இந்த 10 பாராட்டுகளுக்கு மட்டும் எப்போதுமே செவி கொடுக்காதீர்கள்!

பாராட்டுகளை பெறுவது என்றால் யாருக்கு தான் பிடிக்காது. நம் அனைவருக்கும் யாராவது நம்மை பாராட்டும் போது மனதிற்கு மிகவும் மகிழ்ச்சியாக இருக்கும். ஆனால் சில நேரங்களில் எவரேனும் நம்மை பாராட்டும் போது அமைதியாக இருந்து விடுவது நல்லது.

இல்லையென்றால் அவர்களை விட்டு விலகி விடுவது மிகவும் நல்லது. ஏனெனில் சில பாராட்டுகள் அர்த்தம் அற்றதாகவும், அந்த பாராட்டே நம்மை இழிவுபடுத்தும் விதமாகவும் அமைவதுண்டு. அந்த வகையில் என்ன விதமான பாராட்டுக்களை எல்லாம் நம் தவிர்த்து விட வேண்டும் என்பதை பற்றி பாப்போம்.

உங்கள் மேக்கப் அழகாக உள்ளது ! எவரேனும் உங்களது மேக்கப்பை பார்த்து மிகவும் அழகாக உள்ளது என்று கூறினால், அதனை பற்றி அதிகம் அலட்டி கொள்ள வேண்டாம். நீங்கள் மேக்கப் போடுவதற்கு முன்பு நீங்கள் அழகாக இல்லையா என்ன?

அட! அதிகமாக எடை குறைந்து விட்டீர்களே! ஒருவருடைய உடல் எடையை பற்றி அடிக்கடி பேசுவது அவ்வளவு நாகரிகமான செயல் அல்ல. யாரேனும் நீங்கள் உடல் எடையை குறைத்தது பற்றி பெருமையாக கூறினால், அதனை நிராகரித்து விடுவது அல்லது ஒதுங்கி விடுவது நல்லது.

இவ்வளவு அழகாக இருந்தும் ஏன் சிங்கிளாக இருக்கிறீர்கள்? நீங்கள் சிங்கிளாக இருப்பதைப் பற்றி யாரேனும் அடிக்கடி தங்களது கருத்துக்களை கூறிக் கொண்டிருந்தால், அதனை காதில் வாங்கிக் கொள்ள வேண்டாம். ஒருவர் உறவில் இருப்பதும் இல்லாமல் இருப்பதும் அவரவர் விருப்பமாகும். இதை பற்றி அடிக்கடி கேள்வி எழுப்புவது சரியான செயல் அல்ல.

இந்த வயதிலும் பார்க்க அழகாக இருக்கிறீர்களே! உங்களது வயதையும் அழகையும் தொடர்பு படுத்தி யாரேனும் பேசினால் அதனை பெரிதாக எடுத்துக் கொள்ள வேண்டாம். உங்களுக்கு வயதையும் அழகையும் தொடர்பு படுத்திக் புகழ்வது என்பது நாகரிகமான செயல் அல்ல.

பெண்ணாக இருந்தாலும் அருமையாக வண்டி ஓட்டுகிறீர்களே!
நீங்கள் பெண்ணாக இருந்து உங்களது டிரைவிங் திறமையைப் பற்றி யாரேனும் பாராட்டினார்கள் என்றால் அதனை செவிமடுத்து கேட்க வேண்டாம். ஆண் பெண் இருவருமே ஒரே விதமாகத்தான் டிரைவிங் கற்றுக் கொள்கிறார்கள். இதில் என்ன பெரிய வித்தியாசம் வந்து விட்டது.

நீங்கள் மிகவும் வலிமையானவர்! உணர்வுகளை கட்டுப்படுத்த முடியாத சூழ்நிலையில் யாரேனும் உங்களிடம் வந்து நீங்கள் மிக தைரியமானவர், வலிமையானவர் என்று உங்களை சமாதானப்படுத்த முயற்சி செய்தால் அதனை கண்டு கொள்ள வேண்டாம். உணர்வுகளை அப்படியே வெளிப்படுத்துவது தான் சரியானதாக இருக்கும். கோபம் வந்தால் கோபப்படுவதும், அழுகை வந்தால் அழுவதும் தான் மிகச் சரியான அணுகுமுறை.

உங்களுக்கு இரண்டு குழந்தைகளா? அருமை! உங்களது குழந்தைகளின் எண்ணிக்கை பற்றி யாரேனும் பாராட்டி பேசினால் அவர்களை விலக்கி விடுங்கள். குழந்தைகளைப் பெற்றுக் கொள்வது என்பது அவரவர் தனிப்பட்ட விருப்பம். இதைப் பற்றிய அபிப்ராயம் சொல்ல யாருக்கும் உரிமை இல்லை.

பரவாயில்லை நேரத்திற்கு வந்து விட்டீர்களே! இவ்வாறு யாரேனும் கூறும்போது இதற்கு முன் நீங்கள் நேரத்திற்கு வராமல் இருந்தவர் என்ற மறைமுகமான பிம்பத்தையும் இது உண்டாக்குகிறது. எனவே இதுபோன்று பாராட்டுகளை கண்டு கொள்ளாமல் இருப்பதே நல்லது.

புகைப்படங்களில் அழகாக இருக்கிறீர்கள்! அப்படி என்றால் நீங்கள் உண்மையில் அழகாக இல்லையா என்ன? இதுபோன்ற பாராட்டுக்களையும் தவிர்த்து விடுவது மிகவும் நல்லது.

பெண்ணின் உடல் அமைப்பில் இருக்கும் ஆணை போல் இருக்கிறீர்கள்! உங்களது நடத்தை மற்றும் அனைவரிடமும் சகஜமாக பழகும் தன்மையை கொண்டு யாரேனும் உங்களை ஆண்களுடன் ஒப்பிட்டு பேசினால் அந்த பாராட்டை கண்டு கொள்ளாமல் இருப்பதே நல்லது. ஏன் பெண்கள் ஆண்கள் போல் இருக்கக் கூடாதா என்ன!