கன்னியாகுமரி திற்பரப்பு அருவியில் எடுக்கப்பட்ட முன்னணி ஹீரோக்களின் திரைப்பட லிஸ்ட்!

மாவட்டம் குலசேகரம் பகுதியில் இருந்து 7 கி.மீ தொலைவில் திற்பரப்பு என்ற ஊரில் அழகே உருவான அருவி ஆர்ப்பரித்துக் கொட்டுகிறது. இதை சிறிய குற்றாலம் என்றும் சுற்றுலா வாசிகள் அன்போடு அழைக்கின்றனர்.

இந்த திற்பரப்பு அருவிக்கு செல்லும் வழியில் அழகான பூங்கா வடிவமைக்கப்பட்டுள்ளது. இந்த திற்பரப்பு அருவிக்கு கோதையாற்றில் இருந்து தண்ணீர் வருகிறது. சுமார் 50 அடி உயரத்தில் இருந்து கொட்டும் இந்த அருவியில் எடுக்கப்பட்ட படங்கள் குறித்து பார்ப்போம்.

நீ வருவாய் என : அஜித், தேவயானி, பார்த்திபன் நடித்த ‘நீ வருவாய் என’ படத்தில் இடம்பெற்ற, ‘ஒரு தேவதை வந்து விட்டாள்’ பாடலில் பெரும்பாலான காட்சிகள் இந்த திற்பரப்பு அருவியில்தான் எடுக்கப்பட்டன. இதில் ஒரு காட்சியில் தூண் மண்டபம் காட்டப்பட்டிருக்கும். மேலும், தேவையாணியும், பார்த்திபனும் அருவி முன் நடந்து செல்லும் காட்சியும் இங்குதான் எடுக்கப்பட்டது.

நான் பாடும் பாடல் : மோகன் மற்றும் சிவக்குமார் இணைந்து நடித்த நான் பாடும் பாடல்’ படத்தில், ‘பாடும் வானம் பாடி’ என்ற பாடலில், சில காட்சிகள் இந்த அருவியில்தான் எடுக்கப்பட்டிருக்கும். இதே படத்தில், குழந்தைக்கு மொட்டை அடிக்கும் காட்சியின் போது, இந்த அருவி மற்றும் கல் மண்டபம் காட்டப்பட்டிருக்கும்.

கடலோர கவிதைகள் : நடிகர் சத்தியராஜ் நடித்த கடலோர கவிதைகள் படத்தில் இடம்பெற்ற ‘அடி ஆத்தாடி இளமனசொன்னு...’ என்ற பாடலின் சில காட்சிகள் இந்த திற்பரப்பு அருவியில் எடுக்கப்படதாகும். இதே படத்தில், தூண்மண்டபம் மற்றும் அருவியின் சில காட்சிகள் காட்டப்பட்டிருக்கும்.

உல்லாச பறவைகள் : கமல்ஹாசன் நடித்த உல்லாச பறவைகள் படத்தின் ‘தெய்வீக ராகம்’ பாடல்கள் காட்சிகள் இந்த திற்பரப்பு அருவி மற்றும் தூண் மண்டபத்தில் எடுக்கப்பட்டிருக்கும்.

புன்னகை மன்னன் : கமல்ஹாசன் நடித்த புன்னகை மன்னன் படத்தில் ‘கவிதை கேளுங்கள்’ பாடலில் இந்த தூண் மண்டபத்தில் நடிகை ரேவதி நடனம் ஆடும் காட்சியும் எடுக்கப்பட்டிருக்கும்.

ஆனந்தம் : நடிகர் மம்முட்டி, அப்பாஸ், சினேகா, முரளி உள்ளிட்ட நட்சத்திரங்கள் நடித்த படம் ஆனந்தம். இந்த படத்தில் ‘என்ன இதுவோ... என்னை சுற்றியே புதிதாய் ஒளி வட்டம்’ பாடலில் பெரும்பாலான காட்சிகள் இந்த திற்பரப்பு அருவியில் ஷூட் செய்யப்பட்டது.

தேவா : நடிகர் விஜய் நடித்த தேவா படத்தில் ‘சின்ன பொன்னு சின்ன பயன் காதலிச்சா ஒரு பாட்டு வரும்’ என்ற பாடலில் இந்த அருவி காட்டப்பட்டிருக்கும். மேலும், அருகில் இருக்கும் தூண் மண்டபமும் காட்டப்பட்டிருக்கும். இதே படத்தில், மற்றொரு பாடலான ஒரு ‘கடிதம் எழுதினேன்’ பாடலிலும் இந்த அருவியை காட்டி இருப்பார்கள்.

நிலவே வா : நடிகர் விஜய் நடித்த நிலவே வா படத்தில் ’சந்திர மண்டலத்தை சுத்தம் செய்து’ என்ற பாடலில் இந்த அருவியின் மீது நடனம் ஆடும் காட்சிகள் காட்டப்பட்டிருக்கும். இதேபோல மேலும் பல படங்கள் இந்த திற்பரப்பு அருவியிலும், அருவிக்கு அருகில் இருக்கும் இடங்களிலும் ஷூட் செய்யப்பட்டுள்ளன.