும் சில எளிய வழிகள் இருக்கின்றன. சிறிதளவு சோடா உப்பு மற்றும் பற்பசையை கலந்து அதனை கொண்டு பல் தேய்க்கும் போது பற்கள் மிகவும் பளபளப்பாக மாறும். இதனை வாரத்திற்கு ஒரு முறை செய்யலாம்.