கன்னியாகுமரிக்கு டூர் போறீங்களா? அழகான இந்த அருவியை மிஸ் பண்ணாதீங்க!

க்கு சுற்றுலா செவ்வோர் இந்த அருவிக்கு கட்டாயம் சென்றுவர வேண்டும். இயற்கை அழகோடு சில்லென்று கொட்டும் திற்பரப்பு அருவியில் நனைந்து குளிப்பது அலாதியான சுகத்தைக் கொடுக்கும்.

குமரி மாவட்டத்தில் திற்பரப்பு என்னும் ஊரில் அமைந்துள்ள இந்த அருவி மிகவும் புகழ்பெற்ற அருவியாகும். நாகா்கோவிலில் இருந்து 42 கி.மீ. தொலைவிலும் திருவனந்தபுரத்தில் இருந்து 55 கி.மீ. தொலைவிலும் இது அமைந்துள்ளது. இந்த அருவி கோதையாறு நதியில் அமைந்துள்ள அற்பபுத இடமாகும்.

கோதையாறானது திற்பரப்பில் அருவியாக பாய்கிறது. இந்த அருவி 300 அடி நீளமும் முற்றிலும் பாறைகளால் அமைந்த ஆற்றுப்படுகையும் கொண்டது. 50 அடி உயரம் கொண்டது. வருடத்தில் 7 மாதம் இந்த அருவி அதிக அளவு நீருடன் காணப்படும். காலை 6 மணி முதல் மாலை 6 மணி வரை குளிப்பதற்கு அனுமதி அளிக்கப்படுகிறது.

திற்பரப்பு அருவியை காண கன்னியாகுமரி, நாகா்கோவில் மற்றும் திருவனந்தபுரம் சாலை வழியாக வரலாம். மேலும், ரயில் மூலம் வரவேண்டும் என்றால், மார்த்தாண்டம், நாகா்கோவில் வாயிலாகவும் இந்த இடத்திற்கு வர முடியும்.

இந்த அருவியின் மேற்பரப்பில் 250 மீட்டா் தொலைவில் அமைக்கப்பட்டுள்ள திற்பரப்பு நீா் தேக்கத் திட்டமானது, சுற்று வட்டார வயல்களின் பாசனத்திற்கு பயன்படுகிறது. இந்த அருவிக்கு அருகில் ஒரு நீச்சல் குளமும் பூங்காவும் உள்ளது.

இதற்கு அருகில் படகு சவாரி செல்லவும் வசதி ஏற்படுத்தப்பட்டுள்ளது. குறைந்த கட்டணத்தில் கால்மிதிப் படகு வசதியும் உள்ளது.  இந்த திற்பரப்பு அருவியானது பேச்சிப்பாறை அணையிலிருந்து 13 கி.மீ. தொலைவில் இருக்கிறது.

கோதையாற்றின் இடதுபக்கக் கரையில் அருவிக்கும் நீா்த்தேக்கத்திற்கும் நடுவே மகாதேவா் கோவில் (சிவன் கோவில்) உள்ளது. இந்த கோவில் பன்னிரெண்டு சிவாலயங்களுள் மூன்றாவது சிவ தலமாக போற்றப்படுகிறது. இந்தக் கோவிலில் சிவபெருமான் வீரபத்திரன் என்னும் உக்கிர வடிவில் உள்ளார். இந்தக் கோவிலில் 9 ஆம் நூற்றாண்டைச் சோ்ந்த பாண்டியா் கால கல்வெட்டுக்கள் காணப்படுகின்றன.