கரூர்: பயணியர் ஆட்டோவில் புகுந்த ஐந்து அடி விஷபாம்பை மீட்ட தீயணைப்பு துறை..

மாவட்டம் குளித்தலை பேருந்து நிலையம் முன்பு ஆட்டோ ஸ்டாண்டில் உள்ள திம்மாச்சிபுரத்தைச் சேர்ந்த ஐயப்பன் என்பவரின் ஆட்டோவில் கொம்பேறி மூக்கன் என்ற விஷ பாம்பு   புகுந்துள்ளது.

பேருந்து நிலையத்தில் நின்று கொண்டிருந்த  பொதுமக்கள் பாம்பு ஆட்டோவில் ஏறுவதை பார்த்து சத்தம் போட்டனர். அதனைக் கண்ட பொதுமக்கள் ஆட்டோ உரிமையாளரிடம் தகவல் தெரிவித்தனர்.ஆட்டோ ஸ்டாண்டில் உள்ள ஓட்டுநர்கள் ஆட்டோவை கீழே தள்ளி கட்டையால்  தட்டிப் பார்த்தும் கண்ணுக்கு  தென்படவில்லை.

உடனடியாக முசிறி தீயணைப்பு துறைக்கு தகவல் கொடுத்தனர். அவர்கள்  விரைந்து வந்து ஆட்டோவில் இருந்த 5அடி விஷபாம்பை தேட ஆரம்பித்தனர்.

தீயணைப்பு துறை காவல் ஆய்வாளர் ரெங்கர் தலைமையில் தீயணைப்புத்துறையினர் பாம்பை பிடித்து வனத்துறை பகுதியில் கொண்டு  விடப்பட்டது.  இதனால் அப்பகுதியில் சிறிது நேரம் பரப்பரப்பு ஏற்ப்பட்டது என்பது குறிப்பிடத்தக்கது.