குழித்துறையில் களைக்கட்டியது வாவுபலி பொருட்காட்சி.. குவியும் பொதுமக்கள்

மாவட்டம் குழித்துறை தாமிரபரணி ஆற்றின் கரையோரம்  ஆண்டுதோறும் ஆடி அமாவாசையையொட்டி குழித்துறை நகராட்சி நிர்வாகம் சார்பில் விவசாயிகளின் விளை பொருட்களை கொண்டு பொருட்காட்சி நடத்தபடுவது வழக்கம்.

இந்நிலையில்  கடந்த இரண்டு ஆண்டுகளாக கொரோனா நோய்தொற்று ஊரடங்கால் வாவுபலி பொருட்காட்சி நடைபெறாமல் இருந்துவந்தது.

இந்நிலையில்   இந்த ஆண்டிற்கான 97வது வாவுபலி பொருட்காட்சி கடந்த 14 ஆம் தேதி குழித்துறையில்  நகராட்சிக்கு சொந்தமான விஎல்சி மைதானத்தில் துவங்கின.

இது தொடர்ந்து 20 நாட்கள் நடைபெறும் இந்த பொருட்காட்சியில் தினமும் குழந்தைகளுக்கான விளையாட்டு  உபகரணங்கள், பார்வையாளர்களை கவரும் ராட்டினங்கள் , மரண கிணறு என மக்கள் பொழுது போக்கு அம்சங்கள் மற்றும் விவசாய விளை பொருட்கள் கண்காட்சியும் அடங்கி உள்ளதால் தினமும் ஏராளமான தமிழக கேரள மக்கள் திரண்டு பார்வையிட்டு வருகின்றனர்.

இங்கு  நூற்றுக்கணக்கான போலீசாரும் பாதுகாப்பு பணியில் ஈடுபட்டுள்ளனர்.